«Matchroom Boxing» promoýterlik uıymynyń basshysy Eddı Hırn kásipqoı boks álemindegi eń úlken jekpe-jek Gennadıı Golovkın men Saýl Alvares arasyndaǵy úshinshi shaıqas ekendigine senimdi dep habarlaıdy Egemen.kz Boxingscene.com portalyna silteme jasap.
«Gennadıı Golovkın men ekinshi orta salmaqtaǵy álemniń absolıýtti chempıony Saýl Alvares arasyndaǵy úshinshi jekpe-jek boks álemindegi eń úlken kezdesý bolatyny belgili. Biz «Kaneloǵa» baryp: «Mine, bizdiń nusqalar», dep óz oıymyzdy bildiremiz. Bir sózben aıtqanda trılogııany uıymdastyrýǵa kúsh salamyz. Árıne, tańdaý Saýldiń ózinde. Trılogııa úlken masshtabtaǵy shaıqas ekenin «Kanelo» da túsinedi. Bizdińshe Saýlde nusqa kóp bolǵanymen, ol Golovkındi tańdaýy tıis. Bul jekpe-jek ony qanattandyrady», deıdi ulybrıtanııalyq promoýter.
Trılogııa uıymdastyrylýy úshin birinshi kezekte Gennadıı Golovkın japonııalyq Rıota Mýratany erkin mánerde jeńýi tıis. Sondaı-aq Alvares DAZN strımıng qyzmetimen atalmysh shaıqasqa baılanysty kelisimge kelýi kerek. Dál qazir Alvares DAZN-men kelisimin úzgeni bárimizge málim.