TAÝLYQTAR QATYNAS NYǴAIа TÚSKENIN QALAIDY

Keshe EQYU-nyń Is basyn­daǵy tóraǵasy, Qazaqstan Respýb­lı­kasynyń Memlekettik hatshysy – Syrtqy ister mınıstri Qanat Saýdabaev Grýzııa Syrtqy ister mınıstri Grıgol Vashadzemen kezdesti. Kezdesýden soń jýrnalısterge arnap berilgen brıfıngte taraptar eki eldiń syrtqy saıasat vedom­stvo­lary arasynda áriptestikke qol qoı­ylǵanyn, Qazaqstan men Grý­zııa­nyń qarym-qatynastarynyń qar­qyndy damý ústinde ekenin aıtty. Qanat Saýdabaev Grýzııanyń eli­mizdiń EQYU-ǵa tóraǵalyǵyna naqty qoldaý jasap, búgingi tańda Almatyda ótetin syrtqy ister mı­nıstrleriniń beıresmı keńesi men jyl aıaǵynda bolatyn EQYU-ǵa múshe memleketter basshylarynyń sam­mıtine daıyndyq jumystaryna belsendi túrde qatysýyna rıza­shy­lyǵyn jetkizdi. “Bul óz kezeginde Uıymnyń damýyna ǵana emes, osy Uıymǵa múshe elderdiń aýmaǵynda qaýipsizdik pen ózara ynty­maq­tas­tyqtyń nyǵaıýyna óz septigin tı­gi­zedi”, – dep atap ótti Q.Saýdabaev. Al Grıgol Vashadze Qazaq­stan­nyń EQYU-daǵy bıylǵy tór­aǵa­lyǵy aıasynda ǵana Reseı men Grý­zııa betpe-bet birqatar máselelerdi talqylaýǵa kiriskenine toqtala kelip: “Búgin biz mádenı, saıası-eko­nomıkalyq baılanystardy da­mytý men halyqaralyq uıymdar aıa­syndaǵy qarym-qatynastary­myz­dy nyǵaıtý máselesin talqy­ladyq. Sondaı-aq eki eldiń bılik partııalary arasynda da osyndaı baılanystar ornasa bolar edi”, – dedi. Munan soń Grýzııa Syrtqy is­ter mınıstri Qazaqstannyń Astana qalasynda EQYU sammıtin ótkizýge baılanysty bastamasyn tolyǵymen qoldaıtyndyǵyn jetkizdi. – Bul – meniń Astanaǵa alǵashqy saparym, maǵan Astana kelbeti erekshe áser berdi, jalpy, Grýzııanyń Qazaqstannan úıreneri mol, biz qarym-qatynastardyń nyǵaıa túsýine múddelimiz, – dedi sóziniń sońynda Grıgol Vashadze. Anar TО́LEÝHANQYZY.