Qaýipsizdik máselesine – basty nazar

Memleket basshysy Nursultan Nazarbaevtyń tóra­ǵa­ly­ǵymen Qaýipsizdik Keńesiniń otyrysy ótti, dep habarlady Prezıdenttiń baspasóz qyzmeti. Otyrysta eki másele – Qazaq­stan­nyń Ulttyq qaýipsizdik stra­tegııasynyń oryndalý barysy, EKSPO-2017 kórmesine daıyndyq jáne ony ótkizý kezeńinde qaýipsizdik sharalaryn qamtamasyz etý jaıy qaraldy. Qazaqstan Prezıdenti eldiń Qaýipsizdik strategııasyn bekitken kezde qazirgi zamannyń negizgi úrdisteri eskerilgenin atap ótti. – Álem jyldam ózgerýde, jos­parlarymyz ben bolashaqtaǵy is-qımylymyzdy tıisti deńgeıde ózgertýge májbúr etetin jańa syn-qaterler paıda bolýda. Búginde olarǵa qarsy turatyn tásilder, yqpal etý ádisteri, aqparattyq teh­no­logııalar ózgerýde. О́zimiz kórip otyrǵandaı, búgingi kúni kons­tı­týsııalyq qurylym, egemen­dik, memlekettiń aýmaqtyq tutas­tyǵy jańa destrýktıvtik yqpal­darǵa ushyraýda. Osyǵan baılanysty Qazaqstan óte qyraǵy jáne muqııat bolýǵa tıis, – dedi Memleket basshysy. Nursultan Nazarbaev el halqyna bıylǵy Joldaýynda Qazaqstannyń 23 jyl ishinde kóp­ultty, biraq birtutas, el aza­mat­tarynyń quqyqtary men bos­tandyqtaryna shek qoımaıtyn irgeli memleket retinde turaqty damyǵany aıtylǵanyn eske saldy. – Men bizdiń eshqandaı da oı­lastyrylmaǵan «buralańdarǵa» jol bermeýge tıis ekenimizdi aıttym. Halqymyzdyń ál-aýqatyn bir­tindep jaqsartyp jáne ekono­mıkany damyta otyryp, buryn­ǵysha ornyqty ilgerileı berýimiz qajet. Sońǵy oqıǵalar keıbir arandatýshylardyń eldegi ahýalǵa yqpal ete alatyndyǵyn kórsetti. Aqparattyq tehno­lo­gııa­lar qazir jańasha qolda­nylýda jáne biz oǵan saı áreket etýimiz qajet, – dedi Qazaqstan Prezıdenti. Memleket basshysy ish­ki tu­raq­tylyqtyń, tolerant­tylyqtyń jáne halyq seniminiń mańyzdy ekenin atap ótti. – Elimizdegi turaqtylyq, jal­pyǵa birdeı teńdik, azamattar qu­qyqtarynyń saqtalýy jumy­symyzdyń basty baǵyttary bo­lýǵa tıis. Qalǵanynyń bári osyǵan negizdeledi. Men muny qatań qada­ǵalaımyn jáne basqalar da solaı ja­saýǵa tıis. Osyndaı tásilmen ǵa­­na biz kez kelgen qıyndyqty eń­se­­­re­miz, – dedi Nursultan Nazar­baev. Ulttyq qaýipsizdiktiń jaı-kúıi men aldaǵy kezeńge arnalǵan mindetter týraly Prezıdenttiń kómekshisi – Qaýipsizdik Keńesiniń hatshysy Qaırat Qojamjarov baıan­dama jasady. Memleket basshysy Ulttyq qaýipsizdik strategııasynyń 2013 jylǵy oryndalý barysyna jalpy oń baǵa berdi. Qaýipter men syn-qaterlerge qarsy tıisinshe áre­ket etýdiń ońtaıly tásilderi men tetikterin izdestirý qajettigi atap ótildi. Orta merzimdi kezeńge arnalǵan Qazaqstan qaýipsizdiginiń jańa syn-qaterleri men qaýipterin eskere otyryp, Strategııaǵa túzetýler engizý mindeti júkteldi. Ekinshi máseleni talqylaý barysynda el Prezıdenti oty­rys­qa qatysýshylar nazaryn EKSPO-2017 kezinde qaýipsizdik shara­laryn qamtamasyz etýdiń birqatar negizgi qaǵıdattarynyń saqtalýyna aýdardy. Birinshiden, Qazaqstanǵa qoǵamdyq qaýipsizdik salasyndaǵy álemdik ozyq tájirıbelerdi tartý. Ekinshiden, kórmege barlyq qaty­sýshylar men qonaqtar úshin qolaıly jaǵdaıdyń jasalýyn qam­tamasyz etý. Úshin­shiden, biryńǵaı qaýip­sizdik qaǵıdalary men normalaryn engizý. Tórtinshiden, ýáki­letti memle­kettik organdardyń jaýap­ker­shi­ligi aıasynyń naqty arajigin ajy­ratý jáne olardyń ózara tıis­ti is-qımylyn qamtamasyz etý. Osyǵan baılanysty Memleket basshysy aldaǵy kórmeniń qaýip­sizdigin qamtamasyz etý jónindegi is-sharalar aıasynda memlekettik organdardyń ózara is-qımylyn uıymdastyrý úshin Ishki ister mınıstri basshylyq etetin arnaıy vedomstvoaralyq shtab qurýdy tapsyrdy. Qaýipsizdik Keńesi oty­ry­synyń qorytyndysynda tıisti memlekettik organdarǵa bir­qatar naqty tapsyrmalar be­ril­di. Olardyń oryndalýyn baqy­laý Qaýipsizdik Keńesiniń Hat­shylyǵyna júkteldi. ----------------------------------------- Sýretterdi túsirgender S.BONDARENKO, B.OTARBAEV.