2014 jylǵy 18 aqpan, Astana, Úkimet Úıi
Asyl tuqymdy mal sharýashylyǵyn damytýdy, mal sharýashylyǵy óniminiń ónimdiligi men sapasyn arttyrýdy jergilikti bıýdjetterden sýbsıdııalaý qaǵıdalaryn bekitý týraly
«Agroónerkásiptik keshendi jáne aýyldyq aýmaqtardy damytýdy memlekettik retteý týraly» 2005 jylǵy 8 shildedegi Qazaqstan Respýblıkasynyń Zańy 5-babynyń 10) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Asyl tuqymdy mal sharýashylyǵyn damytýdy, mal sharýashylyǵy óniminiń ónimdiligi men sapasyn arttyrýdy jergilikti bıýdjetterden sýbsıdııalaý qaǵıdalary bekitilsin.
2. Osy qaýlyǵa qosymshaǵa sáıkes Qazaqstan Respýblıkasy Úkimetiniń keıbir sheshimderiniń kúshi joıyldy dep tanylsyn.
3. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S. AHMETOV.
Qazaqstan Respýblıkasy Úkimetiniń 2014 jylǵy 18 aqpandaǵy №103 qaýlysymen bekitilgen
Asyl tuqymdy mal sharýashylyǵyn damytýdy, mal sharýashylyǵy óniminiń ónimdiligi men sapasyn arttyrýdy jergilikti bıýdjetterden sýbsıdııalaý qaǵıdalary
1. Jalpy erejeler
1. Osy Asyl tuqymdy mal sharýashylyǵyn damytýdy, mal sharýashylyǵy óniminiń ónimdiligi men sapasyn arttyrýdy jergilikti bıýdjetterden sýbsıdııalaý qaǵıdalary (budan ári – Qaǵıdalar) asyl tuqymdy mal úlesin jáne aýyl sharýashylyǵy malynyń ónimdilik sapasyn arttyrý, óndiriletin aýyl sharýashylyǵy óniminiń ózindik qunyn tómendetý úshin mal azyǵynyń qunyn arzandatý maqsatynda otandyq aýyl sharýashylyǵy taýaryn óndirýshilerge, sondaı-aq jeke qosalqy sharýashylyqtardyń mal basynan qalyptastyrylǵan, jalpy tabynda asyl tuqymdy tuqymdyq buqalardy paıdalaný jónindegi qyzmetti júzege asyratyn jeke jáne zańdy tulǵalarǵa (budan ári – taýar óndirýshiler), memlekettik veterınarııalyq uıymdarǵa jáne qoldan uryqtandyrý jónindegi kórsetiletin qyzmetterdi jetkizýshilerge (budan ári – kórsetiletin qyzmetterdi jetkizýshiler) tıisti qarjy jylyna arnalǵan jergilikti bıýdjette kózdelgen qarajat sheginde jáne is-sharalar esebinen bıýdjettik sýbsıdııalar (budan ári – sýbsıdııalar) berý tártibin aıqyndaıdy.
2. Osy Qaǵıdalarda mynadaı negizgi uǵymdar paıdalanylady:
1) tuqymdyq túrlendirý – analyq mal basyn tuqymdyq jáne ónimdilik ósimin molaıtýda asyl tuqymdy atalyqtardy paıdalaný jolymen sapasyn jaqsartý;
2) seleksııalyq kartochka – seleksııalyq maldy esepke alý nysany;
3) satyp alynǵan asyl tuqymdy jáne seleksııalyq maldardy paıdalaný týraly kelisim – aýdandyq aýyl sharýashylyǵy bóliminiń basshysy jáne taýar óndirýshi arasynda qol qoıylǵan, satyp alynǵan asyl tuqymdy jáne seleksııalyq maldy nysanaly paıdalaný boıynsha taýar óndirýshi qabyldaǵan mindettemelerdi rastaıtyn qujat;
4) analyq mal basy – jynystyq jetilgen, tól alý úshin paıdalanylatyn analyq mal basy;
5) shaǵylystyrý maýsymy – aýyl sharýashylyǵy maldarynyń ósimin molaıtý kezeńi;
6) jalpy tabyn – jeke qosalqy sharýashylyqtardyń mal basynan qalyptastyrylǵan iri qara mal tabyny.
3. Sýbsıdııalaýǵa jatatyn baǵyttar:
1) asyl tuqymdy mal sharýashylyǵyn damytýǵa:
iri qara mal men qoılardyń analyq mal basy seleksııalyq jáne asyl tuqymdyq jumys júrgizý;
asyl tuqymdy jáne seleksııalyq iri qara maldy satyp alý;
asyl tuqymdy qoı, jylqy, shoshqa, túıe, maral satyp alý;
ata-tektik, ata-enelik nysandardy ustaıtyn otandyq asyl tuqymdy qus fabrıkalarynan etti jáne jumyrtqa baǵytyndaǵy asyl tuqymdy táýliktik balapandardy, sondaı-aq asyl tuqymdy jumyrtqany satyp alý;
jeke qosalqy sharýashylyqtardyń mal basynan qalyptastyrylǵan, jalpy tabynda ósimin molaıtý úshin paıdalanylatyn asyl tuqymdy etti baǵyttaǵy tuqymdyq buqalardy kútip-baǵý;
jeke qosalqy sharýashylyqtarda iri qara maldyń analyq mal basyn qoldan uryqtandyrý jónindegi shyǵyndardy 100 %-ǵa deıin óteý;
2) mal sharýashylyǵy óniminiń ónimdiligi men sapasyn arttyrýǵa:
buqashyqtardy bordaqylaý alańdaryna ótkizý;
sıyr etin, jylqy etin, qoı etin, túıe etin, shoshqa etin, broılerlik qus eti jáne kúrke taýyq etin (budan ári – qus eti), jumyrtqalaǵysh krossty taýyq jumyrtqasyn (budan ári – taǵamdyq jumyrtqa), sút, qymyz, shubatty, bııazy júndi qoılardyń júnin (budan ári – bııazy jún) óndirý úshin paıdalanylatyn maldar men qustarǵa arnalǵan azyqtyń qunyn arzandatý.
4. Árbir baǵytqa arnalǵan sýbsıdııalar normatıvteri osy Qaǵıdalarǵa 1 -qosymshaǵa sáıkes belgilenedi. Bul rette, jeke qosalqy sharýashylyqtarda iri qara maldyń analyq mal basyn qoldan uryqtandyrý jónindegi shyǵyndardy 100 %-ǵa deıin óteýge arnalǵan sýbsıdııalar normatıvteri, sondaı-aq jetkizýshige qoıylatyn ólshemder men talaptar Qazaqstan Respýblıkasy Aýyl sharýashylyǵy mınıstrligimen (budan ári – Mınıstrlik) kelisim boıynsha oblys ákimdiginiń qaýlysymen bekitiledi.
