Nur-Sultanda «Jumys isteıtin jastar úshin satyp alý quqyǵynsyz jalǵa beriletin turǵyn úı» baǵdarlamasyna qatysýǵa ótinimder qabyldaý jalǵasýda. Qujattardy tapsyrý merzimi taǵy eki kúnge uzartyldy, dep habarlaıdy Egemen.kz.
«Jumys isteıtin jastar úshin satyp alý quqyǵynsyz jalǵa beriletin turǵyn úı» baǵdarlamasyna qatysýǵa ótinimderdi qabyldaý 2021 jylǵy 4 qarashada qatysu.zhilfond.kz portalynda elektrondyq formatta bastaldy. Baǵdarlamaǵa qatysýshylardyń kóp bolýyna baılanysty qujattar buryn málimdegendeı 11 qarashaǵa deıin emes, 13 qarashaǵa deıin qabyldanady», delingen ákimdik habarlamasynda.
Búginde turǵyn úı baǵdarlamasyna qatysýǵa 2 340-qa jýyq adam ótinim bergen.
Esterińizge sala keteıik, jalǵa beriletin turǵyn úı satyp alý jáne uzartý quqyǵynsyz 5 jyl merzimge beriledi. Aı saıynǵy jaldaý aqysy 5 000 – 15 000teńge.
О́tinim berilgennen keıin, onyń qaralýyna qaraı, ótinim berýshiniń kórsetilgen telefon nómirine ótinimniń qazirgi mártebesi bar SMS-habarlama jiberiledi. Myna úsh statýstyń biri bolýy múmkin:
Jumysqa qabyldandy (baǵdarlamanyń sharttaryna, qujattardyń tolyq tizbesine sáıkes kelseńiz); Túzetý qajet (siz qujattardyń tolyq emes paketin, sapasy nashar qujattardy jáne t. b. tirkedińiz jáne túzetý kúni qujattardy baıandaý qajet); Bas tartyldy (baǵdarlama sharttaryna sáıkes kelmeńiz).О́tinim berýshi ótinimniń mártebesimen telefonǵa SMS-habarlama alǵannan keıin qatysu.zhilfond.kz portalyndaǵy jeke kabınette tanysa alady.
Baǵdarlamaǵa qatysty barlyq suraq boıynsha jumys isteıtin jastarǵa 109 Call-ortalyǵyna (Uıaly telefonnan tegin) nemese 8-700-725-17-32 nómirine habarlasý kerek.
Baǵdarlamaǵa qatysý sharttary:
29 jasqa tolmaǵan QR azamaty; aıaqtalǵan orta / arnaıy orta / joǵary / joǵary oqý ornynan keıingi bilim jáne resmı jumysqa ornalasqan bolýy; Nur-Sultan qalasynda sońǵy 2 jyldan kem emes turaqty úzdiksiz tirkeýde bolýy; ótinish berýshide jáne otbasynyń barlyq múshelerinde QR boıynsha menshik quqyǵynda, sondaı-aq 2 jyl ishinde satyp alý quqyǵymen jalǵa beriletin turǵyn úıdiń bolmaýy; tólem qabilettiligin rastaý (aı saıynǵy tabys mınımým 116 680 teńge/sońǵy 6 aıda 40 AEK).Tolyq aqparat pen qajetti qujattar tizimin qatysu.zhilfond.kz portalynan alýǵa bolady. Munda qyzyqtyratyn suraqtardy qoıýǵa múmkindik bar, keńesshiler onlaın jumys isteıdi.
Sondaı-aq azamattar ikomek109, qalalyq Jastar saıasaty basqarmasyna kelesi nómirler boıynsha júgine alady: +7 700 725 17 32.