2013 jylǵy 30 qarasha, Astana qalasy
Qazaqstan Respýblıkasynyń Memlekettik shekarasy arqyly adamdardy, kólik quraldaryn, júkterdi jáne taýarlardy ótkizý pýnktterinde ótkizýdi uıymdastyrýdyń úlgilik shemalaryn bekitý týraly
«Qazaqstan Respýblıkasynyń Memlekettik shekarasy týraly» 2013 jylǵy 16 qańtardaǵy Qazaqstan Respýblıkasynyń Zańy 56-babynyń 42) tarmaqshasyna sáıkes buıyramyn:
1. Qosa berilip otyrǵan:
1) Qazaqstan Respýblıkasynyń Memlekettik shekarasy arqyly adamdardy, kólik quraldaryn, júkterdi jáne taýarlardy áýe (avıasııalyq) ótkizý pýnktterinde ótkizýdi uıymdastyrýdyń úlgilik shemasy;
2) Qazaqstan Respýblıkasynyń Memlekettik shekarasy arqyly adamdardy, kólik quraldaryn, júkterdi jáne taýarlardy avtomobıl ótkizý pýnktterinde ótkizýdi uıymdastyrýdyń úlgilik shemasy;
3) Qazaqstan Respýblıkasynyń Memlekettik shekarasy arqyly temirjol ótkizý pýnktterinde (ári qaraı - Úlgi shemasy) adamdardyń, kólik quraldarynyń, júkter men taýarlardyń ótkizilýin uıymdastyrýdyń úlgilik shemasy;
4) Qazaqstan Respýblıkasynyń Memlekettik shekarasy arqyly teńiz (ózen) ótkizý pýnktterinde adamdardy, kólik quraldaryn, júkterdi jáne taýarlardy ótkizýdi uıymdastyrýdyń úlgilik shemasy bekitilsin.
2. Qazaqstan Respýblıkasy Ulttyq qaýipsizdik komıtetiniń Shekara qyzmeti osy buıryqtyń zańnamada belgilengen tártipte Qazaqstan Respýblıkasy Ádilet mınıstrliginde memlekettik tirkelýin jáne resmı jarııalanýyn qamtamasyz etsin.
3. Osy buıryq ol alǵashqy resmı jarııalanǵan kúninen bastap qoldanysqa engiziledi.
Tóraǵasy N.ÁBIQAEV.
KELISILDI
Qazaqstan Respýblıkasynyń
Kólik jáne kommýnıkasııa mınıstri
A.JUMAǴALIEV.
2013 jylǵy 3 jeltoqsan
KELISILDI
Qazaqstan Respýblıkasynyń
Qarjy mınıstri
B.SULTANOV.
2013 jylǵy 5 jeltoqsan
Qazaqstan Respýblıkasy Ulttyq qaýipsizdik komıteti Tóraǵasynyń 2013 jylǵy 30 qarashadaǵy
№504 buıryǵymen bekitilgen
Qazaqstan Respýblıkasynyń Memlekettik shekarasy arqyly adamdardy, kólik quraldaryn, júkterdi jáne taýarlardy áýe (avıasııalyq) ótkizý pýnktterinde ótkizýdi uıymdastyrýdyń
ÚLGILIK SHEMASY
1. Jalpy erejeler
1. Osy Qazaqstan Respýblıkasynyń Memlekettik shekarasy arqyly adamdardy, kólik quraldaryn, júkterdi jáne taýarlardy áýe (avıasııalyq) ótkizý pýnktterinde ótkizýdi uıymdastyrýdyń úlgilik shemasy (budan ári – Úlgilik shema) baqylaýshy organdar bólimsheleriniń (budan ári – baqylaýshy organdar) Qazaqstan Respýblıkasynyń Memlekettik shekarasyn (budan ári – Memlekettik shekara) áýe (avıasııalyq) ótkizý pýnktterinen (budan ári – ótkizý pýnktteri) kesip ótetin adamdarǵa, áýe kemelerine, júkter men taýarlarǵa qatysty shekaralyq, kedendik, sanıtarlyq-karantındik, karantındik fıtosanıtarlyq, memlekettik veterınarlyq-sanıtarlyq baqylaýdy jáne/nemese qadaǵalaýdy, sondaı-aq avıasııa qyzmetiniń is-qımylyn júzege asyrý kezinde ótkizýdi uıymdastyrýdy aıqyndaıdy.
2. Baqylaý operasııalaryn ótkizý ornyna belgilengen ýaqytqa deıin baqylaýshy organdardyń laýazymdy tulǵalarynyń ýaqytyly kelýin qamtamasyz etetin áýejaı (áýeaılaq) dıspetcherlik qyzmeti baqylaýshy organdarǵa áýe kemeleriniń turaqty (áýe kemesiniń qozǵalys kestesi boıynsha) reısterin jáne áýe kemesiniń turaqty emes (áýe kemesiniń qozǵalys kestesinen tys) reısterin esepke ala otyryp, táýliktik jospardy usynady.
Áýe kemesiniń táýliktik ushý josparyndaǵy barlyq ózgerister týraly áýejaı (áýeaılaq) dıspetcherlik qyzmeti baqylaýshy organdarǵa tez arada habarlaıdy.
