Bul týraly QR Prezıdenti janyndaǵy Ortalyq kommýnıkasııalar qyzmetiniń alańynda ótken baspasóz konferensııasy barysynda Aýyl sharýashylyǵy mınıstri Erbol Qarashókeev habarlady. Onyń aıtýynsha, áleýmettik nan baǵasynyń birden ósýine jol berilmeıdi, dep jazady Egemen.kz.
«Ol úshin bizdiń qolymyzda barlyq quraldar bar. Qajetti rezerv kólemi de jetkilikti, ol ótken jylǵy egindi esepke alǵanda, 1 mln tonnany quraıdy. Bul qordy tek astyqqa ǵana emes, mal sharýashylyǵy salasyn qoldaýǵa da qoldanamyz. Sondyqtan áleýmettik nannyń baǵasy birden óspeıdi. Osyǵan baılanysty nan baǵasy qoljetimdi mólsherde bolady dep boljaımyn», dedi vedomstvo basshysy.
Memleket basshysynyń tapsyrmasy boıynsha Ulttyq jobada et, jemis, kókónis, qant, dándi, maıly daqyldar, sút ónimderin óndirý men óńdeýge basymdyq beriledi. Sonymen qatar iri ınvestısııalyq jobalardyń aınalasynda 7 ekojúıe qalyptastyrylady. Bul qosylǵan quny joǵary túpkilikti qazaqstandyq ónim jasaýǵa qatysa alatyn keminde 350 myń fermerlik jáne úı sharýashylyqtaryn iske tartýǵa múmkindik beredi.