Memlekettik qyzmetti kásibılendirýdiń ulttyq júıesi

Prezıdent janyndaǵy Ult­tyq joǵary memlekettik bas­qarý mektebi túlekteriniń qaýym­dastyǵy jáne «Astana» mem­le­ket­tik qyzmet haby birlesip uıym­dastyrǵan konferensııa­da saıasatkerler, sarapshylar jáne halyqaralyq mamandar mem­le­ket­tik qyzmettiń qazirgi za­manǵy kásibı negizderin qurý máselelerin jan-jaqty tal­qy­lady.

Konferensııa moderatory, Mem­lekettik basqarý akade­mııa­sy­nyń rektory Erlan Ábil sóz basynda memlekettik apparatty kásibılendirý memlekettik qyz­met­shilerdi daıarlaý jáne olar­dyń biliktiligin arttyrý júıe­­­sindegi negizgi másele ekenin aıtty. «Elbasynyń Jarlyǵymen Mem­lekettik qyzmetke kadr daıar­­laý maq­satynda 1994 jyly Pre­zı­dent janyndaǵy Mem­le­ket­tik basqarýdyń Ulttyq joǵary mek­te­bi quryldy. Keıin osy mekteptiń negizinde Memlekettik basqarý aka­demııasy ashyldy. Qa­zir­gideı qun­dylyqtar qu­bylǵan jáne syn-qaterler beleń alǵan za­man­da memlekettik qyz­met­shi­ler­di daıar­laýdyń basym ba­ǵyt­ta­ryn aıqyndaý asa mańyzdy», dedi E.Ábil.

Memlekettik qyzmet isteri agent­ti­giniń tóraǵasy Anar Ja­ıyl­­ǵanova tarıhı ólshemmen qara­­ǵanda, qysqa ýaqytta eli­miz­diń memlekettik qyzmeti qa­lyptasýdyń úlken jolynan ótkenine nazar aýdardy. Ol táýelsizdiktiń damý jyldarynda Qazaqstannyń saıa­sı qury­ly­mynyń mánin kór­setetin mem­le­kettik basqarý ınstı­týt­ta­ry­nyń qurylǵanyn da atap ótti. «Mem­le­kettik kadr saıasaty ýa­qyt talabyna saı memlekettik qyz­met­tiń qýatty quralyna aınal­ýy tıis» degen A.Jaıylǵanova Ult­tyq joǵary memlekettik bas­qa­rý mektebiniń osydan 27 jyl buryn adam kapıtalyn damytý maq­sa­tyn­da qurylǵanyn eske aldy.

«Akademııanyń negizgi maq­sa­ty – kásibı, tıimdi ári turaqty memlekettik apparatty damytý. Al bul mindetterdi úzdik álem­dik tájirıbeler, bilikti oqy­tý­shylar quramy, sondaı-aq ozyq sıfrly qural-jabdyqtar ar­qyly júzege asyrýǵa bolady», dedi agenttik tóraǵasy. A.Jaıyl­ǵa­nova agenttiktiń qazirgi zamanǵy úr­dister men talaptardy eskere otyryp, memlekettik apparat­ty transformasııalaý jáne damytý baǵytyndaǵy jumystardy jalǵastyryp kele jatqanyn da málimdedi. Atap aıtqanda, mem­le­kettik qyzmet mansaptyq modelge kóshti, kelisimshart qyz­met­shileri ınstıtýty engizilip, irik­teý rásimi jetildirilmek. Son­daı-aq jeke basqarý qyzmet­te­­rin kásibılendirý boıynsha is-sharalar qabyldanady. «El Prezıdenti Elbasynyń saıası ba­ǵy­tynyń sabaqtastyǵyn saqtaı otyryp, halyqtyń ál-aýqatyn odan ári jaqsartý, Qazaqstannyń ha­lyqaralyq arenadaǵy usta­ny­myn nyǵaıtý, myqty jáne uıymshyl memleket qurý jó­nin­degi jumysty jalǵastyryp keledi. Al Táýelsizdiktiń úsh on­jyl­dyǵy Qazaqstan úshin eko­no­mıkalyq progress pen turaq­ty damý dáýirine aınaldy. Elimiz postkeńestik keńistiktegi eń tabys­ty jáne aýqymdy reformalardy júzege asyrýda kóshbasshy boldy», dedi agenttik basshysy.