3. Áýe kemesin baqylaýdyń shekaralyq, kedendik jáne basqa da túrleri Qazaqstan Respýblıkasy Ulttyq qaýipsizdik komıtetiniń Shekara qyzmetiniń bólimshesi (budan ári – shekaralyq baqylaý bólimshesi) shekaralyq baqylaý bólimshesiniń kelisimi boıynsha áýejaı ákimshiligi belgilegen áýe kemeleriniń turaǵynda júzege asyrylady.
Shetelge baratyn áýe kemesi ushý úshin qozǵalysty, ıaǵnı turaq ornyn tek shekaralyq baqylaý bólimshesiniń ruqsatymen aýystyrady.
4. Áýe kemesin tekserýdi shekaralyq jáne kedendik baqylaý bólimsheleriniń laýazymdy tulǵalary ınjenerlik-avıasııalyq qyzmet (ekıpaj músheleri) ókilderiniń qatysýymen júzege asyrady.
5. Áýe kemesiniń jolaýshylary men ekıpaj múshelerin baqylaýdyń shekaralyq, kedendik jáne basqa túrleri ótkizý pýnktiniń arnaıy jabdyqtalǵan úı-jaılarynda, sondaı-aq áýe kemesiniń bortynda (basqyshynda) basqyshynda júzege asyrylady.
6. Júkter men taýarlardy baqylaýdyń shekaralyq, kedendik jáne basqa túrleri ótkizý pýnktiniń tıeý-júk túsirýge arnalǵan jabdyqpen jabdyqtalǵan, sonyń ishinde arnaıy jabdyqtalǵan úı-jaılary men alańdarynda júzege asyrylady.
7. Árbir áýe (avıasııalyq) ótkizý pýnktterinde onyń erekshelikterine baılanysty (sanattary, synyptary, ınfraqurylymynyń jáne tehnıkalyq jaraqtanýynyń damýy, jyl ýaqyty) Úlgilik shemanyń negizinde baqylaý organdary basshylarynyń jáne áýejaı ákimshiliginiń birlesken sheshimimen Memlekettik shekara arqyly adamdardy, kólik quraldaryn, júkter men taýarlardy ótkizýdi uıymdastyrý shemasy (budan ári – ótkizýdi uıymdastyrý shemasy) ázirlenedi jáne bekitiledi.
8. О́tkizý pýnktindegi rejımdi shekaralyq narıad avıasııalyq qaýipsizdik qyzmeti jáne kedendik baqylaý bólimshesiniń laýazymdy tulǵalarymen ózara is-qımyl jasaý arqyly qamtamasyz etedi.
О́tkizý pýnktiniń kedendik baqylaý aımaǵynda kedendik baqylaý bólimshesiniń laýazymdy tulǵalary Keden odaǵynyń jáne Qazaqstan Respýblıkasynyń kedendik zańnamasyna sáıkes rejımdik shekteý engizedi.
Baqylaý aýmaǵynda shetelge baratyn jolaýshylardy tirkeýdi bastaýdan otyz mınýt buryn shekaralyq jáne kedendik baqylaý bólimsheleriniń laýazymdy tulǵalary AQQ qyzmetkerlerin qatystyra otyryp, rejımdik is-sharalardy júzege asyrady. Osy is-sharalar aıaqtalǵanǵa deıin baqylaýdy júzege asyrýǵa nemese jolaýshylarǵa qyzmet kórsetýge qatyspaıtyn barlyq adamdar shyǵarylady, kútý zalyna kirýge múmkindik týdyratyn barlyq kireberister jabylady, tek shekaralyq narıadtardyń qatysýymen jáne olardyń ruqsatymen ashylady jáne jabylady.
Kútý zalynda baqylaýdy, sondaı-aq jolaýshylardy baqylaýdy shekaralyq narıadtar jáne kedendik baqylaý bólimshesiniń jedel qyzmetkerleri júzege asyrady.
