Asa jeńil salmaqta el namysyn qorǵap júrgen qazaqstandyq aralas jekpe-jek sheberi Jalǵas Jumaǵulovtyń álemdegi eń bedeldi uıym UFC-men kelisimsharty aıaqtaldy, dep habarlaıdy Egemen.kz.
Búgin qazaqstandyq sportshy kelisimshartta kórsetilgendeı sońǵy jekpe-jegin ótkizdi. Bálkim angolalyq Manel Kapeni jeńgende uıym basshysy Dana Ýaıt jańa kelisimshart usynar ma edi, kim bilsin? О́kinishke qaraı otandasymyz qarsylasynan birinshi raýndta jeńilip qaldy. Qysqasy, tórt shaıqasta bir ǵana márte jeńiske jetip, úsh ret jeńilistiń kermek dámin tatqan otandasymyzdyń UFC-degi saparyna núkte qoıylǵan sekildi. Endi ol basqa lıgalarda oktagonǵa shyqpasa, Dana Ýaıt sportshyny óz uıymynda qaldyrmaıtyny sózsiz.