Densaýlyq saqtaý mınıstrligi 2022 jyldyń qańtaryna arnalǵan koronavırýs týraly jańa boljam jarııalady, dep habarlaıdy Egemen.kz.
Densaýlyq saqtaý mınıstrliginiń boljamyna sáıkes, 2022 jyldyń qańtarynda optımıstik ssenarıı boıynsha kúnine ortasha eseppen 650 koronavırýs ınfeksııasy tirkeledi. Naqty - 1500, jaǵdaı nasharlasa 3000 derek tirkelýi múmkin.
«Koronavırýs ınfeksııasy boıynsha epıdemıologııalyq jaǵdaı boljamyna sáıkes qazir táýligine orta eseppen 560 jaǵdaı tirkelip otyr, optımıstik ssenarıı iske asyrylyp jatyr. Respýblıkada koronavırýs ınfeksııasy boıynsha epıdemıologııalyq jaǵdaıdyń turaqtalyp kele jatqany baıqalady, jaǵdaı mınıstrliktiń baqylaýynda», dedi densaýlyq saqtaý mınıstri mindetin atqarýshy Jandos Búrkitbaev Úkimet otyrysynda.