Jas ýnıversıtettiń jarqyn jetistikteri

Elimizdiń mańdaıaldy oqý ordasy – L.N.Gýmılev atyndaǵy Eýrazııa ulttyq ýnıversıtetinde jar salyp aıtýǵa turarlyq jaqsy jańalyq kóp. Qaı baǵytta da únemi ilgerileý ústinde kele jatqan Eýrazııa ulttyq ýnıversıteti bilim berýdi baǵalaý baǵytyndaǵy Quacquarelli Symonds (QS) halyqaralyq kom­panııasynyń sońǵy QS Top 50 Under 50 reıtıngisi boıynsha da úzdik elýlikke engen bolatyn. Reıtıngige álemniń qurylǵanyna jarty ǵasyrdan aspaǵan myńdaǵan JOO qatystyrylyp, onyń ishinen ozyq úlgidegi 50 oqý orny iriktelinip alynǵan. EUÝ elýlik arasynan 32-shi orynǵa taban tiredi. Olardyń arasynda Gonkong, Ońtústik Koreıa, AQSh, Ispanııa, Avstralııa, Shvesııa, Ulybrıtanııa, Kanada, Japonııa, Brazılııa, Germanııa, Argentına, Italııa, Fransııa jáne Saýd Arabııasy syndy elderdiń aldyńǵy qatarly bilim ordalary bar. Aıta ketý kerek, EUÝ – úzdikter qataryna ilikken TMD memleketteri arasyndaǵy birden-bir joǵary oqý orny. Ýnıversıtet ujymynyń me­reıin asyrǵan taǵy bir qýanyshty habar – álemdegi ýnıversıtetterdiń veb-saıttaryna júrgizilgen Vebometrıks reıtıngisindegi kór­setkish. Bul saralaýda EUÝ dúnıe­júzi boıynsha 22 000 JOO men bilim berý uıymdary ishinen 2213-shi, Azııa elderiniń oqý orda­lary arasynda 729-shy orynǵa kóterildi. Ýnıversıtet byltyrǵy jylǵy tizimde 4006 bolyp tur­ǵandyǵyn eskersek, bıyl 1793 oryndy artqa tastap, damýdyń naq­ty úlgisin tanytyp otyr. «Webometrics Ranking World Universities» (Vebometrıks) ýnı­versıtettik veb-saıttardyń reı­tıngisi Internet jelisindegi bilim jáne ǵylym qyzmetterin oqy­tý­men aınalysatyn Ispa­nııa­­nyń «Laboratorio de Internet» zertteý to­­by ta­ra­pynan júrgiziledi. Webometrics reıtıngisi ýnıversıtettegi ǵa­lam­tor jelisindegi ǵylymı jarııalanymdar, ár JOO ǵalymdarynyń zert­teý eńbekterin, olarǵa jasalǵan sil­temelerdi, taǵy da basqa kórset­kishterdi eskerip, JOO-nyń ǵy­lymı-zertteý áleýetin basty nysanada ustaıdy. Atalǵan jarqyn jetistikter jas ýnıversıtettiń bilim berý deń­geıiniń, ǵylymı belsendiliginiń arta túskendiginiń, álemdik stan­dart­tarǵa saı qarqyndy damyp kele jatqandyǵynyń aıqyn kórinisi. Abaı TILENShIEV, L.N. Gýmılev atyndaǵy EUÝ jýrnalıstıka jáne saıasattaný fakýltetiniń stýdenti.