Qaraǵandyda órt shyqqan úıden 10 adam evakýasııalandy. Olardyń arasynda eki bala boldy. Sońǵy táýlikte qaraǵandylyq qutqarýshylar 12 ret órt sóndirýge shyqqan, dep habarlaıdy Egemen.kz.
13 qazanda keshke saǵat 20:27-de Pıchýgın kóshesindegi 5 qabatty turǵyn úıdegi órt týraly habarlama kelip tústi. О́tinish berýshi órtenip jatqan páterde balalar bolýy múmkin dedi. Shaqyrý ornyna jedel kelgen órt sóndirýshiler dereý adamdardy qutqarýǵa kiristi.
«Barlaý júrgizgen kezde 3-qabattaǵy páterdiń asúıinde jalpy kólemi 6 sharshy metr jerdiń janǵany anyqtaldy. Qatty tútin saldarynan kireberistegi páterlerden birneshe turǵyn ózdiginen shyǵa almaı qalǵan. О́rt sóndirýshiler qutqarý qalpaqtaryn qoldana otyryp, kireberisten 10 adamdy, onyń ishinde janyp jatqan páterdiń ústindegi páterde bolǵan 2 balany alyp shyqty.
Teplovızordyń kómegimen barlyq irgeles jáne jaqyn ornalasqan páterler tekserildi. Qabyldanǵan sharalardyń arqasynda órt 21:05-te sóndirildi.
Aldyn ala boljam boıynsha órt elektr symdarynyń qysqa tuıyqtalýynan shyqqan», dep málimdedi Qaraǵandy oblysy TJD baspasóz qyzmeti.
О́tken táýlikte Qaraǵandy oblysy Tótenshe jaǵdaılar departamenti bólimsheleriniń qyzmetkerleri 20 ret shaqyrtýǵa shyqqan, onyń ishinde órt sóndirýge 12 ret, avarııalyq-qutqarý jáne izdeý jumystaryna 8 ret bardy.
Jalpy eseptegende 17 adam qutqaryldy. 5 órt elektr symdarynyń qysqa tuıyqtalýynan bolǵany anyqtaldy. Bul rette peshter men tútin murjalaryn ornatý kezinde órt qaýipsizdigi erejeleriniń buzylýy ottyń tutanýyna sebep bolǵan.