MEMLEKET BASShYSYNYŃ О́KILETTIGI NAQTY REGLAMENTTELÝI TIIS

Depýtattar Qazaqstan Respýblıkasy Tuńǵysh Prezıdentiniń – Elbasynyń mártebesin konstıtýsııalyq zań deńgeıinde bekitý qajet dep esepteıdi Keshe Parlament Májilisiniń depýtattary Ámzebek Jolshybekov, Rozaqul Halmuradov jáne Svetlana Ferho jýrnalısterge arnap bas­pa­sóz máslıhatyn ótkizip, suhbat berdi. Depýtattar bastamashy bolǵan “Qazaqstan Respýblıkasynyń keı­bir konstıtýsııalyq zańdaryna Qazaqstan Respýblıkasy Tuńǵysh Prezıdentiniń – Elbasynyń qyz­metin qamtamasyz etý salasyndaǵy zańnamany jetildirý máseleleri boı­ynsha ózgerister men tolyq­ty­rýlar engizý týraly” Qazaqstan Respýblıkasynyń Konstıtýsııalyq zańynyń jobasy jáne “Qazaqstan Respýblıkasynyń keıbir zańna­ma­lyq aktilerine Qazaqstan Res­pýb­lıkasy Tuńǵysh Pre­zıdenti­niń – Elbasynyń qyzmetin qam­tamasyz etý salasyndaǵy zańnama­ny jetil­dirý máseleleri boıynsha ózgerister men tolyqtyrýlar engizý týraly” Qazaqstan Respýblıkasy zańynyń jobasy týraly túsinik berdi. Depýtattar Qazaqstan Respýb­lı­kasynyń turaqty damýyn qam­ta­ma­syz etý maqsatynda Qazaqstan Respýblıkasy Tuńǵysh Prezı­dentiniń – Elbasynyń mártebesin konstıtýsııalyq zań deńgeıinde bekitý qajet dep esepteıdi. Osyǵan oraı atalǵan zańdarǵa túzetýler engizý jón sanalǵan. Parlamentshilerdiń aıtýynsha, Qazaqstan Respýblıkasy Tuńǵysh Prezıdentiniń – Elbasynyń aıryqsha tarıhı mıssııasyna baılanysty onyń konstıtýsııalyq ókilettigin naqty reglamentteý qajet, sondaı-aq onyń qyzmetin qamtamasyz etýdiń kepildigin qarastyrý kerek.