5. Osy Qaǵıdalardyń 3-tarmaǵynda kórsetilgen asyl tuqymdy mal sharýashylyǵyn damytýdy jáne mal sharýashylyǵy óniminiń ónimdiligi men sapasyn arttyrýdy sýbsıdııalaý baǵyttary boıynsha sýbsıdııalar kólemderi osy Qaǵıdalar alǵashqy resmı jarııalanǵan kúninen keıin on jumys kúni ishinde jáne keıinnen 20 qańtardan keshiktirmeı jergilikti bıýdjetterde tıisti bıýdjettik baǵdarlamalar boıynsha aǵymdaǵy qarjy jylyna kózdelgen qarajat sheginde jyl saıyn Mınıstrlikpen kelisim boıynsha oblys ákimdiginiń qaýlysymen bekitiledi.
2. Sýbsıdııalardy tóleý sharttary
6. Taýar óndirýshilerdiń sýbsıdııalardy alýynyń qajetti sharty osy Qaǵıdalarǵa 2 jáne 3-qosymshalarda kórsetilgen tıisti baǵyttar boıynsha ólshemder men talaptarǵa sáıkestigi, búkil aýyl sharýashylyǵy mal basyn zootehnıkalyq normalarǵa sáıkes kútip-baǵýy jáne veterınarııalyq is-sharalardy júzege asyrýy bolyp tabylady.
7. Mal sharýashylyǵy ónimderin óndirý úshin qoldanylatyn mal men qusqa arnalǵan azyq qunyn arzandatýǵa sýbsıdııalar taýar óndirýshilerge:
1) eseptik nómirleri bar soıý alańdarynda (pýnktterinde) jáne (nemese) qaıta óńdeý kásiporyndarynda (sehtarynda) ótkizilgen nemese óńdelgen sıyr eti, qoı eti, jylqy eti, shoshqa eti, túıe eti, sút jáne bııazy júnniń;
2) qus etiniń, taǵamdyq jumyrtqanyń, qymyz jáne shubattyń ótkizilgen naqty kólemine tólenedi.
8. Sýbsıdııalaýǵa mynalar jatpaıdy:
1) osy Qaǵıdalarǵa 2 jáne 3-qosymshalarda kórsetilgen ólshemder men talaptarǵa saı kelmeıtin taýar óndirýshilerdiń maldary men mal sharýashylyǵy ónimderi;
2) shaǵylystyrý maýsymy boıynda óz tólinen ósirip-óndirý jáne etti baǵyttaǵy asyl tuqymdy tuqymdyq buqalardy (asyl tuqymdy tuqymdyq qoshqarlardy) rotasııalaýda zootehnıkalyq normatıvterge sáıkes (shaǵylystyrý kontıngentiniń otyz basyna bir buqadan (qoshqardan) kem bolmaýy, bir buqany (qoshqardy) qatarynan eki shaǵylystyrý maýsymynan artyq paıdalanbaý) talaptar ustanbaýda taýarly sharýashylyqtaǵy iri qara maldyń (qoılardyń) barlyq analyq mal basy;
3) seleksııalyq jáne asyl tuqymdyq jumystar júrgizýdiń biryńǵaı aqparattyq bazasynda (budan ári – ATJ) jáne «Aýyl sharýashylyǵy janýarlaryn sáıkestendirý» júıesinde (budan ári – AJS) tirkelgen mal basynyń sany boıynsha aýytqýlarǵa ıe iri qara maldyń jáne qoıdyń analyq mal basymen seleksııalyq jáne asyl tuqymdyq jumys;
4) buryn sýbsıdııalanǵan, sondaı-aq aıyrbas boıynsha ózara esep aıyrysý esebine satyp alynǵan nemese ónimdilikti molaıtý maqsatynda paıdalanylmaıtyn asyl tuqymdy jáne seleksııalyq iri qara mal, asyl tuqymdy qoı, jylqy, túıe, shoshqa, maral, qus sharýashylyǵy ónimi;
5) aǵymdaǵy jyly buryn mynadaı baǵyttar boıynsha sýbsıdııalanǵan janýarlar: seleksııalyq jáne asyl tuqymdyq jumystaryn júrgizý, jalpy tabynda óz tólinen ósirip-óndirý úshin paıdalanylatyn, jeke qosalqy sharýashylyqtardyń mal basynan qalyptastyrylǵan, etti tuqymdy asyl tuqymdy tuqymdyq buqalardy kútip-baǵý;
6) shet elden ákelingen (Reseı Federasııasy, Belarýs Respýblıkasy jáne Ýkraınadan ákelingen asyl tuqymdy iri qara maldy esepke almaǵanda), ındekstik júıe boıynsha baǵalanbaǵan asyl tuqymdy iri qara mal; shet elden ákelingen, óziniń ónimdiligi nemese urpaǵynyń sapasy boıynsha baǵalanbaǵan asyl tuqymdy buqalar;
7) tuqymsyz jáne baǵalanbaǵan asyl tuqymdy óndirýshiler óz tólinen ósirip-óndirý úshin paıdalanatyn asyl tuqymdy analyq mal basy;
8) taýar óndirýshiler odan ári qaıta ótkizý jáne (nemese) qaıta óńdeý úshin basqa jeke jáne (nemese) zańdy tulǵalardan satyp alǵan ónim;
9) taýar óndirýshiler aıyrbas boıynsha, ózara esep aıyrysý esebinen ótkizilgen nemese buryn sýbsıdııalanǵan ónim;
10) jeke aýlada soıylǵan sıyr eti, shoshqa eti, qoı eti, jylqy eti, túıe eti, sondaı-aq qaıta óńdeý kásiporyndarynda bastapqy qaıta óńdeýden ótpegen sút;
11) janýarlardy májbúrli sanıtarııalyq soıý nátıjesinde, sondaı-aq jiti ınfeksııalyq aýrýlar boıynsha karantındik jáne shekteý is-sharalarynyń áreket etý kezeńinde taýar óndirýshiler alǵan ónim;
12) etti qus sharýashylyǵy ónimderi – aıaqtary, bastary, sondaı-aq ishki organdary;
13) jumyrtqa untaǵyn óndirý úshin ótkizilgen jáne (nemese) berilgen taǵamdyq jumyrtqa.
9. Taýar óndirýshilerdiń osy Qaǵıdalardyń 6, 7, 8-tarmaqtarynda kórsetilgen sharttardy, sondaı-aq jasalǵan kelisimder boıynsha qabyldanǵan mindetterdi saqtamaýy Oblystyq aýyl sharýashylyǵy basqarmasynyń (budan ári – basqarma) tólengen sýbsıdııalardy Qazaqstan Respýblıkasy zańnamasynda belgilengen tártippen óndirip alýyna negiz bolyp tabylady.
