Keshe Ulttyq bank basshysy Qaırat Kelimbetov Ortalyq kommýnıkasııalar qyzmetinde brıfıng ótkizip, málimdeme jasady.
Búgin sms habarlamalar arqyly birqatar qazaqstandyq bankterdiń qarjylyq jaǵdaıy týraly jalǵan jáne negizsiz aqparattar taratyldy. Bul óz kezeginde osy bankterde sheteldik valıýta boıynsha salymdary bar adamdar arasynda orynsyz dúrligis týǵyzdy, dep atap kórsetti Q.Kelimbetov.
Osyǵan baılanysty Ulttyq bank bul aqparattardyń jalǵan, negizsiz jáne bizdiń elimizdiń bank júıesin turaqsyzdandyrýǵa baǵyttalǵan arandatýshylyq aqparat ekendigin málimdeıdi. Ulttyq bank óz tarapynan mundaı arandatýshylyq is-qımyldardyń aldyn alý jáne tosqaýyl qoıý maqsatynda tıisti quqyq qorǵaý organdaryna habar túsirdi.
Ulttyq bank barlyq qazaqstandyq bankterde ulttyq jáne sheteldik valıýtalardyń jetkilikti ekendigin málimdeıdi. Kerek bolǵan jaǵdaıda, Ulttyq bank kez kelgen ýaqytta bankterdiń ótimdiligin qamtamasyz etý úshin qajetti kómek kórsete alady. Osy oraıda zańǵa sáıkes naqty tulǵalardyń kez kelgen valıýtalyq depozıtterine memleket tarapynan kepildik berilgendigin eske salamyn. Ulttyq bank Qazaqstan azamattaryn mundaı arandatýshylyqqa senbeýge jáne parasattylyq tanytýǵa shaqyrady, dedi Ulttyq bank basshysy.