Keshe Qazaqstan Respýblıkasynyń Premer-Mınıstri Serik Ahmetov Kólik jáne kommýnıkasııa mınıstrligi men Baılanys jáne aqparat agenttigi ujymdaryna olardyń jańa basshylaryn tanystyrdy, dep habarlady Premer-Mınıstrdiń baspasóz qyzmeti.
Memleket basshysynyń Jarlyǵymen Kólik jáne kommýnıkasııa mınıstri bolyp Jeńis Qasymbek, Úkimettiń qaýlysymen Baılanys jáne aqparat agenttiginiń tóraǵasy bolyp Asqar Jumaǵalıev taǵaıyndaldy.
S.Ahmetov A.Jumaǵalıevke Kólik jáne kommýnıkasııa mınıstrliginiń basshysy qyzmetinde atqarǵan jumysy úshin alǵys aıtyp, onyń kásibı biliktiliginiń jańa memlekettik organ jumysyn jedel uıymdastyrýǵa jáne Memleket basshysy alǵa qoıǵan mindetterdi sheshýge kómektesetinine senim bildirdi.
Premer-Mınıstr J.Qasymbek pen A.Jumaǵalıevke alda turǵan mindetterdi sheshý barysynda tabystar tiledi.
Hronıka
Memleket basshysynyń Jarlyǵymen Asqar Qýanyshuly Jumaǵalıev basqa jumysqa aýysýyna baılanysty Qazaqstan Respýblıkasynyń Kólik jáne kommýnıkasııa mınıstri qyzmetinen bosatyldy.
* * *
Memleket basshysynyń О́kimimen Jeńis Mahmuduly Qasymbek basqa jumysqa aýysýyna baılanysty Qazaqstan Respýblıkasy Kólik jáne kommýnıkasııa mınıstrliginiń jaýapty hatshysy qyzmetinen bosatyldy.