10. Taýar óndirýshilerge sýbsıdııalar baǵyttardyń mynadaı basymdylyqtaryna sáıkes tólenedi:
asyl tuqymdy mal sharýashylyǵyn damytýǵa:
1) iri qara maldyń analyq basymen asyl tuqymdy jáne seleksııalyq jumystaryn júrgizý;
2) qoılardyń analyq mal basymen asyl tuqymdy jáne seleksııalyq jumystaryn júrgizý;
3) asyl tuqymdy jáne seleksııalyq iri qara maldy satyp alý;
4) asyl tuqymdy qoılardy satyp alý;
5) asyl tuqymdy mal sharýashylyǵyn damytýǵa baǵyttalǵan basqa da baǵyttar;
mal sharýashylyǵy óniminiń ónimdiligin jáne sapasyn arttyrýǵa:
1) buqashyqtardy bordaqylaý alańdaryna ótkizý;
2) sıyr etin ótkizý;
3) sút ótkizý;
4) salqyndatylǵan qus etin ótkizý;
5) mal sharýashylyǵy ónimderiniń qalǵan túrlerin ótkizý.
Bul rette asyl tuqymdy mal sharýashylyǵyn damytýdy sýbsıdııalaý baǵyty basym bolyp tabylady.
3. Mınıstrliktiń jáne oblys ákimdikteriniń jumys tártibi
11. Mınıstrlik mynadaı qujattardy bekitedi:
1) sýbsıdııalar alýǵa arnalǵan ótinim nysandary;
2) tuqymdyq túrlendirilgen iri qara mal men qoıdyń analyq mal basyna seleksııalyq jáne asyl tuqymdyq jumystardy júrgizýge sýbsıdııa alýǵa ótinim nysany;
3) aýdan/oblys boıynsha jıyntyq aktiler nysany;
4) oblys boıynsha bıýdjet qarajatyn ıgerý jónindegi esep nysany;
5) oblys boıynsha sýbsıdııalar tóleý jónindegi toqsandyq esep nysany;
6) tuqymdyq buqalardy bekitý jáne paıdalaný boıynsha eldi meken turǵyndary – mal ıeleri jıyny sheshiminiń nysany;
7) satyp alynǵan asyl tuqymdyq jáne seleksııalyq maldy paıdalaný týraly kelisim nysany;
8) iri qara malynyń analyq basyn uryqtandyrý týraly, uryqtanǵan iri qara maldyń analyq basyn zertteý, maldy jáne qusty tirkeý aktisiniń, bordaqylaý alańdaryna buqashyqtardy tapsyrý aktisiniń nysandary;
9) seleksııalyq jáne asyldandyrý jumysyn júrgizý, asyl tuqymdy jáne seleksııalyq iri qara maldy satyp alý, asyl tuqymdy qoılardy satyp alý, jalpy tabynda etti baǵyttaǵy asyl tuqymdy buqalardy kútip-baǵý jáne bordaqylaý alańdaryna buqashyqtardy ótkizý týraly úzindi kóshirmelerdiń nysandary;
10) maldyń analyq basynyń bir basyn qoldan uryqtandyrýdy uıymdastyrýǵa anyqtama-esep nysany;
12. Oblys ákimi osy Qaǵıdalar alǵashqy resmı jarııalanǵan kúninen keıin on bes jumys kúni ishinde oblys ákiminiń aýyl sharýashylyǵy máseleleri jónindegi orynbasary tóraǵalyq etetin mal sharýashylyǵyn sýbsıdııalaý máseleleri jónindegi oblystyq komıssııany (budan ári – komıssııa) qurady.
13. Komıssııa turaqty negizde jumys isteıdi. Komıssııa otyrysy aıyna bir retten kem emes júrgiziledi. Komıssııanyń quramyna basqarmanyń, Mınıstrliktiń Agroónerkásiptik keshendegi memlekettik ınspeksııa komıtetiniń jáne Veterınarııalyq qadaǵalaý jáne baqylaý komıtetiniń aýmaqtyq ınspeksııalarynyń mamandary, jergilikti ókiletti organ depýtattary, sondaı-aq mal sharýashylyǵy salasynda qyzmetti júzege asyratyn qoǵamdyq birlestikterdiń ókilderi kiredi. Komıssııanyń jumys organy basqarma bolyp tabylady.
14. Komıssııanyń quzyretine taýar óndirýshilerdiń ótinimderi boıynsha tıesili sýbsıdııalar kólemin anyqtaý, jıyntyq aktini qalyptastyrý, sýbsıdııalaý baǵyttary boıynsha qarajatty qaıta bólý jáne sýbsıdııalar kólemin ózgertý jónindegi usynystardy engizý kiredi.
4. Taýar óndirýshilerdiń sýbsıdııalar alýǵa arnalǵan ótinimderin
qaraý jáne qanaǵattandyrý tártibi
15. Osy Qaǵıdalar alǵashqy resmı jarııalanǵan kúninen keıin on jumys kúni ishinde jáne keıinnen jyl saıyn 20 qańtarǵa deıingi merzimde tıisti aýdannyń aýyl sharýashylyǵy bólimi (budan ári – bólim) aýdan ákimdiginiń ınternet-resýrsyna jáne aýdannyń resmı baspa basylymdarynda sýbsıdııalaýǵa arnalǵan ótinimderdi qabyldaýdyń bastalǵany týraly habarlandyrý ornalastyrady.
16. Taýar óndirýshiler tıisti negizderdiń týyndaýyna qaraı osy Qaǵıdalardyń 3-tarmaǵynda kórsetilgen baǵyttarǵa sáıkes sýbsıdııalaýǵa jatatyn naqty kólemderge sýbsıdııalar alýǵa ótinimderdi bólimge bank shotynyń nómirin kórsete otyryp, onyń bolýy týraly ekinshi deńgeıdegi banktiń anyqtamasyn qosa usynady.
Tuqymdyq túrlendirilgen iri qara mal men qoıdyń analyq mal basyna seleksııalyq jáne asyl tuqymdyq jumysty júrgizýge sýbsıdııa alý úshin, taýar óndirýshiler keıin qaǵazǵa shyǵaryp, qol qoıyp jáne bólimge berip, ATJ arqyly sýbsıdııa alýǵa ótinimdi qalyptastyrady.
Tuqymdyq túrlendirilgen iri qara mal men qoıdyń analyq mal basyna seleksııalyq jáne asyl tuqymdyq jumysty júrgizýge sýbsıdııa alý baǵyty boıynsha ATJ arqyly sýbsıdııa alýǵa ótinimdi qalyptastyrǵan kezde, taýar óndirýshi sýbsıdııa alýǵa ótinimde bank rekvızıtteri men bank shotynyń nómirin kórsetedi. Mundaı jaǵdaıda shottyń bolýy týraly ekinshi deńgeıdegi banktiń anyqtamasyn qosa berýdiń qajeti joq.
