2014 jylǵy 5 naýryz, Astana, Úkimet Úıi
«Mereıli otbasy» ulttyq konkýrsyn ótkizý qaǵıdalaryn bekitý týraly
«Mereıli otbasy» ulttyq konkýrsy týraly» Qazaqstan Respýblıkasy Prezıdentiniń 2013 jylǵy 6 jeltoqsandaǵy №250 ókimi 4-tarmaǵynyń 1) tarmaqshasyn iske asyrý maqsatynda Qazaqstan Respýblıkasynyń Úkimeti qaýly etedi:
1. Qosa berilip otyrǵan «Mereıli otbasy» ulttyq konkýrsyn ótkizý qaǵıdalary bekitilsin.
2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń 2014 jylǵy 5 naýryzdaǵy №181 qaýlysymen bekitilgen
«Mereıli otbasy» ulttyq konkýrsyn ótkizý qaǵıdalary
1. Jalpy erejeler
1. «Mereıli otbasy» ulttyq konkýrsy (budan ári – konkýrs) ónegeli qundylyqtardy jańǵyrtýǵa jáne otbasy men nekeniń (erli-zaıyptylyqtyń) jaǵymdy úlgisin taratýǵa, otbasy mártebesin arttyrýǵa baǵyttalǵan.
Konkýrs jyldyń basynda jarııalanady jáne «Qazaqstan Respýblıkasyndaǵy kásiptik jáne ózge de merekeler týraly» Qazaqstan Respýblıkasy Prezıdentiniń 1998 jylǵy 20 qańtardaǵy № 3827 Jarlyǵyna sáıkes Otbasy kúnine oraı qorytyndylanady.
Konkýrsty ótkizýdiń maqsattary:
1) otbasy ınstıtýtyn, adamgershilikti, rýhanılyqty nyǵaıtý, jaýapty erli-zaıyptylyqtyń mańyzyn taný;
2) ata-analardyń bala tárbıeleýdegi jaýapkershiligin arttyrý;
3) otbasylyq qundylyqtardy, kámeletke tolǵan balalarynyń eńbekke qabiletsiz jáne egde jastaǵy ata-analaryna qamqor bolýyn dáripteý, jáne keńinen nasıhattaý;
4) qazaqstandyq otbasynyń jaǵymdy ımıdjin nasıhattaý.
2. Konkýrsqa otbasylar (budan ári – úmitkerler) qatysady. Konkýrs Qazaqstan Respýblıkasynyń búkil aýmaǵynda ashyq nysanda ótkiziledi.
3. Konkýrstyń jeńimpaz otbasysy jalpyǵa ortaq ınteraktıvti daýys berý negizinde aıqyndalady.
4. Konkýrsqa qatysýǵa músheleriniń eńbektegi, sporttaǵy, shyǵarmashylyq, zııatkerlik, ǵylymı jetistikteri joǵary otbasylar jiberiledi.
5. Mynalar:
1) qyzmeti Qazaqstan Respýblıkasynyń aýmaǵynda tyıym salynǵan uıymdardyń quramyna kiretin (kirgen) músheleri bar;
2) buryn sottalǵan músheleri bar otbasylar konkýrsqa qatysa almaıdy.
2. Konkýrsty uıymdastyrý tártibi
6. Konkýrstyń uıymdastyrýshylary Qazaqstan Respýblıkasy Kólik jáne kommýnıkasııa mınıstrliginiń járdemdesýimen Qazaqstan Respýblıkasy Mádenıet jáne aqparat mınıstrligi, jergilikti atqarýshy organdar bolyp tabylady.
Konkýrsty uıymdastyrýshylar «Mereıli otbasy» ulttyq konkýrsyn uıymdastyrý jáne ótkizý boıynsha jumysty úılestirý maqsatynda konkýrsty daıyndaý jáne ótkizý jónindegi uıymdastyrý komıtetin qurady.
7. Konkýrs ótkizý týraly habarlandyrý naýryzdyń 15-31 aralyǵynda respýblıkalyq jáne óńirlik buqaralyq aqparat quraldarynda ornalastyrylady.
8. Konkýrs úsh kezeńde ótkiziledi. Birinshi kezeń - aýdandyq (qalalyq), ekinshi - óńirlik, úshinshi - ulttyq.
9. Jergilikti atqarýshy organdar óńirlik deńgeıdegi «Mereıli otbasy» ulttyq konkýrsynyń jeńimpazdaryn aıqyndaý boıynsha óńirlik, aýdandyq (qalalyq) komıssııalar qurady, sondaı-aq komıssııa týraly erejeni jáne irikteý krıterıılerin bekitedi.
