Pavlodar qalasynyń 40 jastaǵy turǵyny tún ishinde myltyqtan oq atqan, dep habarlaıdy Egemen.kz.
«24 qarashada saǵat 02:00-de Pavlodar polısııasyna Pavlov kóshesindegi 38-úıdiń aýlasynda saǵat 00:42-de buzaqylyq nıetpen 40 jastaǵy er adam 12 kalıbrli «MOSSBERG» markaly myltyqtan aýaǵa eki ret oq atqany týraly habarlama kelip tústi», dep habarlady Pavlodar oblysy polısııa departamenti bastyǵynyń orynbasary Rashad О́teýov.
Onyń aıtýynsha, atys saldarynan eshkim zardap shekken joq. Myltyq tárkilendi. Pavlodar oblysy polısııa departamentiniń baspasóz qyzmeti bul fakti boıynsha 40 jastaǵy er adamǵa qatysty Qazaqstan Respýblıkasy Qylmystyq kodeksiniń 2-tarmaǵy 3-bóliginiń 293-baby «Buzaqylyq» boıynsha sotqa deıingi tergeý bastalǵanyn qosty.
«Oqıǵanyń mán-jaıy men sebepteri sotqa deıingi tergeý aıasynda anyqtalady», dep atap ótti vedomstvoda.