17. Taýar óndirýshiler sýbsıdııalaý baǵyttaryna sáıkes sýbsıdııalar alý úshin ótinimge qosymsha tómendegi qujattardy qosa beredi:
1) etti jáne sútti baǵyttaǵy asyl tuqymdy iri qara maldyń analyq mal basymen seleksııalyq jáne asyl tuqymdyq jumys júrgizý:
konsaltıngtik súıemeldeý týraly sharttyń túpnusqasy men kóshirmesi;
2) asyl tuqymdy zaýyttarda jáne sharýashylyqtarda asyl tuqymdy qoılardyń analyq mal basymen seleksııalyq jáne asyl tuqymdyq jumys júrgizý:
konsaltıngtik súıemeldeý týraly sharttyń túpnusqasy men kóshirmesi;
shyǵý tegin rastaý úshin 1:10 qatynasynda tólge genetıkalyq saraptamanyń túpnusqasy men kóshirmesi;
qoldan uryqtandyrýdy júrgizý úshin tehnıkanyń bolýyn rastaıtyn qujattardyń túpnusqalary men kóshirmeleri nemese qoılardyń analyq mal basyna qoldan uryqtandyrý júrgizýge dıstrıbıýterlik ortalyqpen sharttyń túpnusqasy men kóshirmesi;
3) asyl tuqymdy jáne seleksııalyq iri qara maldy satyp alý;
maldardy satyp alý – ótkizý/lızıngileý shartynyń túpnusqasy men kóshirmesi;
maldardy satyp alý – ótkizý sharty boıynsha tolyq tólem jasaýdy rastaıtyn tólem qujattarynyń túpnusqalary men kóshirmeleri;
asyl tuqymdy kýáliktiń (sertıfıkattyń) jáne/nemese asyl tuqymdy jáne seleksııalyq iri qara malǵa seleksııalyq kartochkanyń túpnusqasy men kóshirmesi;
janýarlardy kiriske alý aktisiniń túpnusqasy men kóshirmesi;
taýar óndirýshiden karantınnen alý týraly aktisiniń túpnusqasy jáne kóshirmesi (shetelden asyl tuqymdy jáne seleksııalyq iri qara maldy satyp alǵan jaǵdaıda);
satyp alynǵan asyl tuqymdy jáne seleksııalyq iri qara maldy paıdalaný týraly kelisim;
konsaltıngtik súıemeldeý týraly sharttyń túpnusqasy men kóshirmesi;
DNK-kýáliginiń túpnusqasy men kóshirmesi (tuqymdyq buqalardy shetelden satyp alǵan jaǵdaıda);
4) asyl tuqymdy qoılardy, jylqylardy, túıelerdi, shoshqalardy jáne maraldardy satyp alǵan jaǵdaıda:
asyl tuqymdy janýarlardy satyp alý-satý/lızıngileý týraly shartynyń túpnusqasy men kóshirmesi;
asyl tuqymdy maldardy satyp alý-satý sharty boıynsha tolyq tólem jasaýdy rastaıtyn tólem qujattarynyń túpnusqalary men kóshirmeleri;
asyl tuqymdy maldyń asyl tuqymdyq kýáliginiń (sertıfıkatynyń) túpnusqasy men kóshirmesi;
janýarlardy kiriske alý aktisiniń túpnusqasy men kóshirmesi;
satyp alynǵan asyl tuqymdy janýarlardy paıdalaný týraly kelisim;
5) asyl tuqymdy táýliktik balapandardy jáne asyl tuqymdy jumyrtqalardy satyp alý:
asyl tuqymdy qus sharýashylyǵy ónimin satyp alý-satý shartynyń túpnusqasy men kóshirmesi;
asyl tuqymdy qus sharýashylyǵy ónimin satyp alý-satý sharty boıynsha tolyq tólem jasaýdy rastaıtyn, tólem qujattarynyń túpnusqalary men kóshirmeleri;
satyp alynǵan táýliktik balapandardyń jáne asyl tuqymdy jumyrtqanyń asyl tuqymdyq kýáliginiń (sertıfıkatynyń) túpnusqasy men kóshirmesi;
qusty kiriske alý aktisiniń túpnusqasy men kóshirmesi;
qustardy edende jáne torly jaǵdaıda ustap-baǵýǵa arnalǵan tehnologııalyq qurylǵylardyń bolýyn rastaıtyn qujattardyń túpnusqasy men kóshirmesi;
6) jeke qosalqy sharýashylyqtardyń mal basynan quralǵan, jalpy tabynda óz tólinen ósirip-óndirýge arnalǵan etti baǵyttaǵy asyl tuqymdy tuqymdyq buqalardy ustap-baǵý:
tuqymdyq buqanyń asyl tuqymdy kýáliginiń (sertıfıkatynyń) túpnusqasy men kóshirmesi;
jeke qosalqy sharýashylyqtardyń mal basynan qalyptastyrylǵan jalpy tabynda etti baǵyttaǵy asyl tuqymdy tuqymdyq buqalardy bekitý jáne paıdalaný jónindegi eldi meken turǵyndary jınalysynyń sheshimi;
osy jalpy tabyndaǵy tuqymsyz buqalardy kestirý týraly aýyldyq okrýgke bekitilgen veterınarııalyq dárigerdiń anyqtamasy;
7) jeke qosalqy sharýashylyqtardaǵy iri qara maldyń analyq basyn qoldan uryqtandyrý jónindegi shyǵyndardy jetkizýshige 100 %-ǵa deıin óteý:
jeke qosalqy sharýashylyqtardaǵy iri qara maldyń analyq basyn qoldan uryqtandyrý boıynsha qyzmetter kórsetý jónindegi sharttyń túpnusqasy men kóshirmesi;
jeke qosalqy sharýashylyqtardaǵy iri qara maldyń bir analyq mal basyn qoldan uryqtandyrý boıynsha qyzmetter kórsetý jónindegi shyǵyndardy esepteý-anyqtamasy;
uryqtandyrylǵan iri qara maldyń analyq basyna uryqtandyrý aktisiniń jáne tekserý júrgizý aktisiniń túpnusqalary men kóshirmeleri;
otandyq asyldandyrý ortalyǵynan (asyldandyrý ortalyqtaryn esepke almaǵanda) uryqty satyp alýǵa sharttyń túpnusqasy men kóshirmesi;
8) buqashyqtardy bordaqylaý alańdaryna ótkizý:
buqashyqtardy bordaqylaý alańdarynan satyp alý-satý shartynyń túpnusqasy jáne kóshirmesi;
buqashyqtardy bordaqylaý alańdaryna qabyldap alý-berý aktisiniń túpnusqasy men kóshirmesi;
9) mal sharýashylyǵy ónimderin óndirý jáne ótkizý:
ónimdi ótkizýdi jáne satyp alýshynyń ónimdi tolyq tólegenin rastaıtyn qujattardyń túpnusqalary men kóshirmeleri;
taýar óndirýshige tıesili emes kásiporynnyń qyzmetin paıdalanǵanda maldy soıý jáne alǵashqy óńdeý boıynsha kórsetilgen qyzmetterdi rastaıtyn qujattardyń (shart, shot-faktýra, tólem qujattary) túpnusqalary men kóshirmeleri;
ónimdi ótkizýge taýar-kóliktik júkqujattardyń tizilimi, ónimdi jeke óndeý kásiporyndaryna nemese sehtaryna ótkizgen jaǵdaıda júkqujattardyń kóshirmeleri;
sharýashylyqty júrgizý kitabynyń nemese 24-aýyl sharýashylyǵy nysany esebinen úzindisii;
taýar óndirýshilerdiń osy Qaǵıdalarǵa 3-qosymshada kórsetilgen ólshemder men talaptarǵa sáıkestigin rastaıtyn qujattardyń kóshirmeleri.