2. Qazaqstan Respýblıkasynda áýe kemelerine adamdardyń, júkter men taýarlardyń kelýi kezinde avıasııalyq qyzmet pen baqylaýshy organdarynyń is-qımyldary
9. Baqylaýshy organdary laýazymdy tulǵalarynyń jáne avıasııalyq qyzmetter qyzmetkerleriniń áýe kemesiniń ketýi kezindegi is-qımyldary:
1) áýejaıdyń (áýeaılaqtyń) dıspetcherlik qyzmeti reıs nómiri, áýe kemesiniń túri, borttyq nómiri men jolaýshylardyń sanyn (jolaýshylardyń tizimin) jáne olardyń bagajdary týraly málimetter kórsetilgen áýe kemesiniń ushýy týraly habarlama (telefondyq habarlama, jedelhat, basqa da habarlamalar) alǵannan keıin bul týraly baqylaýshy organdarǵa habarlaıdy;
2) áýe kemesiniń qoný ýaqytynyń esebi týraly málimet alǵannan keıin baqylaýshy organdardyń laýazymdy tulǵalary áýe kemesiniń turaǵyna ýaqytynan buryn keledi;
3) áýe kemesin turaqqa qondyrý sátinen bastap shekaralyq narıadtar olardy baqylaýdy júzege asyrady. Áýe kemesiniń kelý turaǵynda qosymsha shekteý rejımderi qoıylady. Áýe kemesine adamdardyń kelýine shekaralyq, kedendik jáne basqa da túrli baqylaýlar júzege asyrý kezinde shekteý qoıylady, qajet bolǵan jaǵdaıda – tyıym salynady;
4) Memlekettik shekara arqyly adamdardy jáne júkterdi tasymaldaý kezinde júkterdiń sanıtarlyq-karantındik jaǵdaıy jáne adamdardyń densaýlyq jaǵdaıynyń nasharlaý qaýipi bolǵan jaǵdaıda ekıpajdyń ótinimi boıynsha sanıtarlyq-epıdemıologııalyq qadaǵalaý bólimshesiniń laýazymdy tulǵalary birinshi bolyp áýe kemesiniń bortyna kóteriledi, sanıtarlyq-epıdemıologııalyq jaǵdaıdy baǵalaıdy jáne óziniń quzireti sheginde áýe kemesin qabyldaý nemese sanıtarlyq-karantındik baqylaý boıynsha basqa is-qımyldardy júzege asyrý qajettiligi boıynsha sheshim qabyldaıdy;
5) baqylaýshy organdardyń laýazymdy tulǵalary áýe kemesiniń ekıpajyna shekaralyq, kedendik jáne basqa baqylaýlardy júzege asyrýǵa qatysty saýaldar júrgizedi;
6) áýe kemesiniń ekıpajy baqylaýshy organdardyń laýazymdy tulǵalaryna baqylaýdy júzege asyrý úshin qajetti qujattardy beredi:
azamattyq avıasııa salasyndaǵy halyqaralyq sharttarda kózdelgen tasymaldaýshynyń qujaty (bas deklarasııa);
áýe kemesiniń bortynda tasymaldanatyn júkter men taýarlar týraly málimetter qamtylǵan qujat (júk vedomosi);
bort kerek-jaraqtary týraly málimetter qamtylǵan qujat;
kólik (tasymaldaý) qujattary;
tasymaldanatyn júkterge jáne taýarlarǵa arnalǵan tasymaldaýshyda bar kommersııalyq qujattar;
bortta tasymaldanatyn jolaýshylar jáne olardyń bagajy týraly málimetter bar qujat (jolaýshy vedomosy);
Qazaqstan Respýblıkasymen ratıfıkasııalanǵan Dúnıejúzilik poshta odaǵynyń hattamalarymen aıqyndalǵan, halyqaralyq poshta jóneltimderin tasymaldaý kezinde olarmen ilesip júretin qujat;
joǵary fıtosanıtarlyq qaýipi bar karantınge túsken ónimge ruqsat beretin karantındik fıtosanıtarlyq qujat, eger bul ónim ekıpaj ben áýe kólik quraldary jolaýshylarynyń azyqtandyrý úshin arnalmaǵan bolsa jáne áýe kemesiniń bortynan shyǵýy múmkin bolsa.
Sonymen qatar áýe kemesiniń komandıri kelesi málimetterdi usynady:
ekıpaj múshelerindegi Keden odaǵyna múshe memleketterdiń valıýtasyn jáne valıýtalyq qundylyqtaryn qosa alǵanda, keme bortynda Keden odaǵynyń kedendik aýmaǵyna ákelýge tyıym salynǵan nemese shekteý qoıylǵan, quramynda esirtki, qatty áser etetin quraldar, psıhotroptyq jáne ýly zattar bar dárilik quraldardyń, qarý-jaraqtyń, oq-dárilerdiń bolýy (bolmaýy) týraly;
7) shekaralyq narıad basshysy baqylaýshy organdar laýazymdy tulǵalarynyń kelisimi boıynsha áýe kemesine kelgen adamdardyń túsýine, júkter men taýarlardy túsirýge ruqsat beredi;
8) áýe kemesine kelgen adamdardy, júkter men taýarlardy túsirgennen keıin shekaralyq baqylaý jáne kedendik bólimsheleriniń laýazymdy tulǵalary ınjenerlik-avııasııalyq qyzmet ókilderiniń (ekıpaj músheleri) qatysýymen áýe kemesin birlese qarap tekserýdi júzege asyrady;
9) áýe kemesin qarap tekserýdi aıaqtaǵannan keıin turaqtaǵy qosymsha rejımdik shekteý alynyp tastalynady;
10) kelgen adamdardy áýe kemesiniń turaǵynan baqylaý ornyna tasymaldaý, shekaralyq narıadtardyń baqylaýymen nemese erip júrýimen júzege asyrylady.
10. Shekaralyq narıad kelgen adamdardyń memlekettik shekaradan ótý quqyǵyna arnalǵan qujattaryn tekserýdi aerovokzaldyq keshenderdegi pasporttyq baqylaý kabınalarynda nemese arnaıy jabdyqtalǵan jaılarda júzege asyrady. Áýe kemeleri ekıpajy men jolaýshylarynyń, sondaı-aq áýe kemesiniń bortyna alyp kelgen múgedekter men aýyr naýqastardyń qujattaryn tekserý belgilengen oryndarda nemese áýe kemesiniń bortynda (áýe kemesiniń basqyshynda) júzege asyrylady.