Jıynda Strategııalyq jos­parlaý jáne reformalar agent­tiginiń tóraǵasy Qaırat Kelim­betov jańa ekonomıkalyq ba­ǵytty iske asyrý úshin bas­qarýshy kadrlardy daıarlaý mindetterine ke­ńinen toqtaldy. Sony­men qa­tar ol konferensııaǵa qa­tysý­shylardy Memleket bas­shy­sy­nyń basshylyǵymen júr­gi­zi­lip jatqan memlekettik bas­qa­rýdy jańǵyrtý reformalarymen tanystyrdy. Al Prezıdent Ákim­­shiligi Memlekettik bas­qa­rý bóliminiń meńgerýshisi Ál­ta­ıyr Ahmetov memlekettik bas­qarý tujyrymdamasy sheń­be­rinde memlekettik apparatty kásibılendirý jóninde pi­kirin bildirdi. «Memlekettik ap­pa­­rattyń áli de jabyq túrde she­shim qabyldaýy, memle­ket­tik qyzmet kórsetýde servıstik modeldi paıdalanbaýy, sheshim qabyldaý kezinde ǵylymı derek­terge súıenbeýi jáne basqa da kásibı qabileti men bilik­tilik­te­rine qatysty syn-es­kert­peler ókinishke qaraı, bizde óte kóp. Búgingi bas­qosýdyń basty kózdegeni – mem­lekettik qyz­met­shilerdiń kási­bı biliktiligi men quzyretin je­til­dirý. Bul ba­ǵyt­ta elimizde biraz ózgerister boldy. Máselen, mem­lekettik qyz­metshilerdiń jala­qylary edáýir ósti. Osy fak­tor­dyń ózi mem­lekettik apparatqa kásibı ári myqty mamandardy tartýǵa úlken múmkindik týdyryp otyr. Qazirgi tańda bizge jobalyq mened­­jment, sertıfıkat­taý sala­syndaǵy bilikti kadr­lar óte qa­jet», degen ol halyqqa qyzmet kór­setý kezinde bul júıeniń tym bıýro­krattanyp ketkenin de ashyq syn­ǵa aldy. Sondaı-aq jıynda «Astana» halyqaralyq ǵylymı kesheni dırektorlar keńesi tór­a­ǵa­synyń orynbasary Farhad Qýanǵanov Prezıdent janyndaǵy Ulttyq joǵary memlekettik bas­qa­rý mektebiniń elimizdiń saıası elıtasyn qalyptastyrýdaǵy róli jóninde baıandama jasady.

Memlekettik qyzmet sala­syn­­­daǵy О́ńirlik hab Basqa­rý­shy ko­­­mı­tetiniń tóraǵasy Álıhan Baı­menov memlekettik qyzmetti jań­ǵyrtýdyń ózekti máseleleri týraly aıta kelip, Elbasy men Prezıdenttiń uzaq merzimdi jos­parlaryn júzege asyrý kásibı memlekettik apparattyń mańyzyn arttyra túsetin usynystaryn bildirdi: «Birinshiden, memlekettiń uzaq merzimdi múddesin qor­ǵaı­tyn kásibı memlekettik qyz­met­­­shilerdi irikteý jáne laýa­zym­darǵa taǵaıyndaýda merıto­kra­tııa qaǵıdattaryn kú­sheı­­tý, ekinshiden, aqparat aǵym­da­ry men sheshim qabyldaý rásim­de­rin ońtaılandyrý jáne ókilet­ti­lik­ter­di neǵurlym tómengi deńgeıge berý arqyly debıýrokratızasııany júrgizý, úshinshiden, adaldyq, pa­rasattylyq jáne ádeptilik qa­ǵı­­dattaryna, zań aldynda bar­sha­nyń teńdigin qamtamasyz etýge súıene otyryp, asqynyp ketken jemqorlyqty aýyzdyqtaý. Bul turǵyda qoǵamdyq ıgilikterdi bólý, memlekettik ınvestısııalar, satyp alýlar jáne jeke­she­len­dirý men salyqtyq, tarıftik jeńildikter berý júıesinde blok­cheındi paıdalaný óte mańyz­dy», degen Á.Baımenov zamanaýı aqparattyq tehnologııalar­dy keńinen paıdalanǵanda azamat­tardyń quqyqtaryn saqtaý únemi nazarda bolýy tıis ekenin de alǵa tartty. «Korporatıvtik máde­nıet­ti damytý ár memlekettik qyz­met­shiniń jáne azamattyń eńbegin, abyroıyn jáne ýaqytyn baǵalap, qurmetteýge negizdelgeni abzal. Tarıhı sebepterge baılanysty memlekettik basqarý ǵylymy TMD aımaǵynda kenjelep qal­ǵanyn eskere otyryp, ǵylymı dálelderge negizdelgen sheshimder qabyldaý júıesin engizý – qazirgi zamannyń talaby», dedi ol. «Bul is-sharalar halyqtyń memlekettik apparatqa degen senimin arttyrýǵa septigin tıgizedi dep senemin», dedi sóziniń sońynda komıtet tóraǵasy.

«Konferensııa kezinde kóteril­gen barlyq másele mańyz­dy ári oryndy. Osy rette Prezıdent ja­nyn­daǵy Memlekettik basqarý aka­demııasy basqosý barysynda ortaǵa tastalǵan usynys-pikirlerdi to­lyq qoldap, qolǵa alýǵa daıyn. Qazirgi zamanǵy talaptarǵa jaýap beretin memlekettik qyz­met­shi­lerdiń kásibı korpýsy arqyly memlekettik qyzmettiń tıimdi jú­ıe­sin qurý – bul elimizdiń turaqty damýy úshin negizgi faktorlardyń biri bolyp sanalatyny anyq», dedi is-shara moderatory, Memlekettik basqarý akademııasynyń rektory Erlan Ábil.

Konferensııaǵa qatysqan or­ta­lyq memlekettik jáne jergi­lik­ti atqarýshy organdardyń ókil­deri, memlekettik basqarý jáne memlekettik qyzmet sala­syndaǵy otandyq jáne shetel­dik sarapshylar, akademııa túlek­te­ri, bilim alýshylary men qyz­met­kerleri plenarlyq sessııa ke­z­inde memlekettik apparatty kásibılendirýdiń ulttyq júıesin damytý baǵyttaryn talqylap, mem­lekettik qyzmetshilerdiń ká­si­bı daıarlyǵyn damytýdyń basty maqsat-mindetterin atap kórsetti.