18. Rastaý qujattardyń túpnusqalary salystyrýdan keıin kóshirmelerimen birge taýar óndirýshige qaıtarylady.
19. Taýar óndirýshiler sýbsıdııa alynatyn ótinimde kórsetilgen málimetterdiń durystyǵyn qamtamasyz etedi.
Qus fabrıkalary qus óniminiń ótkizilgen kólemine ótkiziletin sýbsıdııalardyń aıqyndylyǵyn qamtamasyz etý maqsatynda ózderiniń sýbsıdııa alýǵa ótinimderin «Qazaqstan qus ósirýshiler odaǵy» zańdy tulǵalar birlestigimen kelisedi jáne sodan keıin bólimge usynady.
20. Asyl tuqymdy mal sharýashylyǵyn damytýdy sýbsıdııalaý jáne mal sharýashylyǵy óniminiń ónimdiligi men sapasyn arttyrý maqsatynda sýbsıdııalaý baǵyttary boıynsha bólim sýbsıdııalar alýǵa ótinimderdi jeke jýrnaldarǵa tirkeıdi.
21. Bólim osy Qaǵıdalardyń 3-tarmaǵynyń 1) tarmaqshasynda kórsetilgen sýbsıdııalaý baǵyttary boıynsha ótinim berýge negiz paıda bolǵan sátten bastap kúntizbelik bir jyldan aspaǵan, osy Qaǵıdalardyń 3-tarmaǵynyń 2) tarmaqshasynda kórsetilgen baǵyttar boıynsha úsh aıdan aspaǵan ótinimderdi qabyldaýǵa mindetti. Bólim 2013 jyldyń tórtinshi toqsanynda komıssııa qaramaǵan sýbsıdııalar alýǵa ótinimderdi qabyldaıdy.
22. Bólim ótinim túsken sátten bastap bes jumys kúni ishinde qujattar toptamasyn taýar óndirýshilerdiń osy Qaǵıdalarǵa 6, 7, 8-tarmaqtaryna jáne 2 jáne 3-qosymshalarynda kórsetilgen ólshemder men talaptarǵa sáıkestigine tekseredi.
Mynadaı jaǵdaılarda bólim kórsetilgen merzim ishinde taýar óndirýshiniń qyzmet ornyna zootehnıkalyq esepti júrgizýdiń alǵashqy qujattaryn (maldyń qozǵalysy týraly esepti, ónim óndirý jýrnalyn qosa alǵanda) salystyryp tekserý úshin jol júrýdi júzege asyrady:
1) jeke baǵyt boıynsha alǵashqy ret sýbsıdııa alýǵa ótinim berý;
2) berilgen sýbsıdııalaý deńgeıin arttyrý ótken aıda sýbsıdııa alý ótinimen salystyrǵanda;
3) jeke baǵyt boıynsha berilgen ótinim kólemderiniń ótken aıdyń ótinimderinen jıyrma paıyzdan asa artyq bolǵanda.
Usynylǵan qujattar toptamasy tolyq emes nemese ólshemder men talaptarǵa sáıkes bolmaǵan jaǵdaıda eki jumys kúni ishinde taýar óndirýshilerge ilespe hatpen barlyq sáıkessizdikter men negizdeýlerdi qaıtarady.
Taýar óndirýshiler túzetilgen nemese tolyqtyrylǵan sýbsıdııa alý ótinimin qaıta engize alady.
23. Usynylǵan qujattar osy Qaǵıdalarda belgilengen ólshemder sáıkes kelgen jáne ótinimderdi qaıtaryp berýge negizder bolmaǵan jaǵdaıda, bólim taýar óndirýshi ótinimde usynǵan derekterdi eki jumys kúni ishinde tekseredi: Qazaqstan Respýblıkasy Ádilet mınıstrliginiń resmı saıtyndaǵy zańdy tulǵalardyń derekter bazasynan, Qazaqstan Respýblıkasy Qarjy mınıstrligi Salyq komıtetiniń resmı saıtynan, mal basyn ATJ-de tirkeý týraly derekterdi jáne ATJ men AJS mal basynyń sanyn salystyrýdy júrgizedi.
24. Mynalar úshin bólim sýbsıdııalaý baǵyttaryna sáıkes, taýar óndirýshilerdiń ótinimderin tómendegi qujattarmen:
1) iri qara jáne qoılardyń analyq mal basymen seleksııalyq jáne asyl tuqymdyq jumystardy júrgizý – ATJ-nen seleksııalyq jáne asyl tuqymdyq jumystardy júrgizý týraly úzindimen;
2) asyl tuqymdy jáne seleksııalyq iri qara maldy/qoıdy satyp alý – ATJ-nen seleksııalyq jáne asyl tuqymdy maldardy satyp alǵany týraly úzindimen;
3) jalpy tabynda etti baǵyttaǵy asyl tuqymdy buqalardy ustaý – ATJ-nen etti baǵyttaǵy asyl tuqymdy buqalardy kútip-baǵý týraly úzindimen;
4) buqashyqtardy bordaqylaý alańdaryna ótkizý – seleksııayq jáne asyl tuqymdyq jumystardy júrgizý týraly, ATJ-nen buqashyqtardy bordaqylaý alańdaryna ótkizý týraly úzindimen jáne AJS-den janýarlardyń shyǵýy týraly eseppen;
5) sıyr etin, shoshqa etin, qoı etin, jylqy etin jáne túıe etin óndirý ótkizý – AJS-den janýarlardyń shyǵýy týraly eseppen tolyqtyrady.
25. Bólim taýar óndirýshiniń osy Qaǵıdalarǵa 3-qosymshada kórsetilgen sýbsıdııalaýdyń tıisti deńgeıine sáıkestigin aıqyndaıdy jáne bıýdjettik sýbsıdııalardy alýshylardyń aýdany boıynsha jıyntyq aktini quraıdy jáne aýdan ákimimen bekitedi. Aýdan boıynsha bekitilgen jıyntyq akti ótinimder bolǵan jaǵdaıda eki aptada bir retten sırek emes basqarmaǵa usynylady. Bólim ótinimderdi rastaý qujattarynyń kóshirmelerin jáne kelisimniń túpnusqasyn úsh jyl boıy saqtaıdy. Bólim basqarmaǵa beriletin qujattardyń durystyǵyn qamtamasyz etedi.