Shekaralyq baqylaý bólimshesi Memlekettik shekarany bir ýaqytta kesip ótetin adamdardyń sanyn eskere otyryp, barynsha kóp pasporttyq baqylaý kabınalarynyń jumys isteýine shara qoldanady.
11. Jolaýshyǵa Qazaqstan Respýblıkasynyń «Halyqtyń kóshi-qony týraly» Zańynda belgilengen shekteýlerine sáıkes Qazaqstan Respýblıkasyna kirýge ruqsat berilmegen jaǵdaıda, shekaralyq narıadynyń basshysy áýejaı jolaýshylar tasymalyn uıymdastyrý qyzmetiniń (odan ári – JTUQ) agentine nemese avıakompanııa ókiline aqparat beredi.
JTUQ agenti (avıakompanııa ókili) atalǵan jolaýshyny keri reıspen deportasııalaýǵa nemese ony keıin deportasııalaýǵa deıin ornalastyrýǵa shara qoldanady.
12. Dıplomatııalyq, qyzmettik tólqujat ıeleri, bıznes-klass jolaýshylary, múmkúndikteri shekteýli jolaýshylar, ÁK ekıpajy, «FAST TRACK» stıkerimen belgilengen, arnaıy bólingen pasporttyq baqylaý kabınasy arqyly ótkiziledi.
13. Kedendik odaqqa qatysýshy memleketterdiń azamattary «KEDENDIK ODAQQA QATYSÝShY MEMLEKETTERDIŃ AZAMATTARY ÚShIN» degen stıkermen belgilengen arnaıy bólingen pasporttyq baqylaý kabınalarynan, eger osyndaı adamdardyń sany kóp bolǵan jaǵdaıda – bos pasporttyq baqylaý kabınalary da arqyly ótkiziledi.
Áýe kemeleriniń ekıpaj músheleri Memlekettik shekara arqyly Qazaqstan Respýblıkasyna kirýge jáne Qazaqstan Respýblıkasynan shyǵýǵa quqyq beretin qujattary boıynsha, sondaı-aq avıakompanııa ókiline (JTUQ agenti) ýaqytynan buryn usynylatyn ushý tapsyrmasynyń kóshirmesine (bas deklarasııana) sáıkes ótkiziledi.
14. Shekaralyq baqylaý bólimsheleri Memlekettik shekara buzýshysyn anyqtaý jáne ustaý maqsatynda júkter men taýarlardyń tekserip qaraýyn júrgizedi. Júkterdi jáne taýarlardy tekserip qaraý kedendik baqylaý bólimshesimen birlese otyryp, shekaralyq baqylaý bólimshesi júrgizedi jáne áýe kemesiniń turaǵynda olardy túsirý kezinde nemese Keden odaǵy men Qazaqstan Respýblıkasynyń kedendik zańnamasynda belgilengen oryndarda júzege asyrady.
15. Kelgen adamdardy, júkterdi kedendik jáne radıasııalyq baqylaý ótkizý pýnktiniń arnaıy jabdyqtalǵan úı-jaılarynda júrgiziledi, onda kelgen adamdardyń, júkterdiń Qazaqstan Respýblıkasynyń kedendik zańnamalarynyń talaptaryna sáıkestigine qujattaryn tekserý júzege asyrylady.
Kedendik baqylaý bólimshesiniń laýazymdy tulǵalary qujattardaǵy málimetterdiń rastyǵyn tekseredi jáne shekaralyq baqylaý bólimshesimen birlese otyryp (qajet bolǵanda), kelgen júkter men taýarlardy qarap tekserýdi júrgizedi.
Kedendik baqylaý barysynda kelgen adamdardyń qol júginde nemese bagajynda kishi úı janýarlary, janýarlardan alynatyn ónimder men shıkizat nemese karantınge túsken ónimder anyqtalǵan jaǵdaıda, karantındik fıtosanıtarlyq baqylaýdy jáne qadaǵalaýdy nemese veterınarlyq-sanıtarlyq baqylaýdy jáne qadaǵalaýdy bólimsheleriniń laýazymdy adamdary tıisti tekserýdi júzege asyrady.
3. Qazaqstan Respýblıkasynan áýe kemesinde adamdardyń, júkter men taýarlardyń ketýi kezinde baqylaýshy organdar men avıasııalyq qyzmetterdiń is-qımyldary
16. Avıasııalyq qyzmet qyzmetkerleriniń jáne baqylaýshy organdar laýazymdy tulǵalarynyń turaqta jáne áýe kemesiniń bortynda júzege asyratyn is-qımyly:
1) áýe kemesiniń ushýǵa tehnıkalyq daıyndyǵy barysynda, áýejaıdyń (áýeaılaqtyń) óndiristik-dıspetcherlik qyzmeti ushýǵa deıin úsh saǵat buryn baqylaýshy organdaryna reıstiń nómirin, áýe kemesiniń túrin, bort nómirin, jiberý ýaqytyn, baratyn áýejaıdy, turaq nómirin kórsete otyryp, áýe kemesiniń tıelýge daıyn ekendigi týraly habarlaıdy;
2) baqylaýshy organdardyń laýazymdy tulǵalary áýe kemesine tıeýge daıyn ekendigi týraly habar alǵan soń áýe kemesiniń turaǵyna keledi.
