Bul kúnderi Saýd Arabııasynyń Jıdda qalasynda jastar arasynda álem chempıonaty ótip jatyr, dep jazady Egemen.kz.
Dúbirli dodaǵa Qazaqstannan eki sportshy ǵana qatysýda. Solardyń alǵashqysy keshe jarys jolyna shyqty. 102 kılo salmaq dárejesinde kúsh synasyp júrgen Rahat Bekbolat buǵan deıin de jasóspirimder men jastar arasynda álem jáne qurlyq chempıony atanyp, san ret rekordtyq kórsetkishterdi de jańartty. Eresekter dýyna erkin qosylǵan qazaqtyń daryndy uly bul saıystarda da aldyna jan salmaı, óziniń myqtylyǵyn moıyndatty.
Jıddadaǵy jarysta Rahat qossaıystyń qorytyndysy boıynsha 355 (155+200) kılolyq ziltemirdi erkin eńserip, altyn tuǵyrǵa kóterildi. Túrkııalyq Taner Chaglar kúmis medaldi ıelendi. Ol qandasymyzdan 18 kılo kem kóterdi. Qola júlde Irak sportshysy Ammar Rýbaıavı Álıge buıyrdy.
Endi asa aýyr salmaqtaǵy Rýfına Shalqarova óz ónerin ortaǵa salady. Ol da elimizdegi daryndy ziltemirshilerdiń biri. Erteńgi kúni Rýfına Rahattyń jeńisti jolyn jalǵastyrady dep úmittenemiz.