10. Konkýrsqa qatysýǵa ótinim (osy Qaǵıdalarǵa qosymshaǵa sáıkes nysan boıynsha) aýdandyq (qalalyq) komıssııaǵa jyl saıyn konkýrstyń bastalǵany týraly kópshilikke jarııalaǵan kúnnen bastap bir aı ishinde mynadaı qujattarmen birge beriledi:
1) ata-analardyń (qorǵanshylardyń, qamqorshylardyń) jeke basyn kýálandyratyn qujattardyń kóshirmeleri, balalardyń týý týraly kýálikteriniń kóshirmeleri;
2) asyrap alýshy (qorǵanshy) otbasylar úshin - jergilikti ýákiletti
organnyń kámeletke tolmaǵan balaǵa qorǵanshylyqty (qamqorshylyqty) belgileý týraly sheshiminen úzindi kóshirme;
3) neke qııý týraly kýáliktiń kóshirmesi (bar bolsa);
4) ata-analarynyń bireýi qaıtys bolǵan jaǵdaıda, qaıtys bolý týraly kýáliktiń kóshirmesi - bar bolsa;
5) balalardy tárbıelegeni úshin alǵan kótermeleýlerdiń, belgili bir jetistikteri úshin alǵan kótermeleýlerdiń bar ekenin kýálandyratyn qujattardyń kóshirmeleri;
6) balalardyń, ata-analardyń (qorǵanshylardyń, qamqorshylardyń) jumys (oqý) ornynan anyqtamalar jáne minezdemeler;
7) usynymdar (áriptesteriniń, kórshileriniń, dostarynyń);
8) otbasy músheleriniń eńbektegi, sporttaǵy, shyǵarmashylyq, zııatkerlik, ǵylymı joǵary jetistikterin kýálandyratyn qujattardyń kóshirmeleri.
Usynylatyn qujattardyń kóshirmelerin úmitkerler usynǵan túpnusqalar negizinde aýdandyq (qalalyq) komıssııanyń tóraǵasy kýálandyrady.
11. Qujattardy kórsetilgen merzimnen keıin usynǵan úmitkerler konkýrsqa qatysýǵa jiberilmeıdi.
12. Aýdandyq (qalalyq) komıssııaǵa usynylǵan qujattar qaıtarylmaıdy.
13. Uıymdastyrýshylar:
1) barlyq úmitkerlerge teń jaǵdaıdy;
2) jeke qupııa bolyp tabylatyn aqparattyń jasyryn bolýyn;
3) konkýrs nátıjeleri týraly málimetterdiń resmı jarııalanatyn kúninen buryn taralyp ketpeýin qamtamasyz etedi.
14. Aýdandyq (qalalyq) komıssııa alynǵan aqparatty jan-jaqty teksergennen keıin aýdandar (qalalar) ákimderimen kelisilgen eki qatysýshynyń (otbasynyń) konkýrstyq materıaldaryn 15 mamyrǵa deıin óńirlik komıssııalarǵa jiberedi.
15. О́ńirlik komıssııalar bir úzdik otbasyn iriktep alady, qajet bolǵan jaǵdaıda usynylǵan materıaldarǵa qosymsha tekserý júrgizip, Astana, Almaty qalalarynyń jáne oblystardyń ákimderimen kelisilgen óz sheshimderin osy Qaǵıdalardyń 10-tarmaǵynda kózdelgen qujattar toptamasymen birge, jyl saıyn 30 mamyrǵa deıin «Mereıli otbasy» ulttyq konkýrsynyń laýreaty ataǵyn berý jónindegi komıssııaǵa (budan ári - komıssııa) jiberedi.
16. О́ńirlik jáne aýdandyq komıssııalar úzdik otbasylardy aıqyndaý týraly sheshim qabyldaý kezinde mynadaı krıterıılerdi basshylyqqa alady:
1) otbasy músheleri jetistikteriniń sany men mańyzy (otbasy tarıhy vızıt kartochkasy - tanystyrý rásimi);
2) otbasylyq dástúrler jáne jádigerler;
3) otbasynyń rýhanı-adamgershilik kundylyqtary;
4) balalarynyń jetistikteri;
5) ata-analarynyń úlgi tutarlyqtaı jetistikteri;
6) ózderiniń shyqqan tegin bilýi (shejire - rý tarıhy);
7) otbasy quramy (otbasy múshelerin sany – bir aýmaqta birge turyp jatqan birneshe urpaqtyń ókilderi);
8) otbasynyń daryndary;
9) otbasynyń ómir súrý salty (salamatty ómir salty, bos ýaqyty jáne t.b.);
10) otbasynyń qoǵamdaǵy bedeli.
17. Komıssııa óńirlik komıssııalardyń usynystaryn alqaly túrde qaraǵannan keıin 10 kún ishinde laýreat ataǵyna úmitker otbasylar týraly baǵdarlamalar sıklyn ázirleý úshin materıaldardy Ulttyq telearnaǵa joldaıdy.
18. Jeńimpazdardy irikteýge sms-habarlamalar jáne ınternet-resýrs arqyly ınteraktıvti daýys berý jolymen eldiń barlyq turǵyndary belsendi túrde qatysady.