Ketetin áýe kemesiniń turaǵynda jáne shekaralyq, kedendik jáne ózge de baqylaý túrleri júzege asyrylatyn úı-jaılarda qosymsha rejımdik shekteýler qoıylady.
Áýe kemesine adamdardyń kelýine shekaralyq jáne ózge de baqylaý túrlerin júzege asyrý kezeńinde shekteý qoıylady, qajet bolǵan jaǵdaıda - tyıym salynady;
3) baqylaýshy organdardyń laýazymdy tulǵalary áýe kemesiniń komandırine shekaralyq, kedendik jáne basqa baqylaýlardy júzege asyrýǵa qatysty saýaldar júrgizedi;
4) áýe kemesiniń komandıri baqylaýshy organdardyń laýazymdy adamdaryna memlekettik baqylaýdy júzege asyrý úshin qajetti qujattardy beredi;
5) baqylaýshy organdardyń laýazymdy tulǵalary áýe kemesin birlesip tekserýdi ınjenerlik-avıasııalyq qyzmet (ekıpaj músheleri) ókilderiniń qatysýymen júzege asyrady;
6) shetelge baratyn jolaýshylardy tirkeý, áýe kemesi ushpastan buryn aldyn ala shetelge baratyn áýe kemesin belgilengen resimdeý reglamentine sáıkes bastalady. Jolaýshylardy tirkeý bastalǵanda kedendik baqylaý tirekteri jáne pasporttyq baqylaý kabınalary jumys isteýdi bastaıdy. Bir ýaqytta jumys isteıtin kedendik baqylaý tirekteri men pasporttyq baqylaý kabınalarynyń sany jolaýshylar aǵynynyń qarqyndylyǵyna sáıkes kelýi jáne kezekter boldyrmaýy kerek;
7) shekaralyq narıadtarynyń aýysym basshysy ketetin áýe kemesine adamdardy (budan ári – ketetin adamdar) otyrǵyzýǵa jáne kedendik baqylaý bólimshesi laýazymdy tulǵalarynyń kelisimi boıynsha taýarlar men júkterdi tıeýge ruqsat beredi. Áýe kemesiniń bortyna adamdardy otyrǵyzý aıaqtalǵan soń, shekaralyq narıadtarynyń aýysym basshysy borttaǵy adamdardy shekaralyq baqylaýdan ótkenderdiń sanymen salystyrýdy júzege asyrady.
17. Adamdarǵa, júkter men taýarlarǵa shekaralyq, kedendik jáne basqa da baqylaýlardy júzege asyrý boıynsha baqylaýshy organdar laýazymdy tulǵalarynyń is-qımyly:
1) shekaralyq narıad ketetin adamdardyń Qazaqstan Respýblıkasyna kirýge quqyq beretin qujattaryn tekserýdi pasporttyq baqylaý kabınalarynda, arnaıy jabdyqtalǵan jaılarda júzege asyrady. Áýe kemeleriniń ekıpajy men jolaýshylarynyń, sondaı-aq áýe kemesiniń bortyna alyp kelgen múgedekter men aýyr naýqastardyń qujattaryn tekserý belgilengen oryndarda nemese áýe kemesiniń bortynda (áýe kemesiniń basqyshynda) júzege asyrylady;
2) olarǵa qatysty zańdy shekteý qoıylǵan adamdar Memlekettik shekara arqyly ótkizilmeıdi. Memlekettik shekara arqyly ótkizbeý faktisi boıynsha shekaralyq narıadynyń aýysym basshysy avıakompanııa ókiline nemese JTUQ agentine bagajdy ýaqytyly túsirý jáne jolaýshylar manıfestine ózgerister engizý maqsatynda atalǵan jolaýshylar sanatynyń áýe kemesinde ushýy múmkin emestigi týraly aqparat beredi.
Shyndyǵy kúmán keltiretin qujattar, arnaıy tehnıkalyq quraldardy paıdalana otyryp tereńdetilgen tekserý rásiminen ótedi. Qujattardy tereńdetilgen tekserýden ótkizý ýaqyty týraly avıakompanııa ókiline nemese JTUQ agentine habarlanady;
3) dıplomatııalyq, qyzmettik tólqujat ıeleri, bıznes-klass jolaýshylary, múmkindikteri shekteýli jolaýshylar, áýe kemesiniń ekıpajdary «FAST TRACK» stıkerimen belgilengen arnaıy bólingen pasporttyq baqylaý kabınasy arqyly ótkiziledi.
