8 naýryz – Halyqaralyq áıelder kúni qurmetine oraı Qazaqstan Respýblıkasynyń Prezıdenti
N.Á.Nazarbaevpen «Kóktem shýaǵy» kezdesýine qatysqan Qazaqstannyń áıelder qoǵamdastyǵynyń ókilderi
Maııa VERONSKAIа, telejúrgizýshi, aktrısa. «Meniń balalyq shaǵymnyń aspany» fılminde Maııa el Prezıdenti ustazynyń rólin sheber somdady. Bul onyń alǵashqy jáne óte jaýapty róli bolyp tabylady. Qazaq mektep-gımnazııasyn támamdaǵan. Abaı atyndaǵy QazUPÝ-diń «Qazaq fılologııasy» fakýltetin úzdik bitirgen soń, «Qazaqstan» telearnasyna memlekettik tilde júrgizýshilikke shaqyryldy. «Jyl patrıoty» medalimen nagradtalǵan, «Meniń Qazaqstanym!» (2011 j.) IV respýblıkalyq patrıottar forýmynda «Kókke umtylǵan Qazaqstan» nomınasııasynda «Til janashyry-2011» medalimen marapattaldy. Svetlana Vladımırovna ShARIPOVA, alpınızm boıynsha sport sheberi. Qosymsha ottegin paıdalanbastan 8 myń metrden asatyn bıik shyńǵa shyqqan Qazaqstandaǵy birden-bir áıel alpınıst. Nursultan jáne Amangeldi shyńdaryna shapshań shyǵýdan halyqaralyq jarystyń eki márte jeńimpazy. Baǵyndyrǵan shyńdary men jetistikteri: 2006 jyly – Lenın shyńy 7134 metr, 2007 jyly – Dhaýlagırı 8167 metr jáne Han Táńiri 7010 metr (jalǵyz shyǵý), 2008 jyly – Makalý shyńy 8471 metr. 2006 jyly Elbrýsqa shapshań shyǵýdyń halyqaralyq jarysynyń jeńimpazy atandy. Qysqy respýblıkalyq jarystardyń jeńimpazy bolyp tabylady. Kúıeýi Nurlan ekeýi qyzy Dıanany tárbıelep, ósirýde. Tolqyn Toqtaýbaıqyzy ZABIROVA, estrada ánshisi, Qazaqstannyń eńbek sińirgen qaıratkeri. Halyqaralyq, respýblıkalyq konkýrstar men festıvaldardyń laýreaty. 25 jyldan beri qazaqstandyqtardy óz daýysymen qýantyp keledi. Semeı oblysynyń Aıagóz qalasyndaǵy qarapaıym otbasynda tárbıelengen kishkentaı qyzdyń talanty men jigeriniń arqasynda odan Qazaqstan estradasynyń talantty ánshisi ósip shyqty. Turmys qurǵan. 3 bala tárbıelep otyr. Sáýle Muhanbedıanqyzy AITBAEVA, Qazaqstandaǵy alǵashqy áıel-general. 2010 jyly general shenin alǵan. S.Aıtbaevanyń «Qazaqstan Respýblıkasynyń qurmetti prokýratýra qyzmetkeri» (2001) ataǵy bar, «Eren eńbegi úshin» (2005) medalimen marapattalǵan. R.Rýdenko atyndaǵy Sverdlov zań ınstıtýtyn «quqyqtaný» mamandyǵy boıynsha támamdaǵan. 2012 jyldyń sáýirinde Memleket basshysynyń О́kimimen Qazaqstan Respýblıkasy Bas prokýratýrasynyń quqyqtyq statıstıka jáne arnaıy esep jónindegi komıtetiniń tóraıymy bolyp taǵaıyndaldy. Quqyq qorǵaý jáne arnaıy organdar aqparat almasý júıesin (QAO AAJ), «Aıqyn» ótinishter berý barysyna baqylaý jasaý júıesin engizdi. Kásipkerlerdi qorǵaý jobasy – «Bıznes tirek» portalynyń, sondaı-aq, «Tekserýlerdi esepke alýdyń elektrondy jýrnaly» jáne «e-Jospar» tekserýlerdi elektrondy josparlaý júıesiniń bastamashysy. Sáýle búginde erimen birge 2 qyz tárbıelep otyr. Ekaterına Sergeevna MORKOVINA, «24 KZ» telearnasynyń prodıýseri. «24 KZ» telearnasynyń eń úzdik jas qyzmetkerleriniń biri. Ekaterına jańalyqtar arnasyn, «Álem apta ishinde» baǵdarlamasyn júrgizedi. Jumysta joǵary kásibılik deńgeıimen jáne biliktiligimen erekshelenedi. Onyń hobbıi – sporttyq bal bıleri, ıoga, sýda júzý. Telejúrgizýshi óz jumysyn «Royal Dans club» balalar shoý baletiniń bapkeri jáne jetekshisi qyzmetimen qosa alyp júredi. 