Buǵan deıin Shymkent qalasy A-1 tas jolynda ornalasqan qurylys qaldyqtary polıgony aýmaǵyna turǵyndar úshin demalys ornyn salý josparlanǵan bolatyn. Qurylys jumystary 2021 jyldyń qyrkúıek aıynda tolyǵymen aıaqtaldy, dep habarlaıdy Egemen.kz Shymkent qalasy ákimdiginiń baspasóz qyzmetine silteme jasap.
Búgin qala ákimi M. Áıtenov abattanǵan nysandy aralap, qurylystyń sapasyn baqylady.
Merdiger mekeme «Ken Taý» JShS joba quny 301,6 mln teńgeni quraıtyn jobanyń qurylysyn óz merziminde aıaqtady.
Búgingi tańda jalpy aýdany 4,48 ga aýmaqta demalys orny alańdary, jaryqtandyrý baǵanalary, oryndyqtar, qoqys ýrnalary, sport alańdary quryldy. Sonymen qatar ártúrli pishinde kishi sáýlet músinderi ornatylǵan.
Jergilikti turǵyndar qoqys polıgony aýmaǵynyń retke keltirilip, jasyl jelekke aınalǵanyna qýanyshtaryn jetkizip, qala ákimine alǵysyn bildirdi.
Qurylysy 10 aıda aıaqtalǵan demalys orny turǵyndar úshin saıaly aýmaqqa aınalyp úlgerdi. Qalany jasyl jelekke aınaldyrý jáne kógaldandyrý, demalys ornyn kóbeıtý jumystary udaıy nazarda.
Aıta ketsek, búgingi tańda megapolıste 8 saıabaq, 39 gúlzar bar. Demalys oryndarynyń sany artyp keledi. Olardyń barlyǵyna arnaıy qyzmetkerler kún saıyn erekshe kútim júrgizedi.