Almaty qalasynda avtokólikti júrgizý quqyǵynan aıyryla otyryp, kólik tizgindegen júrgizýshilerdi anyqtaýǵa múmkindik beretin servıs iske qosyldy, dep habarlaıdy Egemen.kz.
Kólik quralyn basqarý quqyǵynan aıyryla otyryp, mashınanyń rýlinde otyrǵan júrgizýshilerdi izdeý jónindegi jańa tehnologııa JP jedel basqarý ortalyǵynyń bazasynda jumys isteıdi, olar qalanyń beınebaqylaý júıelerine baılanystyrylǵan.
Mas kúıinde kólik júrgizý jaýapkershiligi zańnamalyq deńgeıde kúsheıtildi. Bul quqyq buzýshylyq úshin jeti jyl merzimge KQ basqarý quqyǵynan aıyrý, sondaı-aq 15 táýlikke ákimshilik qamaýǵa alý kózdelgen.
«О́kinishke oraı, is júzinde keıbir júrgizýshiler kýáliginen aıyrylyp, ózi úshin tıisti qorytyndy jasamaı, qaıtadan rýlge otyrady, budan da soraqysy - kólikti mas kúıinde aıdaý. Al mundaı qylmystyq nemquraıdylyq qaıǵyly saldarǵa ákelýi múmkin», dep jazdy Almaty polısııa departamenti bastyǵynyń orynbasary Rýstam Abdrahmanov Telegram-da.
Polısııada iske qosylǵan jańa servıs kólik quralyn beınetirkeý júıesi anyqtaǵannan keıin jedel ustap alý jáne ony toqtatý úshin patrýldik narıadtarǵa derekterdi berýge múmkindik beredi.