Qazaqstanda ulttyq joba aıasynda kınoprokattaǵy otandyq fılmderdiń úlesin 2025 jylǵa qaraı 25%-ǵa deıin arttyrý josparlanýda. Bul týraly QR Aqparat jáne qoǵamdyq damý mınıstri Aıda Balaeva málimdedi, dep habarlaıdy Egemen.kz.
«Elimizdiń shyǵarmashylyq áleýetin tikeleı qoldaý arqyly otandyq mádenı ónimderdi óndirý júıesi qurylady, onyń ishinde kınoprokattaǵy otandyq fılmderdiń úlesin 25%-ǵa deıin arttyrý, «Qazaqanımasııa» shyǵarmashylyq birlestigi bazasynda 40-qa jýyq anımasııalyq fılm shyǵarý, sondaı-aq, shyǵarmashylyq keleshegi zor talantty tulǵalardyń 150 jobasyn qoldaý», dedi Aıda Balaeva OKQ-da ótken baspasóz konferensııasynda.
Sondaı-aq, mınıstr «E-culture.kz», biryńǵaı elektrondyq platforma jobasy týraly aıtty, ol otandyq mádenıettiń barlyq jetistikterine erkin rejımde onlaın-qol jetkizýge múmkindik beredi.
«Mysaly, jer sharynyń kez kelgen núktesinen úıden shyqpaı, bizdiń murajaı men teatrlarǵa, kitaphanalarǵa jáne basqa da mádenı kórikti jerlerge barýǵa bolady», dep atap ótti vedomstvo basshysy.