26. Basqarma asyl tuqymdy mal sharýashylyǵyn damytýǵa sýbsıdııalaýdyń jáne mal sharýashylyǵy óniminiń ónimdiligin jáne sapasyn arttyrýǵa sýbsıdııalaýdyń baǵyty boıynsha jıyntyq aktileriniń jeke jýrnaldaryn júrgizedi.
Basqarma úsh jumys kúni ishinde bólim usynǵan aýdan boıynsha jıyntyq aktilerdi osy Qaǵıdalardyń ólshemderi men talaptaryna taýar óndirýshilerdiń sáıkestigin qarastyrady. Sáıkes kelmegen jaǵdaıda basqarma olardy tirkegen kúnnen bastap úsh jumys kúninen keshiktirmeı aýdan boıynsha jıyntyq aktilerdi qaıtaryp berý sebepterin kórsete otyryp, pysyqtaý úshin bólimge qaıtaryp beredi. Bólim bes jumys kúni ishinde túzetilgen jáne tolyqtyrylǵan jıyntyq aktini basqarmaǵa qaıta engizedi, al múmkin bolmaǵan jaǵdaıda kórsetilgen merzim ishinde qaıtaryp berý sebepterin kórsete otyryp, ótinimdi taýar óndirýshige qaıtarady.
27. Sáıkes bolǵan jaǵdaıda, basqarma aýdandar boıynsha jıyntyq aktilerdi tirkegen sátten bastap úsh jumys kúni ishinde komıssııanyń qaraýyna jiberedi.
28. Komıssııa otyrystyń qorytyndysy boıynsha taýar óndirýshilerge tıesili sýbsıdııalardyń kólemin kórsete otyryp, oblys boıynsha jıyntyq akti jasaıdy.
29. Buryn maquldanǵan, biraq qarjylandyrylmaǵan nemese ishinara qarjylandyrylǵan ótinimderdi qosa alǵanda, basym baǵyttardyń bireýi boıynsha ótinimderdi qanaǵattandyrý úshin qarajat tolyq kólemde jetispegen jaǵdaıda komıssııa jetpegen qarajatty osy Qaǵıdalardyń 10-tarmaǵynda kórsetilgen basymdylyǵy kemirek baǵyttardan jetispeıtin qarajatty qaıta bólý týraly usynys engizedi.
Komıssııa sýbsıdııalaý baǵyttary boıynsha sýbsıdııa alýǵa ótinimderdi basymdylyǵy joǵaryraq baǵyttar boıynsha qaıta bólý úshin qajetti qarajatty esepke ala otyryp, qanaǵattandyrady.
Komıssııa baǵyttardyń biri boıynsha mal sharýashylyǵy ónimderiniń ónimdiligin jáne sapasyn arttyrýǵa sýbsıdııa alý úshin birneshe ótinimderdi qarastyrǵan kezde deńgeıi joǵarylarǵa jatqyzylǵan taýar óndirýshilerdiń ótinimderine basymdylyq beriledi. Qarajatty bir deńgeıge jatqyzylǵan taýar óndirýshilerdiń arasynda bólgen kezde basymdylyq tártibi boıynsha ónimdi eńbektiń joǵary ónimdiligin qamtamasyz etetin zamanaýı tehnologııamen óndirýdi júzege asyratyn taýar óndirýshiler sýbsıdııalanady.
Qalǵan qarajat berilgen ótinimderdegi tıesili sýbsıdııalardyń kólemderine sáıkes proporsıonaldy bólinedi. Taýar óndirishýge tıesili sýbsıdııalardyń tólenbegen qaldyǵy bar bolǵan jaǵdaıda kelesi aı (lar)dyń bos qarajatynan tólenedi.
Taýar óndirýshilerdiń aǵymdaǵy qarjy jylynyń tórtinshi toqsanynda berilgen jáne bıýdjettik qarajattyń jetkiliksizdiginen qarjylandyrylmaǵan ótinimder kelesi qarjy jylynyń birinshi toqsanynda basymdylyq tártibimen qarjylandyrýǵa jatady.
30. Asyl tuqymdy mal sharýashylyǵyn damytýda sýbsıdııalaý baǵyty boıynsha qarajat jetpegen jaǵdaıda, komıssııa mal sharýashylyǵy óniminiń ónimdiligi men sapasyn arttyrýdy sýbsıdııalaý baǵyttarynan qarajattardy aýystyrý týraly usynys engizedi.
31. Taýar óndirýshiler men jetkizýshiler bergen ótinimderdegi sýbsıdııalar kólemderi tıisti bıýdjettik baǵdarlamalar boıynsha tıisti jergilikti bıýdjette kózdelgen somadan artqan jaǵdaıda, komıssııanyń usynysy negizinde bıýdjettik zańnamada belgilengen tártippen tıisti jergilikti bıýdjetti bekitý týraly maslıhattyń sheshimine ózgeris engizý arqyly baǵyttar arasynda qarajatty qaıta bólý múmkin.
Asyl tuqymdy mal sharýashylyǵyn damytýdy jáne mal sharýashylyǵy óniminiń ónimdiligi men sapasyn arttyrýdy sýbsıdııalaý baǵyttary arasyndaǵy somalar ózgergen jaǵdaıda, jergilikti bıýdjetti naqtylaý kezinde mınıstrliktiń kelisimi boıynsha oblys ákiminiń qaýlysyna tıisti ózgerister engiziledi.
32. Komıssııa tóraǵasy komıssııa usynǵan oblys boıynsha jıyntyq aktini úsh jumys kúni ishinde bekitedi.
33. Basqarma taýar óndirýshilerdiń bank shottaryna tıesili bıýdjettik sýbsıdııalardy aýdarýdy qazynashylyqtyń aýmaqtyq bólimshelerine tólem shottaryn úsh jumys kúni ishinde berýi arqyly júzege asyrady.
34. Basqarma aı saıyn komıssııanyń taýar óndirýshilerdiń ótinimderin qaraý nátıjeleri týraly aqparatty oblys ákiminiń ınternet-resýrsynyń arnaıy bóliminde jarııalaıdy jáne oblys boıynsha jıyntyq akt bekitilgen kúnnen keıin, úsh jumys kúni ishinde bólimge aýdan boıynsha taýar óndirýshilerge tólengen sýbsıdııalardyń kólemi týraly aqparatty joldaıdy.
