Táýelsizdiktiń 30 jyldyǵy qarsańynda Atyraý oblysyndaǵy Teńiz kenishinen óndirilgen munaı kólemi 500 mıllıon tonnaǵa jetti, dep habarlaıdy Egemen.kz.
«Teńizshevroıl» JShS bas dırektory Kevın Laıonnyń málimetinshe, Teńiz ken ornynan «qara altyn» óndirý 1993 jyly bastalǵan.
«Teńiz ken ornynda 1993 jyly shamamen 1 mıllıon tonna munaı óndirildi. Al, 2020 jyldyń sońyna taman ónim óndirý kólemi 26,5 mıllıon tonnaǵa deıin ósti. Bul Qazaqstanda óndirilgen munaı kóleminiń shamamen 35 paıyzyn quraıdy. Kompanııanyń bul tabysy Qazaqstan Respýblıkasynyń Úkimeti men aksıonerlerdiń, jergilikti atqarýshy organdar men qyzmetkerlerimizdiń qoldaýynsyz múmkin bolmas edi. Endi mine, Qazaqstanmen seriktes retinde birlesken jumysymyzdyń nátıjesinde Teńiz kenishinen óndirilgen munaı kólemi 500 mıllıon tonnaǵa jetti» dep málim etti Kevın Laıon.