Túrkistan qalasynda uıymdastyrylǵan Halyqaralyq «ÁMEN» anımasııalyq fılmder festıvalinde Túrkitildes elderdiń anımasııa óneriniń qazirgi jaǵdaıy men bolashaǵy jaıly áńgime órbidi, dep habarlaıdy Egemen.kz.
Is-sharanyń ekinshi kúninde uıymdastyrylǵan dóńgelek ústel otyrysyna qazaq mýltıplıkasııasynyń ókilderi men baýyrlas túrki elderdiń belgili rejısser-anımatorlary qatysyp, oılaryn ortaǵa saldy. Olardyń qatarynda Ulttyq kınony qoldaý ortalyǵynyń bas prodıýseri Adaı Ábildá, anımasııa prodıýseri jáne rejısser Mýsab Gúndúz (Túrkııa), rejısser-ssenarıst, QR Mádenıet qaıratkeri Batyrhan Dáýrenbekov, Balapan telearnasynyń bas prodıýseri Sandýǵash Baımahanqyzy, komıks jáne qozǵalys sýretshisi Mustafa Ahmet Qara (Túrkııa), rejısser-mýltıplıkator Turdybek Maıdan, Qazaq ulttyq óner ýnıversıtetiń oqytýshysy Lázzat Bilálqyzy, rejısser-anımator Azızbek Mýhamedov (О́zbekstan) jáne otandyq kınostýdııalardyń jetekshileri boldy.
Anımasııa taqyrybyna arnalǵan basqosýǵa QR Parlamenti Májilisiniń depýtaty Maqpal Tájmaǵambetova men «Rýhanı jańǵyrý» qoǵamdyq damý ınstıtýty Basqarma Tóraǵasynyń orynbasary Amanbek Tólepbergenov qatysyp, óz oılarymen bólisti.
Is-sharada kóterilgen máselege qatysty jınalǵandardyń oıy bir arnaǵa toǵysty. Olar keleshekte túrki dúnıesiniń anımatorlaryn biriktirý kerek degen máseleni bir aýyzdan qoldady.
Túrkitildes elderdiń arasyndaǵy anımasııalyq fılmder óndirisine qatysty mamandar men kompanııalardy biriktiretin ortalyq uıymdastyrý máselesi birneshe jyldan beri kóterilip kele jatqanyn aıtqan Ulttyq kınony qoldaý ortalyǵynyń bas prodıýseri Adaı Ábildá bul usynysty oryndy dep esepteıtinin jetkizdi.
«Túrki elderiniń anımasııa mamandaryn biriktirip, sol jumysty júıelesek, aýqymdy aýdıtorııany qamtýǵa múmkindik týady. Osy baǵytta jumys isteýimiz kerek. Qyzyǵýshylyq bar, alaıda áreket joq. Túrkitildes memleketterdiń arasynda kópir bolatyn uıym qurýymyz kerek», dedi A. Ábildá.
Basqosýǵa Túrkııadan arnaıy kelgen anımasııa prodıýseri jáne rejısser Mýsab Gúndúz túrki halyqtary óz arasynda nıettes, pikirles, janashyr bolý mańyzdy ekenin basa aıtyp, ortaq uıym qurýdyń mańyzy zor ekendigine toqtaldy. «Túrkııada 85 mıllıonǵa jýyq halyq bar desek, onyń 20 mıllıony – bizdiń negizgi aýdıtorııa, ıaǵnı, balalar. Biz keshe festıvalde qazaq kórermenine usynǵan «Istanbul Muhafizlary» fılmin Túrkııada 10 mıllıon bala tamashalap, joǵary reıtıngke qol jetkizdi. Bul – biz úshin úlken jetistik, ol sondaı-aq bizdi alǵa jetelep, yntalandyryp otyrady. Al túrkitildes elderdiń aýdıtorııasy budan da úlken, shamamen 200 mıllıonnan astam adam bar. Anımasııa – qymbat janr, kóp qarjyny qajet etedi. Al osy túrki elderi aýdıtorııasy biz úshin úlken naryq bolmaq. Túrki elderine ortaq birlestik qurýdy biz de qoldaımyz», dedi túrik anımasııa prodıýseri.
Sonymen qatar, sarapshylar anımasııaǵa qatysty qarjy tartý, quqyqtyq retteý, aýdıtorııanyń talǵamy men talabyna saı bolý, jas daryndardy oqytý, tehnıkalyq jabdyqtaý sekildi kezek kúttirmeıtin ózekti máselelerdi atap ótti.
Basqosý barysynda QR Parlamenti Májilisiniń depýtaty Maqpal Tájmaǵambetova men «Rýhanı jańǵyrý» qoǵamdyq damý ınstıtýty Basqarma Tóraǵasynyń orynbasary Amanbek Tólepbergenov anımasııa mamandarynyń usynystarymen tanysyp, qoldaý kórsetýge nıetti ekendikterin jetkizdi.
Is-sharada О́zbekstannan kelgen Azızbek Mýhamedov anımator-mýltıplıkatorlar men memleket ókilderiniń bir ústel basynda kezdesip, pikir almasyp, erkin dıalog qurǵanyna dán rıza ekenin jasyrmady. Ol jumys dál osylaı birlese atqarylǵanda jaqsy dúnıeler týatynyna senimdi.
Dóńgelek ústel qatysýshylary túrkitildes elderdiń anımasııadaǵy yntymaqtastyǵyn odan ári nyǵaıtyp, ortaq mindetterdi júzege asyrýǵa qadam jasaýǵa ýaǵdalasyp tarqasty.