Egemen Qazaqstan gazetiniń 2021 jylǵy 21 qazandaǵy sanynda Ulybrıtanııanyń Qazaqstandaǵy Tótenshe jáne ókiletti elshisi Ketı Lıchtan alǵan Abaı Asankeldiulynyń suhbaty jaryq kórdi, dep habarlaıdy Egemen.kz.
Elshi eki el arasyndaǵy yntymaqtastyq pen ekonomıkalyq qarym-qatynastarǵa qysqasha toqtala otyryp, Qazaqstanǵa jáne qazaq tiline qatysty da pikirin bildirdi. Sondaı-aq Qazaqstanǵa baratynyn estigen sátte qandaı áserde bolǵanyn da aıtyp bergen.
«Biz Qazaqstanǵa kelerde 18 aıǵa jýyq oqshaýlaný men shekteýlerden óttik. Eshqaıda shyqpaı, Hartfordshır okrýgindegi úıimizde turdyq. Sondyqtan kenetten erekshe zamanaýı qalaǵa kóshý – biz úshin óte keremet jańalyq boldy. Biz əli de saıahattaı almaımyz, biraq men olarǵa Qazaqstandy tolyq aralatyp shyqqym keledi», dedi Ketı Lıch.