Búgin, Taıland bıligi eki aı boıy oppozısııa ókilderiniń qorshaýynda bolǵan Bangkok ortalyǵyndaǵy Úkimet úıin óz baqylaýyna aldy. Bul týraly RIA «Novostı» habarlady.
Budan buryn Taıland ulttyq qaýipsizdik keńesiniń basshysy Paradorn Pattanatabýt málimdegendeı, bılik Úkimet úıimen qatar taǵy tórt nysandy óz baqylaýyna alýdy josparlap otyr. Onyń ishinde ishki ister mınıstrligi ortalyq apparatynyń ǵımaraty da bar.Úkimet úıin bosatý sharasy barysynda ereýilshiler tártip saqshylaryna qarsylyq kórsetpegen.«Úkimet úıiniń qyzmetkerleri 17 aqpannan bastap jumysqa shyǵady», – dep málimdedi eńbek mınıstri Chalerm Iýbamrýng.
Taılandtaǵy jappaı narazylyq aksııalary ótken jyldyń qarasha aıynda bastalǵan edi. Jeltoqsanda ereýilshiler parlamenttiń taratylýy men premer-mınıstr kabınetiniń otstavkaǵa ketýine qol jetkizdi. Alaıda, 2 aqpanda ótken parlament saılaýynyń qorytyndysy boıynsha, burynǵy premer Iınglak Chınavattyń partııasy jeńiske jetti.
Aıdar О́risbaev.
Derekkóz: Ria.ru.
Foto: Ria.ru.