15 jyl boıy sporttyq bal bıimen aınalysty. Bı sporty respýblıkalyq federasııasy quramynda bapker jáne sporttyq bal bıi boıynsha tóreshi boldy. Týngalag Baljınımaevna О́SELBAEVA, sırk ártisi, arystan úıretýshi. Týngalag – Qazaqstandaǵy arystan úıretýshi birden-bir áıel, Astana sırkinde jumys isteıdi. Býrıat avtonomııaly respýblıkasynda týǵan, býrıat qyzy. Jyrtqyshtardy úıretýshi bola júrip óz nómirlerimen kóptegen elderdi aralady. 1991 jyldan «Altyn alma», odan keıin Almaty memlekettik sırkinde jumys istedi. Qazaq tilinde tamasha sóıleıdi, qazaq halqynyń salt-dástúrlerin jaqsy biledi jáne qurmetteıdi. Bahargúl TО́LEGEN, «Ádemi-Aı plus» JShS prezıdenti. Bahargúl basqaratyn kompanııa Qazaqstannyń kádesyı ónimderi rynogynda kósh bastaýshylardyń biri bolyp tabylady. 2011 jyly «Ádemi-Aı» Almaty jáne Astana qalalarynda ótken XVII Qysqy Azııa oıyndarynyń demeýshisi boldy. Bahargúldiń hobbıi – ejelgi ulttyq zergerlik buıymdardy jınaý. Onyń jeke kolleksııasynda ulttyq biregeı áshekeılerdiń myńnan astam túri bar. Jyl saıyn onyń kórmelerin qazaqstandyqtar da, sondaı-aq, sheteldik týrıster de úlken qyzyǵýshylyqpen tamashalaıdy. Ol Reseıde, onyń ishinde Qazanda Stýdentter ýnıversıadasy ótken kúnderi, Shvesııada, Germanııada, Túrkııa men Qytaıda kórmelerin tabysty uıymdastyrdy. Avtorlyq jumys túrleri – ulttyq kádesyılardyń myńnan astamy patenttelgen. Onyń mindeti qazaq halqynyń ejelgi mádenı murasyn qaıta jańǵyrtý jáne jurtshylyq nazaryna usyný. Oksana Alekseevna TEN, belgili qazaqstandyq fıgýrıst, 2014 jylǵy Sochıdegi Olımpııa oıyndarynyń qola júldegeri Denıs Tenniń anasy. 1980-1993 jyldary Qurmanǵazy atyndaǵy Memlekettik konservatorııa janyndaǵy opera stýdııasynyń orkestrinde jumys istedi. 2013 jyly Sport jáne týrızm akademııasyn támamdady. Qazirgi ýaqytta uly Denıstiń sporttyq karerasymen aınalysady. Turmys qurǵan, 2 balanyń anasy. Tamara Vıktorovna ShIRMER, «Qazaqstan ýkraındary radasy» ZTB respýblıkalyq birlestigi tóraǵasynyń birinshi orynbasary, Astana q. «Obereg» qoǵamdyq birlestiginiń tóraıymy. Qazaqstan halqy Assambleıasynyń múshesi, Qazaqstan halqy Assambleıasy «Halyqtyq IRO» baǵdarlamasyn júzege asyrý máseleleri jónindegi respýblıkalyq on-line qoǵamdyq qabyldaý komıssııasynyń jetekshisi. 12 jyl boıǵy qoǵamdyq qyzmetinde Tamara Vıktorovna Qazaqstan men Ýkraına týystas halyqtar arasyndaǵy bitim men kelisimdi nyǵaıtýǵa, ýkraındyqtardyń olardyń tarıhı otanymen baılanysyn damytýǵa yqpal ete otyryp, memlekettik jáne jergilikti organdarmen tyǵyz baılanysta belsendi jumystar júrgizip keledi. Ýkraın etnosy ókilderin qoǵamdyq-saıası ómirge, Qazaqstan Prezıdenti alǵa qoıǵan mindetterge qoldaý kórsetýge tartýda turaqty jumystar júrgizedi. Qazaqstan Respýblıkasy Prezıdentiniń Qurmet gramotasymen (2013 j.), Qazaqstan halqy Assambleıasy (2007 j.), Astana qalasy ákiminiń (2010 j.) Ýkraınanyń Qazaqstandaǵy elshiliginiń (2005, 2006, 2008, 2009, 2011, 2013 jj.) qurmet gramotalarymen marapattalǵan. Maıra Tájimuqanqyzy AMANOVA, óndiristik jabdyqtardy jóndeý jáne paıdalaný jónindegi tokar. 