Qazaqstandaǵy Adam quqyqtary jónindegi ýákil A.Shákirovtiń tóraǵalyǵymen azaptaýdyń aldyn alý boıynsha Ulttyq aldyn alý tetiginiń qyzmetin tıimdi úılestirý maqsatynda qurylǵan konsýltatıvtik-keńestik organ – Úılestirý keńesiniń birinshi otyrysy ótti.
Ulttyq aldyn alý tetigi (UAT) Azaptaýǵa qarsy konvensııaǵa Fakýltatıvtik hattamamen belgilengen eldegi osy sııaqty quqyq buzýshylyqtardy boldyrmaý boıynsha tıimdi sharalardy qoldanýda Qazaqstannyń halyqaralyq mindettemelerdi oryndaýy maqsatynda qurylǵan.
О́tken otyrys barysynda eldiń barlyq óńirlerinde jumys isteý úshin UAT qatysýshylary saılandy. Jańa zańnamaǵa sáıkes, kórsetilgen tulǵalar jabyq ınstıtýttyq mekemelerge kedergisiz kirýge, azaptaýdy jáne basqa da qatygez is-áreketterdiń túrlerin qoldaný týraly málimdemeler men shaǵymdardy qabyldaýǵa quqyly. Jarııalylyq jáne ashyqtyq jaǵdaıynda ótken olardy irikteý kezinde kásiptilik deńgeıi men adam quqyqtaryn qorǵaý salasyndaǵy jumys tájirıbesimen baılanysty krıterııler eskerildi.
Úılestirý keńesiniń otyrysynda UAT jumysyn aǵymdaǵy jyldyń naýryz aıynda bastaý týraly sheshimi qabyldandy, dep habarlady Qazaqstandaǵy Adam quqyqtary jónindegi ýákil apparatynyń baspasóz qyzmeti.