INTEGRASIIа: ÁLEMDIK TÁJIRIBE
Qazirgi jahandaný zamanynda oqshaýlanyp ómir súretin memleketti kózge elestetýdiń ózi múmkin emes. Kópqyrlylyqqa ótý jaǵdaıynda óńirlik odaqtardyń róli arta túsedi. О́ıtkeni, álemdegi ekonomıkalyq damý úrdisteri ózara baılanys arqyly damyǵannyń aty ozatynyn kórsetedi.
Búgingi tańda 200-den astam túrli ıntegrasııalyq birlestikter qurylǵan. Olardyń asa irileri – Eýropa Odaǵy, soltústikamerıkalyq NAFTA, ońtústikamerıkalyq MERCOSUR, ATES, BRIKS. Postkeńestik keńistikte – bul Keden odaǵy men Birtutas ekonomıkalyq keńistik. Bolashaqta bul uıymdar Eýrazııalyq ekonomıkalyq odaqqa transformasııalanýy tıis.
Ortaq maqsat bar jerde, ekonomıkalyq áleýet birikken kezde taýarlar men qyzmet kórsetýlerdiń ortaq rynogy qurylady, sınergııanyń tetikteri iske qosylady. Qolda bar áleýetti tıimdi paıdalaný jahandyq syn-qaterler aldynda óńirlik ekonomıkalardyń ornyqtylyǵyn arttyrýǵa múmkindik berip, iskerlik, qoǵamdyq jáne mádenı baılanystardy keńeıte túsedi, sonymen qatar, kóliktik-kommýnıkasııalyq qurylymdar damyp, saýda-sattyqqa ynta kúsheıedi jáne ınvestısııalyq ózara is-qımyl men energetıkalyq áriptestik áleýeti joǵarylaıdy.
Qazaqstan – osy úderisterdiń belsendi qatysýshysy. Memleket basshysy sonaý 1994 jyly M.Lomonosov atyndaǵy MMÝ-de negizinde tyǵyz ekonomıkalyq ózara baılanystar jatqan naqty jumys isteıtin birlestik qurýdy usyndy. Kórip otyrǵanymyzdaı, bul joba tabysty júzege asyrylý ústinde. Qazaqstan, Reseı jáne Belarýs ózara is-qımyldyń jańa deńgeıine kóterilip otyr. Bizdiń elimiz úshin bul – DSU-ǵa kirer aldynda básekelestik arqyly kásipkerlerdi shyńdaýdyń jaqsy múmkindigi. Árıne, bul jerde 170 mln. adamdyq keń aýqymdy rynoktyń múmkindigi de mańyzdy bolyp tabylady.
Tutastaı alǵanda, jahandyq rynoktarǵa jaqyn óńirlerdegi ıntegrasııa tabystyraq júzege asyrylady. Buǵan mysal retinde Ortalyq Amerıka men Karıb basseıni, Soltústik Afrıka, Shyǵys Eýropa elderin keltirýge bolady. Integrasııalyq úderisterdi belsendilendirý turǵysynan kelgende, óziniń iri rynoktary bar óńirler men elder – Azııa, Ońtústik Amerıka, Ońtústik Afrıka, Úndistan jáne Qytaı perspektıvaly bolyp sanalady.
Eýrazııalyq ıntegrasııa ınstıtýty daıyndaǵan
Eýrazııalyq ıntegrasııa ınstıtýty daıyndaǵan2
«Egemen Qazaqstan» óziniń oqyrmandaryn álemdegi jetekshi ıntegrasııalyq birlestikterdiń qyzmeti týraly aqparattarmen tanystyrýyn jalǵastyrady.