Jańadan boı kóteretin geologııalyq zertteý ortalyǵy úshin bar qajetti sharalar jasalýda. Bul týraly «24 kz» habarlady.
Joǵaryda atalǵan nysanǵa Nazarbaev Ýnıversıteti aýmaǵyndaǵy ǵylymı parktiń mańynan 50 gektar jer bólindi. Qurylys jumystary osy jyly bastalady. Al búgin «Qazgeologııa» ulttyq geologııalyq barlaý kompanııasy men Nazarbaev Ýnıversıteti janyndaǵy ınnovasııalyq zııatkerlik klasteri arasynda geologııalyq zertteý ortalyǵyn qurý týraly memorandýmǵa qol qoıyldy. Onyń basty maqsaty – zamanaýı tehnologııalardy qoldana biletin geolog mamandar daıarlaý. Ári ǵylymdy damytý arqyly tabıǵat baılyǵyn tıimdi ıgerý kún tártibinde tur.
«Qazir bizdegi ken saqtaý oryndary dúnıejúzilik sapaǵa sáıkes emes. Sondyqtan geologııalyq klasterdi ońtaılandyrý qajet»,-dedi «Qazgeologııa» ulttyq geologııalyq barlaý kompanııasy AQ basqarma tóraǵasy Ǵalym Nurjanov.
Ǵ. Nurjanov osynyń aldynda buqaralyq aqparat quraly ókiline bergen suhbatynda kezinde geologııa salasyna zertteý júrgizýde jekelegen memleketterge táýeldi bolǵanymyzdy jasyrmady. Keı kezderi synamalardyń qorytyndysyn alý da ońaı bolmaǵan.
Jalpy, beıresmı derekke júginsek, qazirgi kezde elimizde nebári geolog mamandaryn daıarlaıtyn eki joǵary oqý orny bar eken. Endi jańadan ashylatyn zertteý ortalyǵy bul salanyń tynysyn keńeıtýdi, túıindi túıtkilder tinin tarqatýdy kózdep otyr.
Ámirhan Almaǵanbetov.
Derekkóz: «24 kz».
Foto: lussian.people.com.cn.