Prezıdent qatysqan Ulttyq qoǵamdyq senim keńesiniń otyrysynda elimiz úshin birqatar mańyzdy másele aıtyldy. Atap aıtar bolsaq, jıynda aýyl ákimderin saılaýǵa qatysty ózgerister engizý máselesi qozǵaldy.
Ulttyq qoǵamdyq senim keńesiniń músheleri Mańǵystaý, Soltústik Qazaqstan, Qaraǵandy oblystaryndaǵy eldi mekenderdi aralady. Qazan aıynda biz Shyǵys Qazaqstan, Túrkistan, Pavlodar jáne Qostanaı oblystarynyń 12 aýyldyq okrýginde boldyq.
Prosestiń barlyq qatysýshylarymen – jeńiske jetken jáne utylǵan jergilikti turǵyndarmen, aýdan ákimderimen, partııa ókilderimen jáne baqylaýshylarmen kezdesýler uıymdastyryldy. Aýyl turǵyndarymen dıalog júrgizý jaqsy. Olar suraqtarǵa jaýap beredi, oıyn aıtady. Kezdeskenimizdiń barlyǵy aýyl ákimin saılaýdy qoldaıtynyn aıtyp ótken jón.
Aýyl turǵyndaryna ortaq másele – jol sapasy, aýyz sý, jastardyń qalaǵa ketýi. Qaı aýylǵa barsaq ta osy máselelerge shaǵymdanatyndar kezdesti. Bul túıtkil sheshilse, aýylymyz da jandanady degen senimde.
Turǵyndarmen suhbat, taldaý nátıjesinde aýyl ákimderin saılaýǵa qatysty birqatar ózgeris qajet ekenin túsindik. Atap aıtar bolsaq, úgit-nasıhat naýqanynyń merzimin naqtylaý qajet. Kandıdattardyń bilimine qatysty ózgeris engizý de mańyzdy dep sanaımyz. Bul týraly usynys Prezıdentke jetkizildi. Memleket basshysy da aýyl ákimine úmitkerge joǵary bilim mindetin qoıý máselesin qaıta qaraý týraly aıtty.
Sonymen qatar jergilikti halyq pen saıası partııalardy aýylda ótip jatqan saıası naýqan týraly habardar etý mańyzdy. Ol úshin áleýmettik jelilerde habarlap otyrý kerek.
Saılaý prosesin jaqsartý úshin taldaý jasaldy. Ol úshin arnaıy top quryldy. Jergilikti halyqpen qatar jeńiske jetken tarap pen jeńilgen úmitkerler de suhbatqa shaqyryldy. Aýyl ákimderin saılaýdy aýyl turǵyndary qoldaıdy.
Aleksandr DANILOV,
Ulttyq qoǵamdyq senim keńesiniń múshesi, Stopfake.kz jobasynyń jetekshisi