Áýe kemeleriniń ekıpaj músheleri Qazaqstan Respýblıkasyna kirýge jáne Qazaqstan Respýblıkasynan shyǵýǵa quqyq beretin qujattary boıynsha, sondaı-aq avıakompanııa ókiline (JTUQ agenti) ýaqytynan buryn usynylatyn ushý tapsyrmasynyń kóshirmesine (bas deklarasııasyna) sáıkes ótkiziledi;
4) adamdar men bagajdarǵa kedendik jáne radıasııalyq baqylaý ketetin adamdardyń avıabıletterin tirkeý, bagaj ben qol júgin resimdeý aıaqtalǵannan keıin júzege asyrylady. Júkterdi baqylaýdy kedendik baqylaý bólimshesi shekaralyq baqylaý bólimshesimen ózara is-qımylda olardy tıeýge deıin nemese áýe kemesine tıeý ýaqytynda júzege asyrylady. Kedendik baqylaý barysynda kelgen adamdardyń qol júginde nemese bagajynda kishi úı janýarlary, janýarlardan alynatyn ónimder men shıkizat nemese karantınge túsken ónimder anyqtalǵan jaǵdaıda, karantındik fıtosanıtarlyq baqylaýdy jáne qadaǵalaýdy nemese veterınarlyq-sanıtarlyq baqylaýdy jáne qadaǵalaýdy bólimsheleriniń laýazymdy adamdary tekserýdi júzege asyrady;
5) ketetin adamdardy aerovokzal ǵımaratynan áýe kemesiniń turaǵyna deıin tasymaldaý shekaralyq narıadynyń baqylaýymen nemese alyp júrýimen júzege asyrylady.
18. Basqyshty aıdap áketý jáne áýe kemesin jabý shekaralyq narıady jetekshisiniń ruqsatymen júrgiziledi.
Áýe kemesi jabylǵannan jáne basqyshty alyp ketkennen keıin onyń ushýyna deıin (óz betimen qozǵalýy aldynda) shekaralyq narıad ony qadaǵalaýdy júzege asyrady.
Áýe kemesi ketkennen keıin engizilgen qosymsha rejımdik shekteýler alynyp tastalady.
19. Qazaqstan Respýblıkasynyń aýmaǵyna kirýge quqyǵy joq tranzıttik jáne transferttik jolaýshylar baratyn memleketke kirý quqyǵyna tıisti túrde resimdelgen qujattary jáne Qazaqstan Respýblıkasynyń aýmaǵyndaǵy qaıta otyrǵyzý áýejaıynan ushý kúnin rastaıtyn avıabıletteri bar bolǵan jaǵdaıda áýejaıdyń tranzıttik zalynda nemese áýejaı qonaqúıiniń vızasyz (baqylanatyn) aımaǵynda ornalastyrylady. Atalǵan adamdardyń Qazaqstan Respýblıkasynan aýmaǵynan óz ýaqytynda ketýin tasymaldaýshy men áýejaıdyń tranzıt qyzmeti qamtamasyz etedi.
Qazaqstan Respýblıkasy Ulttyq qaýipsizdik komıteti Tóraǵasynyń 2013 jylǵy 30 qarashadaǵy
№504 buıryǵymen bekitilgen
Qazaqstan Respýblıkasynyń Memlekettik shekarasy arqyly adamdardy, kólik quraldaryn, júkterdi jáne taýarlardy avtomobıl ótkizý pýnktterinde ótkizýdi uıymdastyrýdyń
úlgilik shemasy
1. Jalpy erejeler
1. Osy Qazaqstan Respýblıkasynyń Memlekettik shekarasy arqyly adamdardy, kólik quraldaryn, júkterdi jáne taýarlardy avtomobıl ótkizý pýnktterinde ótkizýdi uıymdastyrýdyń úlgilik shemasy (budan ári – Úlgilik shema) baqylaýshy organdar bólimsheleriniń (budan ári – baqylaýshy organdar) Qazaqstan Respýblıkasynyń Memlekettik shekarasyn (budan ári – Memlekettik shekara) avtomobılldik ótkizý pýnktterinen (budan ári – ótkizý pýnktteri) kesip ótetin adamdarǵa, kólik quraldaryna, júkter men taýarlarǵa qatysty shekaralyq, kedendik, sanıtarlyq-karantındik, karantındik fıtosanıtarlyq, memlekettik veterınarlyq-sanıtarlyq baqylaýdy jáne/nemese qadaǵalaýdy júzege asyrýy kezinde ótkizýdi uıymdastyrý shemasyn aıqyndaıdy.
2. Baqylaýshy organdar qyzmetti úılestirý jolymen baqylaýdy ótkizý ýaqytyn barynsha azaıtýǵa jáne baqylaý operasııalaryn ótkizýge berilgen ýaqytty negizsiz sozýǵa jol bermeý boıynsha sharalardy qabyldaıdy.
3. Kólik quraldaryn tekserip qaraýdy ótkizý pýnktiniń tekserý alańynda Qazaqstan Respýblıkasy Ulttyq qaýipsizdik komıteti Shekara qyzmetiniń shekaralyq baqylaý bólimshesimen (budan ári – shekaralyq baqylaý bólimshesi), adamdardyń, kólik quraldarynyń, júkter men taýarlardyń Memlekettik shekara buzýshylardy anyqtaý jáne ustaý maqsatynda júrgiziledi.
4. Keden isteri salasyndaǵy quqyq buzýshylyqtar (qylmystar) faktilerin anyqtaý jáne Keden odaǵynyń kedendik shekarasy arqyly ótetin taýarlar men kólik quraldaryna kedendik baqylaýdy júzege asyrýda onyń ótkizý ýaqytyn qysqartý, kedendik baqylaýdyń tıimdiligin arttyrý maqsatynda ınspeksııalyq tekserip qaraý kesheni qoldanylady.
Kedendik baqylaý bólimshesi paıdalanatyn ınspeksııalyq tekserip qaraý keshenimen jaraqtandyrylǵan ótkizý pýnktterinde shekaralyq baqylaý bólimshesi olardy qoldanýmen qarap tekserý nátıjelerin moıyndaıdy.