Interaktıvti daýys berý 10 tamyzdan bastalady jáne 5 qyrkúıekte aıaqtalady.
19. Komıssııa ınteraktıvi daýys berýdiń qorytyndysy boıynsha konkýrs jeńimpazyn aıqyndaıdy.
20. Kórermenderdiń basym kópshiligi daýys bergen otbasyǵa «Mereıli otbasy» laýreaty ataǵy, dıplom men erekshelik belgisi (músinshe) beriledi.
21. Konkýrs laýreatyn marapattaý rásimi jyl saıyn saltanatty túrde ótkiziledi.
22. Konkýrsqa qatysýshylar týraly aqparat óńirlik jáne respýblıkalyq buqaralyq aqparat quraldarynda, sondaı-aq konkýrsty uıymdastyrýshylardyń ınternet-resýrstarynda ornalastyrylady.
23. Konkýrs laýreaty ataǵyn qaıtalap berýge jol berilmeıdi.
3. Uıymdastyrý komıtetiniń mindetteri
24. Uıymdastyrý komıteti uıymdastyrýshylyq, tehnıkalyq, qarjylyq, shyǵarmashylyq máselelerdi, is-qımyldardy nemese konkýrsty daıyndaý jáne ótkizý boıynsha jumys baǵyttaryn kelisý máselelerin pysyqtaıdy, sondaı-aq Uıymdastyrý komıteti músheleriniń usynystaryn, qoǵamdyq bastamalardy qaraıdy.
Uıymdastyrý komıtetiniń mindetterine mynalar jatady:
1) konkýrstyń bastalýy týraly kópshilikke jarııalaý;
2) konkýrstyń irikteý aınalymyna daıyndyq jáne ony ótkizý boıynsha uıymdastyrý jumysyn úılestirý;
3) konkýrstyń ımıdjdin jarnamalyq naýqanyn bekitý;
4) konkýrstyń barlyq kezeńderine daıyndyqty jáne ótkizýdi úılestirý;
5) BAQ-pen jumys;
6) konkýrs baǵdarlamasyna ózgerister engizý;
7) óńirlerdegi konkýrstyń irikteý aınalymdaryn ótkizý qorytyndylary týraly jergilikti atqarýshy organdardyń esepterin tyńdaý;
8) konkýrstyń fınaldyq aınalymyna qatysýǵa ótinimderdi jınaý, ótinimderdi rásimdeý men berilýiniń konkýrs talaptary men sharttaryna sáıkestigin tekserý;
9) aldyn ala qaraý úshin ótinimderdi óńdeý;
10)konkýrstyń qazylar alqasynyń quramyn qurý jáne onyń qyzmetin úılestirý;
11) konkýrstyń fınaldyq aınalymyn, konkýrs nomınanttaryn saltanatty túrde marapattaý rásimin baqylaý, uıymdastyrý jáne ótkizý.
«Mereıli otbasy» ulttyq konkýrsyn ótkizý qaǵıdalaryna qosymsha
«Mereıli otbasy» ulttyq konkýrsyna qatysýǵa arnalǵan ótinim
Otaǵasynyń (ákesiniń nemese anasynyń) derekteri:
1. T.A.Á.____________________________________________________
2. Jasy _____________________________________________________
3. Bilim Jynysy _____________________________________________
4. Jumysy __________________________________________________
5. Turǵylyqty mekeni ________________________________________
6. Otbasy quramy týraly málimetter ___________________________
7. Otbasynyń (nemese otbasy músheleriniń) nemen jaqsy ataǵy shyqqan
_________________________________________________________
8. Nagradalarynyń, marapattarynyń bolýy men túrleri ___________
9. Otbasynyń árbir múshesiniń derekteri:
10. T.A.Á____________________________________________________
11. Jasy ____________________________________________________
12. Bilimi ___________________________________________________
13. Jumysy _________________________________________________
14. Turǵylyqty jeri (mekenjaıy jáne tel.)______________________
15. Otbasy túri (2-,3-,4-urpaq jáne t.s.s)_________________________
16. Otbasyndaǵy balalardy tárbıeleý ereksheligi _________________
17. Ata-ananyń qandaı qasıeti tárbıege negiz bolady______________
18. Otbasynda qandaı otbasylyq dástúrler saqtalǵan_____________
____________________________________________________________
19. Otbasylyq qatynastar qandaı qaǵıdattarǵa súıenedi __________
____________________________________________________________
20. Ustazdardyń, pedagogtardyń, tárbıeshilerdiń yqpaly___________
____________________________________________________________
21. Otbasy ómirinen qyzyqty oqıǵalar__________________________
____________________________________________________________
22. Otbasylyq fotosýret (elektrondyq nusqasymen birge).
____________________________________________________________
Qoly
Kúni