Qazaqstan Respýblıkasy Prezıdentiniń Jarlyǵy

J.M.Qasymbekti Qazaqstan Respýblıkasynyń Kólik jáne kommýnıkasııa mınıstri qyzmetine taǵaıyndaý týraly Jeńis Mahmuduly Qasymbek Qazaqstan Respýblıkasynyń Kólik jáne kommýnıkasııa mınıstri bolyp taǵaıyndalsyn. Qazaqstan Respýblıkasynyń Prezıdenti N.NAZARBAEV. Astana, Aqorda, 2014 jylǵy 7 naýryz №764  

Jeńis Mahmuduly QASYMBEK

1975 jyly týǵan. Qazaq memlekettik sáýlet-qurylys aka­de­mııa­syn, L.N.Gýmılev atyndaǵy Eýrazııa memlekettik ýnı­ver­sıtetin bitirgen. Iskerlik ákimshilendirý doktory ǵylymı dárejesi bar. Eńbek jolyn «Temirbank» AQ mamany bolyp bastady. Tabıǵı monopolııalardy retteý jáne básekelestikti qorǵaý agenttiginde bas maman, bólim bastyǵy bolyp jumys istedi. 1999 jyldan bastap Kólik jáne kommýnıkasııa mınıstrligi júıesinde eńbek etip keledi. Mınıstrliktiń basqarma bastyǵy, departament dırektorynyń orynbasary, departament dırektory qyzmetterine taǵaıyndaldy. «Aqtaý halyqaralyq teńiz saýda porty» respýblıkalyq memlekettik kásipornynyń dırektory boldy. 2005-2009 jyldary Kólik jáne kommýnıkasııa vıse-mınıstri qyzmetin atqardy. 2009 jylǵy naýryzdan – Kólik jáne kommýnıkasııa mınıstrliginiń jaýapty hatshysy.