Jeke jaǵdaılarda kólik quraldaryn, júk jáne taýarlardy tekserý shekaralyq jáne kedendik baqylaý bólimshelerimen birlesip júrgiziledi.
5. Árbir avtomobıl ótkizý pýnktterinde onyń erekshelikterine baılanysty (sanattary, synyptary, ınfraqurylymynyń jáne tehnıkalyq jaraqtanýynyń damýy, Memlekettik shekara syzyǵynan qashyqtyǵy, jyl ýaqyty) Úlgilik shemanyń negizinde baqylaý organdary basshylarynyń birlesken sheshimimen Memlekettik shekara arqyly adamdardy, kólik quraldaryn, júkter men taýarlardy ótkizýdi uıymdastyrý shemasy (budan ári – ótkizýdi uıymdastyrý shemasy) ázirlenedi jáne bekitiledi.
О́tkizýdi uıymdastyrý shemasynda tıisti ótkizý pýnktiniń jergilikti jaǵdaıyn esepke ala otyryp memlekettik baqylaýdyń barlyq túrlerin júzege asyrýdyń uzaqtyǵy belgilenedi.
Kedendik jáne basqa da baqylaýshy organdary joq ótkizý pýnktterinde ótkizýdi uıymdastyrý shemasyn Qazaqstan Respýblıkasy Ulttyq qaýipsizdik komıteti Shekara qyzmetiniń qurama (bólim) komandıri bekitedi.
6. Qazaqstan Respýblıkasy ratıfıkasııalaǵan halyqaralyq sharttarǵa sáıkes jumys tártibi táýlik boıy emes ótkizý pýnktterinde kólik quraldarynyń jınalyp qalmaýyn boldyrmaý maqsatynda Memlekettik shekara arqyly ótkizýdi toqtatqannan keıin, ótkizý pýnktteriniń aýmaǵyndaǵy avtokólik quraldaryna qatysty kedendik operasııalardy júrgizý shekaralyq baqylaý bólimshesiniń kelisimi boıynsha ruqsat etiledi.
2. О́tkizý pýnkti aýmaǵyna adamdardyń, kólik quraldarynyń, taýarlar men júkterdiń kelýi kezinde baqylaýshy organdardyń is-qımyldary
7. Qazaqstan Respýblıkasynyń aýmaǵyna kiretin kólik quraldarynyń ótkizý pýnktterine kelýi kezinde baqylaýshy organdar mynadaı negizgi baqylaý operasııalaryn júzege asyrady:
1) shekaralyq baqylaý bólimshesi:
ótkizý pýnktine kirý kezinde kólik quraldaryn tirkeıdi;
avtokólik quraldarynda baratyn adamdardyń Qazaqstan Respýblıkasyna kirýine jáne Qazaqstan Respýblıkasynan shyǵýyna quqyq beretin qujattaryn tekseredi jáne shekaralyq baqylaý nátıjelerin aqparattyq júıege engizedi;
avtokólik quraldaryn qajet bolǵan kezde kedendik baqylaý bólimshesiniń laýazymdy tulǵalarymen birlesip tekserip qaraıdy;
adamdarǵa jáne kólik quraldaryna odan ári júrý quqyǵyn berý týraly sheshim qabyldaıdy;
2) kedendik baqylaý bólimshesi:
avtokólik quraldaryn esepke alý avtomattandyrylǵan júıesin qoldana otyryp, kólik quraldarynyń kirýin tirkeıdi;
radıasııalyq baqylaýdyń avtomattandyrylǵan júıesin jáne/nemese radıasııalyq baqylaýdyń aýyspaly tehnıkalyq quraldaryn qoldana otyryp, radıasııalyq baqylaýdy júzege asyrady;
kólik quraldary men taýarlardy kedendik resimdeıdi jáne kedendik baqylaýdy júzege asyrady;
avtokólik quraldaryn shekarlyq baqylaý bólimshesiniń laýazymdy tulǵalarymen birlese qarap tekseredi (qajet bolǵanda);
kóliktik baqylaý Qazaqstan Respýblıkasy zańnamasyna jáne Qazaqstan Respýblıkasymen ratıfıkasııalaǵan halyqaralyq kelisimderine sáıkes ruqsat qujattarynyń bar bolýy men qoldanylýyn tekserý arqyly, avtokólik quraldarynda baratyndardyń salmaqtyq jáne kólemdik parametrlerin qolda bar baqylaý júıesimen anyqtaý arqyly júzege asyrady;
sanıtarlyq-karantındik qadaǵalaý Qazaqstan Respýblıkasynyń zańnamasyna sáıkes júzege asady;
3) karantındik fıtosanıtarlyq baqylaý jáne qadaǵalaý, memlekettik veterınarlyq-sanıtarlyq baqylaý jáne qadaǵalaý Qazaqstan Respýblıkasymen jáne Qazaqstan Respýblıkasynyń zańnamasymen ratıfıkasııalanǵan karantındik fıtosanıtarlyq baqylaý jáne memlekettik veterınarlyq-sanıtarlyq baqylaıtyn men qadaǵalaıtyn bólimshelerimen júzege asyrylady.
