Burnaǵy kúni Almaty qalasynda Uly Otan soǵysyndaǵy Jeńistiń 65 jyldyq merekesin atap ótýge arnalǵan is-sharalar sheńberinde Qazaqstan Respýblıkasy Syrtqy barlaý qyzmeti jáne “Qazaqstan Respýblıkasy syrtqy barlaýynyń ardagerleri” qoǵamdyq uıymy uıymdastyrǵan saltanatty sharalar ótti.
QR “Syrbar” Syrtqy barlaý qyzmetiniń dırektory general-maıor A.Janqulıev Uly Otan soǵysyna qatysýshylarǵa, soǵysqa qatysqandardyń artynda qalǵan jesirlerine jáne soǵys jyldaryndaǵy tyl eńbekkerlerine arnap quttyqtaý sóz sóıledi. “Syrbar” qyzmetiniń ujymy atynan qonaqtarǵa quttyqtaý hattary jáne estelik syılyqtar tabys etildi.
Uly Otan soǵysy men eńbek maıdanynyń ardagerleri jáne “Qazaqstan Respýblıkasy syrtqy barlaýynyń ardagerleri” qoǵamdyq uıymynyń atynan M.D.Baratov, J.B.Márdenov, M.I.Isın, B.N.Meshenbaev jáne V.M.Krıvonogov sekildi aǵa urpaq ókilderi sóz sóıledi. Olar ardagerlerdiń muń-muqtajyna kóńil bólgenderi jáne Qazaqstan halqynyń erlik jolyn jas urpaqtyń jadynda saqtaýdaǵy qamqorlyǵy úshin Prezıdent N.Á.Nazarbaevqa, el Úkimetine shyn alǵystaryn jáne rızashylyqtaryn bildirdi.
“Egemen-aqparat”.