25 jyldan beri munaı salasynda eńbek etip keledi. Búginde «Jylyoımunaıgaz» munaı-gaz óndirý basqarmasy Qulsary óndiristik jabdyqtardy jóndeý jáne paıdalaný sehynyń tokary bolyp jumys isteıdi. Halyq arasynda salamatty ómir saltyn nasıhattaıdy. Áıelder voleıbol komandasynyń kapıtany bolyp tabylady. О́ńirlik sport jarystarynyń birneshe dúrkin júldegeri. Kásiporynnyń qoǵamdyq jáne mádenı óńirine belsendi aralasady, «Qyzdar ansambli» tobynyń ánshisi. 4 bala tárbıelep otyrǵan ana. Mádına Qýandyqqyzy BASPAEVA, «Astana-Opera» teatrynyń jetekshi balet solısi, Qazaqstannyń eńbek sińirgen qaıratkeri. K.Baıseıitova atyndaǵy Ulttyq opera jáne balet teatrynyń prıma-balerınasy. II halyqaralyq balet artısteri baıqaýynyń gran-prı júldesiniń ıegeri. Esimi álemge málim horeograf Sharl Jıýdtiń shaqyrýymen Bordo (Fransııa) ulttyq operasy sahnasynda Djýletta rólin oryndady. Djýletta rólin týǵan teatr sahnasynda bıleý óte jaýapkershilik ákeledi dep atap ótken bolatyn, Mádına. Ol «Astana-Operanyń» álemdik deńgeıdegi teatr jáne Qazaqstannyń «brendi» bolatynyna senimdi. Mádına Maratqyzy SAÝYTBEKOVA, «О́rleý» eńbekke ornalastyrý agenttiginiń dırektory. Mádına «О́rleý» eńbekke ornalastyrý jónindegi áleýmettik jobaǵa bastamashy boldy, sonyń arqasynda 620-dan astam jumyssyz aýyldyqtar búginde mektepterde, qurylys kompanııalarynda, bankterde jáne ónerkásip kásiporyndarynda jumys isteıdi. M.Saýytbekova Eńbek jáne halyqty áleýmettik qorǵaý mınıstrliginiń «Úzdik áleýmettik qyzmetker» qurmet belgisimen marapattalǵan. Jigerli bıznesvýmen sol sııaqty «Moı raıon» gazetin shyǵarady. Búginde eri ekeýi eki qyz tárbıelep otyr. Alena Anatolevna IýMAKÝLOVA, Kókshetaý qalasyndaǵy fızıka-matematıka baǵytyndaǵy Nazarbaev Zııatkerlik mektebiniń baspasóz hatshysy. Soltústik Qazaqstan memlekettik ýnıversıtetin «Qazaq tili men ádebıetiniń muǵalimi» mamandyǵy boıynsha bitirgen. Aqmola oblysy Qazaqstan halqy Assambleıasynyń múshesi, Assambleıa janyndaǵy Memlekettik tildi nasıhattaý jáne damytý ortalyǵynyń tóraıymy. «Maqsatym – til ustartyp, óner shashpaq» atty qalalyq jáne oblystyq Abaı oqýlarynda júldeli oryndar ıelengen. 2011 jyly oblys delegattary atynan «Nur Otan» partııasynyń XIV sezinde sóz sóıledi. Anar Batyrǵazyqyzy BAIMYRZAEVA, jemqorlyqpen kúres jónindegi matematıkalyq modeldi ázirleýshi, magıstrant. Anar ázirlegen jemqorlyqpen kúres jónindegi matematıkalyq model ǵylymı jumystardyń respýblıkalyq stýdenttik baıqaýynda úzdik dep tanyldy. Ol óziniń ǵylymı jobasy qazirgi zamanǵy qoǵamdaǵy qaterli áleýmettik dertterdiń birimen kúreste yqpal etýge kómektesedi dep armandaıdy. Qazirgi ýaqytta Ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polısııasy) modeldi baıqap kórýge múddeliligi men daıyndyǵyn bildirip otyr. Anar 10 ǵylymı maqalanyń avtory, 4 stýdentterdiń ǵylymı jumystary baıqaýynyń jeńimpazy. Inna Sergeevna APENKO, MIMIORIKI-diń atqarýshy dırektory. MIMIORIKI – Qazaqstandaǵy eń iri kıim shyǵarýshy Textiline kompanııasy balalar kıiminiń bólshek saýda brendi. Tekstılaın kompanııasy Mimioriki brendimen «Halyq úshin taýarlar shyǵaratyn úzdik kásiporyn» nomınasııasynda «Orta kásipkerlik sýbektisi» kategorııasy boıynsha «Altyn sapa» Prezıdent syılyǵyna ıe boldy. 