Innovasııa kepili

Álemniń damyǵan elinde ınnovasııalyq jańa jobalardy ekonomıkanyń, jańa tehnologııanyń jetistikteri retinde qaraıtyndyǵy belgili, óıtkeni ınnovasııa degenimiz – eńbek ónimdiligin aıtarlyqtaı arttyratyn is. Ásirese, ın­novasııalyq bilim tehnologııalaryn ómir salalaryna engizý – jańalyqtyń jarshysy bolyp tabylady. Mine, bul oraıda Elbasy Joldaýynda aıtqandaı, ınnovasııalyq tehnologııalardy damytý, jańa bas­­ta­malardy ómirge endirý jalpy­ elimizdi damytýdyń joldary. Sonyń bir dálelindeı, jaqynda Prezıdent janyndaǵy Memlekettik basqarý akademııasynda da alǵash ret «A» korpýsynyń memlekettik qyzmetshilerin onlaın-qashyqtyqtan oqytý» ınnovasııalyq jobasy óz jumysyn bastady. Bul tynymsyz daıyndyq jumystary arqasynda júzege asyrylǵan eken. Osylaısha akademııada shetelderdiń jetekshi ǵylymı ortalyqtarynyń ın­no­vasııalyq tehnologııalary­na negizdelgen, «A» korpýsyn­ oqytý úshin irgeli, is-tájirıbege ushtastyrylǵan onlaın-qa­shyq­tyqtan modýlderi qurastyrylǵan kórinedi. Sóıtip, atalǵan basqarý akademııasy óziniń qazirgi kom­mý­nıkasııalyq jabdyqtaryn paıdalana otyryp, «A» korpýsynyń basqarýshylaryna Qazaqstan Respýblıkasyndaǵy strategııalyq josparlaý men bıýdjetteý; memlekettik organdardaǵy kadr­lar menedjmenti; basqarýshylyq sheshimderdi ázirleý men qabyldaý pánderin zerdeleý boıynsha ınnovasııalyq bilim tehnologııa­lary salasyna enýge múmkindik bergen. Oqýdyń sońǵy kezeńinde akademııanyń professor-oqy­tý­shylar quramy, kýrstyń tyń­daý­shylary birqatar trenıngter, atap aıtqanda, Akademııanyń psıholog oqytýshylarynyń basshylyǵymen «A» korpýsynyń memlekettik qyzmetshileriniń quzyrettigin damytý úshin koých-trenıngter uıymdastyryp, ótkizedi. Al akademııa «A» korpýsy úshin olardyń kásibı, basqarýshylyq jáne tulǵalyq quzyretterin tıimdi iske asyrýǵa múmkindik beretin bilimdi qalyptastyrý maqsatynda qolaıly jaǵdaı týǵyzady. Oqytý barysynda tájirıbelik quram bóligi oqıtyndar úshin keıster daıyndaý túrinde aıqyndalatyn bolady deıdi. Keıstermen jumys «A» korpýsyna alǵash taǵaıyndalǵan memlekettik qyzmetshilerge komandamen jumys isteý, tıimdi basqarýshylyq sheshimderdi qabyldaý, aqparat kózderimen jáne tyǵyz ýaqyt sheńberinde jumys isteı bilý daǵdylaryn kórsetýine múmkindik beretindigi sózsiz. Kýrsty oıdaǵydaı ıgergen memlekettik qyzmetshilerge qaıta daıarlaýdan ótkenin rastaıtyn qujat tapsyrylady. Sóıtip, osy jyly «A» korpýsyna alǵash taǵaıyndalǵan ákimshilik memlekettik qyzmetshilerdiń 5 qaıta daıarlaý kýrsyn uıymdas­ty­rý josparlanǵan. Atap aıta keter jáıt, bul jobany iske asy­rý Memleket basshysynyń mem­lekettik qyzmetshilerdi oqytý úrdisin jańǵyrtýǵa baılanysty naqty tapsyrmalaryn oryndaýǵa negizdelgen. Aleksandr TASBOLATOV, «Egemen Qazaqstan».