Qaraǵandyda Oktıabr aýdany ataýy ózgertildi. Endi aýdanǵa Alash úkimetiniń jetekshisi Álıhan Bókeıhannyń esimi beriledi, dep habarlaıdy Egemen.kz.
Búgin Qaraǵandyda oblystyq máslıhattyń kezekti IX sessııasy ótip, onyń barysynda Oktıabr aýdanynyń ataýyn ózgertý máselesi qaraldy. Sessııa jumysyna aımaq basshysy Jeńis Qasymbek qatysty. Depýtattar men ákimdik birlesip shyǵarǵan sheshim boıynsha, Oktıabr aýdany ataýy ózgertildi.
«Sessııada Oktıabr aýdanyna Álıhan Bókeıhan esimin berý týraly buryn daıyndalǵan ákimdik pen máslıhat qaýlysy qaraldy. Endi aýdan Álıhan Bókeıhan aýdany bolyp atalmaq. Tıisti qujattar Ádilet mınıstrligine tirkeýge jiberildi», dedi Qaraǵandy oblysynyń Tilderdi damytý jónindegi basqarma ókili.
Aıta keteıik, bıyl naýryzda Qaraǵandyda Oktıabr aýdanynyń ataýyn ózgertý boıynsha qoǵamdyq tyńdaýlar ótken bolatyn. Tyńdaýlar qalanyń ártúrli bóliginde 15 jerde ótti. Atyn ózgertý týraly sheshim kópshilik daýyspen bekitildi.