Kanadanyń Kalgarı qalasynda ótip jatqan konkımen júgirýden Tórtqurlyq chempıonatynda Qazaqstan qorjyny taǵy da júldemen tolyqty, dep habarlaıdy Egemen.kz.
Ulttyq Olımpıada komıteti málim etkendeı, erler arasynda 1000 metrge jarysýdan qazaqstandyq Denıs Kýzın altyn júldeger atandy.
Ol AQSh jáne Taıpeı sportshylarynyń aldyn orady. Áıelder arasynda 1000 metrge júgirýden Ekaterına Aıdova jeńimpaz – Taıpeı sportshysynan 1.04 sekýnd utylyp, kúmis medal ıelendi.
Erler arasyndaǵy komandalyq jarysta Kanadaǵa ese jibergen Qazaqstan quramasy ekinshi orynnan kórindi.