35. Satyp alynǵan iri qara mal men qoılardyń tóline alynǵan sýbsıdııalar, qashtyrý maýsymynda (eseptik jyldyń birinshi maýsymynan bastap) júrgizilgen seleksııalyq jáne asyl tuqymdyq jumystar, jalpy tabynda ustalatyn etti baǵyttaǵy asyl tuqymdy tuqymdyq buqalar, bordaqylaý alańdaryna ótkizilgen buqashyqtar týraly málimetti basqarmadan taýar óndirýshilerge tólengen sýbsıdııalardyń kólemderi týraly aqparat túsken kúnnen bastap on jumys kúni ishinde bólim AJS engizýi tıis.
36. Basqarma aı saıyn esep berý aıynan keıingi ár aıdyń 5-kúnine deıingi merzimde, biraq 20 jeltoqsannan keshiktirmeı Mınıstrlikke oblys boıynsha bıýdjettik sýbsıdııalardyń ıgerilýi jónindegi esep, toqsan saıyn oblys boıynsha toqsan ishinde sýbsıdııalardy tóleý jónindegi esep beredi.
Asyl tuqymdy mal sharýashylyǵyn damytýdy, mal sharýashylyǵy óniminiń ónimdiligi men ónim sapasyn arttyrýdy jergilikti bıýdjetterden sýbsıdııalaý qaǵıdalaryna 1-qosymsha
Bıýdjettik sýbsıdııalar normatıvteri
№ Sýbsıdııalaý baǵyty О́lshem birligi 1 birlikke arnalǵan sýbsı-
dııalar normatıvteri, teńge
Iri qara mal sharýashylyǵy
Jeke qosalqy sharýashylyqtardaǵy iri qara maldyń analyq mal basyn qoldan uryqtandyrýdy uıymdastyrý bas *
Etti baǵyttaǵy iri qara mal sharýashylyǵy
1. Asyl tuqymdy jáne seleksııalyq jumysty júrgizý
1) tuqymdyq túrlendirýmen qamtylǵan iri qara maldyń analyq mal basy bas 18 000
2) asyl tuqymdy iri qara maldyń analyq mal basy bas 20 000
3) jalpy tabyndarda etti baǵyttaǵy tuqymdyq buqalardy kútip-baǵý bas 104 000
2. Asyl tuqymdy jáne seleksııalyq iri qara maldy satyp alý
1) otandyq asyl tuqymdy iri qara mal bas 154 000
2) ımporttalǵan asyl tuqymdy iri qara mal
(Avstralııadan, AQSh-tan jáne Kanadadan) bas 200 000
3) ımporttalǵan asyl tuqymdy iri qara mal (Eýropa elderinen) bas 154 000
4) ımporttalǵan seleksııalyq iri qara mal (Reseıden, Belorýssııadan jáne Ýkraınadan ákelingen asyl tuqymdy maldy qosa eseptegende) bas 118 000
3. Sıyr etin óndirý úshin mal azyǵy qunyn arzandatý
1) 1-deńgeı kg 220
2) 2-deńgeı kg 170
3) 3-deńgeı kg 120
4. Buqashyqtardy sýbsıdııalaýdyń birinshi deńgeıindegi bordaqylaý alańdaryna ótkizý bas 15 000
Sútti baǵyttaǵy iri qara mal sharýashylyǵy
1. Seleksııalyq jáne asyl tuqymdyq jumysty júrgizý
1) asyl tuqymdy iri qara maldyń analyq mal basy bas 20 000
2. Asyl tuqymdy iri qara maldy satyp alý
1) otandyq asyl tuqymdy iri qara mal bas 154 000
2) ımporttalǵan asyl tuqymdy iri qara mal (Avstralııadan, AQSh-tan, Kanadadan) bas 235 000
3) ımporttalǵan asyl tuqymdy iri qara mal (Eýropa elderinen) bas 154 000
4) ımporttalǵan asyl tuqymdy iri qara mal (Reseıden, Belorýssııadan jáne Ýkraınadan) bas 118 000
3. Sút óndirý úshin mal azyǵy qunyn arzandatý
1) 1-deńgeı kg 25
2) 2-deńgeı kg 15
3) 3-deńgeı kg 10
Etti baǵyttaǵy qus sharýashylyǵy
1. Etti baǵyttaǵy asyl tuqymdy táýliktik balapandardy (ata-enelik) satyp alý bas 303
2. Qus etin óndirý úshin azyq qunyn arzandatý
1) 1-deńgeı kg 70
2) 2-deńgeı kg 66
3) 3-deńgeı kg 50
4) kúrke taýyq eti kg 105
Jumyrtqa baǵyttaǵy qus sharýashylyǵy
1. Ata-tektik, ata-enelik nysandary bar otandyq asyl tuqymdy qus fabrıkalarynan jumyrtqa baǵyttaǵy asyl tuqymdy táýliktik balapandardy, sondaı-aq asyl tuqymdy jumyrtqalardy satyp alý
1) Táýliktik balapan (aqyrǵy) bas 50
2) Asyl tuqymdy jumyrtqa (aqyrǵy) dana 21
2. Taǵamdyq jumyrtqa óndirý úshin azyq qunyn arzandatý
1) 1-deńgeı dana 3
2) 2-deńgeı dana 2,6
3) 3-deńgeı dana 2
Shoshqa sharýashylyǵy
1. Asyl tuqymdy shoshqalardy satyp alý bas 15 000
2. Shoshqa etin óndirýge arnalǵan azyq qunyn arzandatý kg 98
Qoı sharýashylyǵy
1. Seleksııalyq jáne asyl tuqymdyq jumystardy júrgizý
1) Tuqymdyq túrlendirýmen qamtylǵan analyq qoı basy bas 1 500
2) Asyl tuqymdyq zaýyttar men sharýashylyqtardaǵy asyl tuqymdyq analyq qoı basy bas 1 500
2. Asyl tuqymdy toqtylar men tusaqtardy satyp alý bas 8 000
3. Mynalardy óndirý úshin azyq qunyn arzandatý:
1) qoı eti kg 100
2) bııazy jún kg 130
Jylqy sharýashylyǵy
1. Asyl tuqymdy jylqylardy satyp alý bas 40 000
3. Mynalardy óndirý úshin azyq qunyn arzandatý:
1) jylqy eti kg 92
2) qymyz kg 60
Túıe sharýashylyǵy
1. Asyl tuqymdy túıelerdi satyp alý bas 37 000
3. Mynalardy óndirý úshin azyq qunyn arzandatý:
1) túıe eti kg 90
2) shubat kg 55
Maral sharýashylyǵy
1. Asyl tuqymdy maraldardy satyp alý bas 30 000
*sýbsıdııalar normatıvteri Mınıstrlikpen kelisim boıynsha oblys ákimdiginiń qaýlysymen belgilenedi.
