Túrkistanda jer alýǵa qujat rásimdep beremin dep alaıaqtyq jasaǵan er adam ustaldy, dep habarlaıdy Egemen.kz oblystyq PD baspasóz qyzmetine silteme jasap.
Túlkibas APB-ǵa jergilikti turǵyn aryzdanyp, tanys azamat jerge qujat jasap beremin dep 70 000 teńge aqshasyn alyp, san soqtyryp ketkenin kórsetken. Atalǵan jaıtty polısııa qyzmetkerleri QR QK-niń 190-baby «Alaıaqtyq» boıynsha tirkeýge alǵan.
Jedel-tergeý tobynyń shuǵyl izdestirý jumystarynyń nátıjesinde Túlkibas aýdanynyń turǵynyn anyqtap, tártip saqshylary ony polısııa bólimine jetkizdi.
Tergeý kezinde belgili bolǵandaı, kúdikti aldaý jolymen alǵanyn moıyndady. Qazirgi tańda kúdikti er adamǵa qatysty sotqa deıingi tergep-tekserý amaldary júrgizilýde.
Polısııa qyzmetkerleri turǵyndarǵa kúmándi qyzmet usynǵan kez kelgen adamǵa senbeýin eskertedi.