Búgin Belgrad tórinde ótip jatqan álem chempıonatynyń 1\8 fınaldyq kezeńiniń jekpe-jekteri ótedi, dep habarlaıdy Egemen.kz.
Jarys kúninde el namysyn qorǵap jatqan alty boksshymyz sharshy alańǵa kóteriledi. Kúndizgi sessııada 57 kılo salmaqtaǵy Serik Temirjanov úndi jigiti Rohıt Mormen kezdesse (shaıqas shamamen 18:15-te bastalmaq), 67 kılo salmaqtaǵy Abylaıhan Júsipov polshalyq Damıan Dýrkachpen qolǵap túıistiredi. Budan soń 75 kılo salmaqtaǵy úmitimiz Nurqanat Raıs rıngke shyǵady. Onyń qarsylasy – aýǵanstandyq Súleıman Aslamı (bul kezdesýler 19:30-20:00 aralyǵynda ótedi).
Keshki sessııada Olımpıada oıyndarynyń qola júldegeri, 51 kılogramm salmaqtaǵy jampozymyz Sáken Bıbosynov úndi oǵlany Dıpakpen, 63,5 kılo salmaqtaǵy Sanatáli Tóltaev ýkraınalyq Denıs Pesoskıımen, 80 kılo salmaqtaǵy Nurbek Oralbaı vengrııalyq Pal Kovachpen qolǵap túıistiredi. Bul kezdesýler 23:00, 00:45 jáne 01:15-te ótedi dep josparlanǵan.