– «ATFBank» AQ teńge baǵamyna túzetý engizilgennen keıin de turaqty jumysyn jalǵastyryp keledi. Bankte óz salymshylary arasyndaǵy depozıtterdiń qaıtyp alynýy tirkelmedi jáne ótimdiliktiń joǵary deńgeıi qamtamasyz etilýde. «ATFBank» AQ damýynyń jańartylǵan strategııasy turaqtylyqty asa mańyzdy basymdyq dárejesine kótermek. Aksıonerler aýysqan kezden bastap ótken jyldyń óne boıynda banktiń menedjerler toby bıznesti nyǵaıtý jáne qarjylyq kórsetkishter ósimin qamtamasyz etý jolynda ter tókti.
Biz naryqtaǵy aǵymdyq ahýaldy muqııat baqylaýdamyz. Bolǵan jaılardyń bárin aıqyn ári aqıqat sıpatynda túsinýdemiz. Jınaqtalǵan tájirıbemiz ben bilim-biligimiz bizge osylaı isteýge múmkindik berýde.
Al sońǵy ýaqytta qol jetken qarjy turaqtylyǵyndaǵy jetistikterimiz sabyrly jáne senimdi bolýymyzǵa jaqsy negiz bola alady.
Osy jaqynda ǵana bank ótken jyldyń qorytyndylaryn shyǵardy. 2013 jylǵy aýdıttelmegen qarjy esebine sáıkes 1,782 mlrd. teńge kóleminde taza paıda kórsetildi. Bul bizdiń durys jolda ekenimizdi aıǵaqtaıtyn asa mańyzdy oqıǵa. Sońǵy ret bank alty jyl buryn – 2007 jyly paıdamen shyqqan bolatyn.
О́tken jyly bank menedjmenti merzimi ótken qaryzdarǵa jáne komıssııalyq shyǵyndardy qysqartýǵa baılanysty jumystarǵa erekshe kóńil bóldi. Osy baǵyttardaǵy qyzmet birqatar basqa jaıttarmen qosyla kelgende banktiń taza paıdaǵa shyǵýyna septigin tıgizdi. О́tken jyldyń 12 aıynda bizdiń bank óziniń aqshalaı aktıvterin 51 paıyzǵa jáne olardyń ekvıvalentterin 199,982 mlrd. teńgege ósirdi. Kelesi jetistigimiz bizdiń klıentter salymdarynyń ósýi bolyp otyr. Mysaly, ótken jyly «ATFBank» AQ-taǵy depozıtter kólemi 17 paıyzǵa ulǵaıdy. Munyń ózi halyqtyń bizge degen senimi ósip otyrǵandyǵyn tikeleı kýálandyrady. Sonymen qatar barlyq depozıtterdiń saqtalymdylyǵyna «Qazaqstannyń depozıtterdi kepildendirý qory» kepildik bergen. О́tken jyly bankte 35 myńnan astam jańa depozıtter ashyldy.
2013 jyldyń ón boıynda «ATFBank» AQ «Damý» kásipkerlikti damytý qorynyń memlekettik baǵdarlamalaryna qatysý arqyly shaǵyn jáne orta bıznes sýbektilerin qoldaýǵa erekshe kóńil bóldi. О́tken jyly Qor baǵdarlamalary sheńberinde (Bıznes-2020 Jol kartasynan tys) berilgen nesıelerdiń 17,75 paıyzy bizdiń bank úlesine tıdi. Naq osy kórsetkish boıynsha ekinshi deńgeıdegi qazaqstandyq bankter arasynda birinshi oryn aldyq. Bank 526 qaryz alýshyǵa 12,902 mlrd. teńge somasynda 1095 nesıe berdi. Osynyń arqasynda 341 jumys orny ashyldy. Osyndaı aýyz toltyryp aıtar jaǵdaılar tyndyrylǵan jumys aýqymyn ádil baǵalaýǵa múmkindik beredi jáne «ATFBank» AQ senimdi qarjy ınstıtýty ekendigin taǵy bir ret aıǵaqtaıdy.
Bıylǵy josparlarmen bólise otyrsaq, aldymyzǵa neǵurlym joǵary maqsattar qoıyp otyrǵanymyzdy atap aıtpaqpyn. Bizdiń damý strategııamyz taıaýdaǵy keleshekte bolatyn birtutas keshendi ózgeristerdi qamtıdy, sonyń ishinde jańa keńsejaılar ashylmaq. Osy rette qyzmetimizdiń joǵary sapasy jáne klıentterdiń kóńilinen shyǵýǵa degen umtylysymyz ózgerissiz qala bermek. «ATFBank» AQ óz klıentterine mindetti túrde jańa ónimder men qyzmetter usynatyn bolady. Solardyń biri jetildirilgen ATF24 ınternet-bankıngi bolmaq. Sonymen birge ótken jylǵy barlyq bastamalar jalǵasyn tabady. Biz banktiń turaqty ósimin qamtamasyz etetin jańa maqsattardy alǵa qoıamyz. Ol maqsattar mindetti túrde júzege asady. Bul úshin bizde barlyq qajetti resýrstar, eń bastysy, tamasha kásibıler komandasy jáne klıentterimiz ben áriptesterimizdiń bizge degen senimi bar.
Jazyp alǵan
Qorǵanbek AMANJOL,
«Egemen Qazaqstan».
ALMATY.