Jambyl oblysynda bıylǵy toǵyz aıdyń qorytyndysy boıynsha ekonomıkanyń barlyq salalarynda oń dınamıka baıqaldy. Esepti kezeńde óńirdegi ekonomıkalyq ósim 4,6 paıyzdy qurap otyr. Bul týraly máslıhat depýtattary aldynda esep bergen oblys ákimi Berdibek Saparbaev atap ótti, dep habarlaıdy Egemen.kz.
Oblysta 4482 páterli 76 turǵyn úı qurylysy júrgizilýde, jyl sońyna deıin 2902 páterli 50 úı tapsyrylady. Memlekettik baǵdarlamalar aıasynda 3,6 shaqyrym jol salynyp, 440,7 shaqyrym jolǵa ortasha jóndeý jumystary júrgizilip jatyr. Nátıjesinde qanaǵattanarlyq jaǵdaıdaǵy jergilikti avtojoldardyń úlesi 95 paıyzǵa jetetin bolady. 12 aýyldyq eldi mekenge sý qubyry júrgizilip, qamtylý deńgeıi 88,7 paıyzǵa deıin artady. 20 eldi meken tabıǵı gazben qamtylyp, 83,8 paıyzǵa jetedi.
Barlyq memlekettik baǵdarlamalar men jeke bastamalar aıasynda 27,1 myń jańa jumys orny ashyldy, onyń 14,8 myńy – turaqty.