2011 jyly brend «Qazaqstandaǵy franchaızıng 2011» (Almaty) IV Halyqaralyq kórmede jyldyń úzdik franshızy ataǵyn jeńip aldy. Kompanııanyń dúkenderi Qazaqstannyń 11 qalasynda, sondaı-aq, Novokýznesk (Reseı), Kıev pen Doneskide (Ýkraına) tabysty jumys isteýde. MIMIORIKI balalar kıiminiń óndiristik sıkli ıdeıanyń ómirge kelýinen bastap daıyn ónim shyǵarǵanǵa deıin Textiline kompanııasynyń alty fabrıkasynyń úsheýinde – Almaty, Talǵar jáne Tekeli qalalarynda júzege asady. Janargúl Janysbekqyzy QUSMANǴALIEVA, Eýrazııalyq ıntegrasııa ınstıtýtynyń dırektory. Zań ǵylymdarynyń kandıdaty. 50-den astam ǵylymı maqalalardyń avtory. Parlament Májilisi apparatynda «Nur Otan» partııasy Parlamentarızm ınstıtýtynyń dırektory bolyp jumys istedi. Qazirgi ýaqytta «Eýrazııalyq ıntegrasııa damýy» jobasyna basshylyq jasaıdy. Sondaı-aq, BUUDB-nyń ulttyq sarapshysy bolyp tabylady. Hobbıi – shahmat, nard oınaý. Poezııany súıedi. Turmys qurǵan, bir qyz tárbıelep otyr. Gúljan Ibatqyzy LUQMANOVA, Atyraý qalasy ishki ister basqarmasy mıgrasııalyq polısııa bóliminiń basshysy. Polısııa podpolkovnıgi. «IIM-degi úzdik qyzmeti úshin» tós belgisimen, «Qazaqstan Respýblıkasy Ishki isker organdaryndaǵy minsiz qyzmeti úshin» medaliniń ekinshi jáne úshinshi dárejesimen, «Qazaqstan polısııasyna 20 jyl» merekelik medalimen marapattalǵan. Gúljan Luqmanovtardyń otbasylyq áýletiniń ókili bolyp tabylady. Zańgerlikti óz mamandyǵy retinde tańdap jáne óz atasynyń izin basyp, ol 19 jyldan beri quqyq qorǵaý organdarynda eńbek etip keledi. Onyń otbasynyń quqyq qorǵaý organdaryndaǵy jalpy ótili 100 jyldy quraıdy. Onyń balalary da osy júıede jumys isteıdi. Búginde Gúljan 4 bala men 1 nemere tárbıelep otyr. Baqytkúl Shamshaqyzy QURMANOVA, «Korme-Expo» JShS-niń bas dırektory. Qazaqstan táýelsizdiginiń alǵashqy on jylynda Almaty qalasy Medeý aýdany ákimdiginde jumys istedi, «Dostyq Úıi» ýchaskesi boıynsha saılaý kompanııalarynda jaýapty tulǵa boldy. 26 jyldyq eńbek ótili bank, memlekettik, jekemenshik jáne qoǵamdyq, sonyń ishinde Halyqaralyq eýrazııalyq medıa-forým, Qazaqstan Respýblıkasynyń Saýda ónerkásip palatasyndaǵy jumystardan turady. 2011 jyldan eldiń kórme salasynyń yrǵaqty damýynyń ajyramas bóligi bolyp tabylatyn «Korme-Expo» kórme ortalyǵyn basqarady. Úsh jylda túrli deńgeıdegi kórmelerdiń júzge tarta ashylý rásimderin uıymdastyrdy. Turmys qurǵan, úsh balanyń anasy. Ǵazıza Aıatbekqyzy DANLYBAEVA, adamǵa jasandy teri jasaý jónindegi ınnovasııalyq jobanyń avtory, QR BǴM Ulttyq bıotehnologııalar ortalyǵy dińgekti jasýshalar zerthanasynyń jetekshi ǵylymı qyzmetkeri. «Shapaǵat-2012» baıqaýynda atalǵan patent «Jyl jańalyǵy» nomınasııasynda jeńimpaz atandy. 