Asyl tuqymdy mal sharýashylyǵyn damytýdy, mal sharýashylyǵy óniminiń ónimdiligi men ónim sapasyn arttyrýdy jergilikti bıýdjetterden sýbsıdııalaý qaǵıdalaryna 2-qosymsha
Asyl tuqymdy mal sharýashylyǵyn damytýǵa bıýdjettik sýbsıdııalardy berýge úmitker taýar óndirýshilerge qoıylatyn ólshemder men talaptar
R/s № Sýbsıdııalaý baǵyttary О́lshemder men talaptar
1. Iri qara maldyń
analyq mal basymen
seleksııalyq jáne asyl tuqymdyq jumysty júrgizý 1. Barlyq maldarda birdeılendirý nómirleriniń bolýy jáne olardyń AJS-da tirkelýi.
2. Iri qara maldyń barlyq mal basynyń ASJ-da tirkelýiniń bolýy.
3. Tuqymdyq túrlendirýmen qamtylǵan iri qara maldy ósirýmen aınalysatyn taýar óndirýshiler úshin qosymsha:
1) zootehnıkalyq normatıvterge sáıkes etti baǵyttaǵy asyl tuqymdy tuqymdyq buqalardy shaǵylystyrý kezeńi boıynda jáne rotasııalaýda ósimin molaıtýǵa paıdalaný (otyz bas shaǵylystyrý kontıngentine bir buqadan kem emes, buqany qatarynan eki shaǵylystyrý maýsymynan artyq paıdalanbaý);
2) olardy ósimin molaıtý úshin paıdalanýǵa jol bermeý maqsatynda osy taýarly tabynnyń barlyq tuqymsyz buqalaryn pishtirý.
4. Etti jáne sútti baǵyttaǵy asyl tuqymdy iri qara mal basyn ósirýmen aınalysatyn taýar óndirýshiler úshin qosymsha:
1) barlyq mal basyn tıisti tuqym boıynsha Respýblıkalyq palatasynda tirkeý;
2) tıisti tuqym boıynsha Respýblıkalyq palatanyń nemese tıisti tuqym boıynsha
Respýblıkalyq palata usynǵan jeke jáne zańdy tulǵalardyń konsaltıngtik súıemeldeýi;
3) etti mal sharýashylyǵynda – shaǵylystyrý kontıngentin urpaǵynyń sapasy boıynsha baǵalanǵan jáne tıisti tuqym boıynsha Respýblıkalyq palata usynǵan asyl tuqymdy tuqymdyq buqalardyń uryǵymen qoldan uryqtandyrýda paıdalaný jáne/nemese ósimin molaıtýda urpaǵynyń sapasy jáne/nemese óz ónimdiligi boıynsha baǵalanǵan asyl tuqymdy tuqymdyq buqalardy paıdalaný; sútti mal sharýashylyǵynda – shaǵylystyrý kontıngentin urpaǵynyń sapasy boıynsha baǵalanǵan jáne tıisti tuqym boıynsha Respýblıkalyq palata usynǵan tuqymdyq buqalardyń uryǵymen 100 % qoldan uryqtandyrýda paıdalaný.
2. Qoıdyń
analyq basymen
seleksııalyq jáne asyl tuqymdyq jumysty júrgizý 1. Barlyq maldarda birdeılendirý nómirleriniń jáne olardyń AJS-da tirkelýiniń bolýy.
2. Qoıdyń barlyq mal basynyń ASJ-da tirkelýiniń bolýy.
3. Qoıdyń 600 bastan kem emes analyq mal basynyń bolýy.
4. Tuqymdyq túrlendirýmen qamtylǵan qoıdy ósirýmen aınalysatyn taýar óndirýshiler úshin qosymsha:
1) asyl tuqymdy tuqymdyq qoshqarlardy shaǵylystyrý kezeńi boıynda zootehnıkalyq normatıvterge sáıkes jáne rotasııalaýda ósimin molaıtý úshin paıdalaný (shaǵylystyrý kontıngentiniń otyz basyna bir qoshqardan kem emes, tuqymdyq qoshqardy qatarynan eki shaǵylystyrý maýsymynan artyq paıdalanbaý);
2) ósimin molaıtý úshin paıdalanýǵa jol bermeý maqsatynda tabyndaǵy barlyq tuqymsyz qoshqarlardy pishtirý.
5. Asyl tuqymdy qoılardy ósirýmen aınalysatyn taýar óndirýshiler úshin qosymsha:
1) sharýashylyq ósiretin qoı tuqymy boıynsha mamandanǵan beıindi ǵylymı uıymnyń nemese ǵalymnyń konsaltıngtik súıemeldeýi;
2) analyq mal basyn óz ónimdiligi boıynsha baǵalanǵan asyl tuqymdy tuqymdyq qoshqarlar uryǵymen qoldan uryqtandyrýdy paıdalaný jáne/nemese ósimin molaıtýda óz ónimdiligi boıynsha baǵalanǵan asyl tuqymdy tuqymdyq qoshqarlardy paıdalaný;
3) alynǵan tóldiń shyǵý tegin rastaý úshin 1:10 qatynasynda DNK-taldaýyn iriktep ótkizý
(analyq mal basyn qoldan uryqtandyrýda paıdalanǵan jaǵdaıda jáne osy baǵyt
boıynsha alǵashqy úsh jylda ótinim berý kezinde júrgiziledi);
4) qoldan uryqtandyrý úshin tehnıkanyń bolýy nemese analyq mal basyn qoldan uryqtandyrýdy dıstrıbıýterlik ortalyqpen birlesip júrgizý (qoldan uryqtandyrýdy paıdalanǵan kezde)
3. Taýar óndirýshilerdiń asyl tuqymdy jáne seleksııalyq iri qara maldy satyp alýy 1. Satyp alatyn iri qara maldyń jasy olardy taýar óndirýshide karantınge qoıǵan sátte: qasharlar – 18 aıdan, qunajyndar jáne buqalar – 26 aıdan aspaıdy.
2. Zootehnıkalyq qyrylý normasynyń sheginde ósimin molaıtý maqsatynda satyp alynǵan asyl tuqymdy analyq mal basyn keminde eki jyl, asyl tuqymdy tuqymdyq buqalardy – keminde eki shaǵylystyrý maýsymynda paıdalaný (jeke qosalqy sharýashylyqtardaǵy mal basynan qalyptastyrylǵan, jalpy tabynda ósimin molaıtý úshin satyp alynǵan asyl tuqymdy tuqymdyq buqalardy esepke almaǵanda).
3. Tabyndy ósimin molaıtý úshin satyp alynǵan iri qara maldy tek Qazaqstan Respýblıkasynyń aýmaǵynda úsh jyl ishinde paıdalaný.
4. Asyl tuqymdy iri qara maldy ósirýmen aınalysatyn taýar óndirýshiler úshin qosymsha:
1) tıisti tuqym boıynsha Respýblıkalyq palatany nemese tıisti tuqym boıynsha Respýblıkalyq palata usynǵan jeke jáne zańdy tulǵalardy konsaltıngtik súıemeldeý;
2) e