Delcotimes.com saıtynyń redaktory, boks sarapshysy Djek MakKaferı orta salmaqta ótetin Gennadıı Golovkın men japonııalyq Rıota Mýrata arasyndaǵy birikken tujyrymdar jekpe-jegine qatysty pikirimen bólisti, dep habarlaıdy Egemen.kz.
«Rıota Mýrata álem chempıony bolǵanyna qaramastan, ony myqty boksshy dep aıtýǵa bolmaıdy. Ol – orta salmaq dárejesindegi chempıondardyń eń álsizi. Japon boksshysynyń boıynda basqa chempıondardy jeńetin qaýqar da, tehnıka da joq. Gennadıı Golovkın álem úzdigi Saýl Alvarespen eki márte keremet deńgeıde judyryqtasqanyn esepke alsaq, Mýratanyń múmkindigi jaıly sóz etýdiń ózi qıyn. Ol ortańqol boksshylarǵa qarsy shaıqastardyń ózinde kádimgideı qınaldy. Árıne, Rıota óz jankúıerleriniń aldynda baryn salatyny túsinikti. Alaıda Golovkın qaı kezde de qaýipti boksshy sanalǵan. Ol sharshy alańǵa ash qasqyr sekildi kóteriledi. Sondyqtan Mýratanyń jeńisine senbeımin», dedi ol.
Otandasymyz Gennadıı Golovkınge tıesili IBF jáne IBO belbeýlerimen qatar osy jekpe-jekte Mýrataǵy tıesili WBA (super) belbeýi báske tigiledi. Orta salmaqtaǵy chempıondardyń shaıqasy 29 jeltoqsan kúni Japonııa astanasy Tokıo qalasynda ótpek.