Keshe Qasym-Jomart Toqaevtyń tóraǵalyq etýimen Parlament Senaty bıýrosynyń otyrysy boldy, dep habarlady Senattyń baspasóz qyzmeti.
Turaqty komıtetterdiń tóraǵalary senatorlardyń aqpannyń 5-i men 15-i aralyǵyndaǵy el aımaqtaryna sapary týraly esep berdi. Jurtshylyqpen, eńbek ujymdarymen, áleýmettik sala qyzmetkerlerimen, ǵylym jáne shyǵarmashylyq salalardyń zııaly qaýym ókilderimen kezdesýler barysynda depýtattar Prezıdent Nursultan Nazarbaevtyń «Qazaqstan joly – 2050: bir maqsat, bir múdde, bir bolashaq» atty halyqqa Joldaýyn iske asyrý máselelerin talqylady. Memleket basshysynyń bastamalaryn zańnamalyq turǵyda qamtamasyz etý jumystarynyń aldynda halyqpen kezdesýlerdiń erekshe mańyzy bar. Depýtattar jergilikti jerlerde shaǵyn jáne orta bıznes kásiporyndaryn, agroónerkásip keshenin damytý, áleýmettik baǵdarlamalar men ındýstrııalandyrý jobalaryn iske asyrý, sondaı-aq, zańnamalyq turǵyda sheshýdi talap etetin máselelermen tanysty.
Bıýroda Senat komıtetterine Májiliste maquldanǵan zań jobalary bólinip berildi. Bıýro músheleri, sondaı-aq, Senattyń 27 aqpanda bolatyn otyrysynyń kún tártibin de qarady. Otyrysta «Jol júrisi týraly» zań jobasy jáne zańnamaǵa jol júrisi máseleleri boıynsha ózgerister men tolyqtyrýlar engizý týraly ilespe zań jobasy ekinshi oqylymda qaralatyn boldy.