60-tan astam ǵylymı maqalalardyń, avtorlyq kýálikter men patentterdiń avtory, ǵylymı-zertteýshilik ınnovasııalyq jobalardyń jetekshisi, bıotehnologııa jáne bıomedısına salasyndaǵy táýelsiz sarapshy. Qazirgi ýaqytta aerozol túrindegi jasýshalyq tehnologııa Travmatologııa jáne ortopedııa ǴZI-da jáne Respýblıkalyq shuǵyl medısınalyq járdem ortalyǵynda Qazaqstannyń 40 kúıik shalǵan naýqastary arqyly synaqtan ótip, sonyń nátıjesinde naýqastar tabysty emdelip shyqty. Mavlıýda Abdýrashıtovna ShIRHANOVA, saǵat sheberi, áýlettiń úshinshi býynyndaǵy saǵatshy. Mavlıýda Abdýrashıtovna – áýletimen saǵat sheberleri bolǵan otbasynyń ókili. Onyń ákesi óziniń kásibı ómirinde bir mıllıonǵa jýyq saǵatty jóndep shyǵarǵan. Mavlıýdanyń ózi áýlet isin úshinshi býynda jalǵastyra otyryp, Almaty qalasynda saǵat sheberi bolyp jumys isteıdi jáne óz esebinde 350 myńnan astam jóndelgen saǵat bar. Tórtinshi býyndaǵy uly men besinshi býyndaǵy nemeresi áýlet isin jalǵastyrýshylar bolyp tabylady. 3 balasy jáne 9 nemeresi bar. Perızat Úmiksatqyzy JOLDASOVA, Júrgenov atyndaǵy Qazaq ulttyq akademııasynyń 3-kýrs stýdenti. 2000 jyly Perızat Elbasynyń Aqtaý qalasyna sapary kezinde el Prezıdenti úshin án shyrqap berdi. Perızat 5 jasynan bastap sahnada keledi. «Ánshi balapannyń» laýreaty bolǵan. 8 jasynda ol óziniń alǵashqy ánder jınaǵyn shyǵardy. 13 jasynda Almaty qalasynda birinshi jeke konsertin berdi. «Úzdik ánshi», «Úzdik án» nomınasııalarynyń ıegeri. «Bala tilegi» avtorlyq áni «О́zin ózi taný» páni boıynsha 2-synyptyń mektep baǵdarlamasyna endi. 4 beınebaıan shyǵarǵan, qazirgi ýaqytta jańa beınebaıan shyǵarý jolynda talpynys jasap júr. Salıdat Zekenqyzy QAIYRBEKOVA, Qazaqstan Respýblıkasynyń Densaýlyq saqtaý mınıstri. Salıdat Qaıyrbekovanyń eńbek joly medısına uıymdaryndaǵy dáriger nevropatolog, keıin óńirlik jáne respýblıkalyq deńgeıdegi basshylyq laýazymdardan bastalady. Qazaqstan Respýblıkasy Prezıdentiniń Ákimshiliginde jumys istedi. Densaýlyq saqtaý mınıstrliginiń Medısınalyq qyzmet kórsetý salasyna baqylaý jasaý komıtetin jáne Medısınalyq qyzmetterge aqy tóleý komıtetin basqardy, keıin vıse-mınıstr boldy. Onyń basshylyǵymen Biregeı ulttyq densaýlyq saqtaý júıesi engizildi, stasıonardy almastyratyn medısınalyq járdemdi damytý esebinen medısınalyq járdemniń qoljetimdiligi qamtamasyz etildi. Qazirgi ýaqytta aqparattyq densaýlyq saqtaý jáne memleket-jekemenshik kásipkerliginiń biregeı júıesi engizilýde. 2010 jyly mınıstr bolyp taǵaıyndaldy. «Qurmet» ordenimen marapattalǵan. Nurgúl Naǵashybaıqyzy MUSAEVA, kópbalaly ana. Kúıeýi Bınar ekeýi 7 bala tárbıelep otyr. Nurgúl «Kúmis alqa» ıegeri, «Altyn alqamen» marapattaýǵa usynylǵan. Ol 12 bala tárbıelep ósirgen kúıeýiniń anasyna zor qurmetpen qaraıdy. Nurgúldiń ózi de oǵan uqsaýdy armandaıdy. Úsh balasy búginde joo-da bilim alyp júr. Kishkentaı Baqytjan «Dombyra» synyby boıynsha mýzyka mektebin tabysty támamdady. Balalarynyń eń kishisi – bir jarym jasta.