Jelide júkti áıelderge KVI-ge qarsy ekpe olardyń kelisiminsiz salynady degen qaýeset aqparat tarady. Bul aqparatty Sanıtarlyq-epıdemıologııalyq baqylaý komıteti joqqa shyǵardy, dep habarlaıdy Egemen.kz Stopfake.kz-ke silteme jasap.
Qaznet qoldanýshylary «22 qarashadan bastap júkti áıelderdi COVID-19-ǵa qarsy vaksınasııalaı bastaıdy» degen habar taratýda.
Bul rette habarlamada barlyǵyn birdeı egý josparlanyp otyrǵandyqtan, olardyń vaksınasııadan bas tartýy qabyldanbaıtyny aıtylǵan.
Aqparatty Sanıtarlyq-epıdemıologııalyq baqylaý komıteti joqqa shyǵardy.
«Júkti áıelderdi vaksınasııalaý egiletinderdiń aqparattandyrylǵan erikti kelisiminen keıin ǵana júzege asyrylatyn bolady. Búgingi kúni júkti áıelderge KVI-ge qarsy vaksına salynyp jatqan joq», dep habarlady vedomstvonyń resmı ókili Erjan Baıtanaev.