Memlekettik shekaranyń qazaqstan-reseı ýchaskesindegi avtomobıl pýnktterinde tek shekaralyq baqylaý júzege asyrylady.
Barlyq belgilengen baqylaý túrlerin júrgizgennen keıin shekaralyq narıady ótkizý pýnktiniń aýmaǵynan kólik quraldaryn shyǵarýdy júzege asyrady.
8. Qazaqstan Respýblıkasynan adamdar men kólik quraldarynyń shyǵýy, taýarlar men júkterdiń shyǵarylýy kezinde baqylaýshy organdar is-qımyldarynyń dáıektiligi keri retpen belgilenedi.
9. Memlekettik shekara arqyly ótetin júk tasıtyn kólik quraldary men avtobýstarǵa, jaıaý júrginshi tulǵalarǵa qatysty baqylaýdy júzege asyrý boıynsha baqylaýshy organdardyń is-qımyldar birizdiligi árbir avtomobıldik ótkizý pýnkti úshin onyń erekshelegine sáıkes naqty anyqtalady.
Baqylaýdyń belgilengen túrleri ótkizý pýnktterinde aýyr naýqasty tasymaldaýǵa, jolaýshylardy turaqty tasymaldaýdy oryndaıtyn avtobýstarǵa, sondaı-aq janýarlardy, jyldam buzylatyn jáne qaýipti júkterdi tasymaldaý kezinde ótkizý pýnktterinde baqylaýdyń belgilengen túrleri Qazaqstan Respýblıkasymen ratıfıkasııalanǵan úkimetaralyq kelisimderdiń jáne Qazaqstan Respýblıkasynyń «Avtomobıldik kólik týraly» Zańynyń negizinde basymdylyq tártipte júzege asyrylady.
Qazaqstan Respýblıkasy Ulttyq qaýipsizdik komıteti Tóraǵasynyń 2013 jylǵy 30 qarashadaǵy
№504 buıryǵymen bekitilgen
Qazaqstan Respýblıkasynyń Memlekettik shekarasy arqyly adamdardy, kólik quraldaryn, júkterdi jáne taýarlardy temirjol ótkizý pýnktterinen ótkizýdi uıymdastyrýdyń
ÚLGILIK SHEMASY
1. Jalpy erejeler
1. Osy Qazaqstan Respýblıkasynyń Memlekettik shekarasy arqyly temirjol ótkizý pýnktterinde (ári qaraı - Úlgi shemasy) adamdardyń, kólik quraldarynyń, júkter men taýarlardyń ótkizilýin uıymdastyrýdyń úlgilik shemasy baqylaýshy organdardyń bólimshelerimen (budan ári – baqylaýshy organdar) júzege asyrylý kezinde ótkizýdi uıymdastyrýdy, atap aıtqanda: shekaralyq, kedendik, sanıtarlyq-karantındik, karantındik fıtosanıtarlyq, memlekettik veterınarlyq-sanıtarlyq baqylaýdy jáne/nemese qadaǵalaýdy, sondaı-aq temirjol ótkizý pýnktterinde (budan ári – ótkizý pýnktteri) Qazaqstan Respýblıkasynyń Memlekettik shekarasyn kesip ótetin adamdarǵa, júkter men taýarlarǵa qatysty temirjol stansalary ákimshilikteriniń is-qımyldaryn aıqyndaıdy.
2. Qyzmetti úılestirý jolymen baqylaýshy organdar men tasymaldaýshy halyqaralyq qatynas poezdary (budan ári - poezdar) qozǵalysynda baqylaý ótkizý ýaqytyn meılinshe azaıtý jáne negizsiz kidiristerdi boldyrmaý boıynsha barlyq múmkin sharalardy qolǵa alady.
3. Buzýshylyqtar anyqtalǵan jaǵdaıda baqylaýshy organnyń laýazymdy tulǵasy poezd bastyǵyn jáne temirjol stansasy boıynsha kezekshini, keıinnen poezd bastyǵyna kidiris aktisiniń berilýimen, kidiristiń sebepteri men boljanatyn uzaqtyǵy týraly habardar etedi, sondaı-aq poezdyq brıgadalar qyzmetkerleriniń tarapynan buzýshylyqtar anyqtalǵan jaǵdaıda Qazaqstan Respýblıkasynyń normatıvtik quqyqtyq aktilerin memlekettik tirkeý reestrinde № 2810 nómirimen tirkelgen «Jolaýshylardy, bagajdy jáne júk-bagajdy temir jol kóligimen tasymaldaý qaǵıdasyn bekitý týraly» Qazaqstan Respýblıkasy Úkimetiniń 2011 jylǵy 14 shildedegi № 799 qaýlysymen bekitilgen Qazaqstan Respýblıkasynda temir jol kóligimen jolaýshylardy, bagajdy jáne júk-bagajyn tasymaldaý qaǵıdalaryn tasymaldaýshylardyń saqtaýyn baqylaýdy júzege asyrý qaǵıdalaryn bekitý týraly Qazaqstan Respýblıkasy Kólik jáne kommýnıkasııalar mınıstriniń 2004 jylǵy 31 tamyzdaǵy № 324-I buıryǵymen bekitilgen reıstik jýrnalǵa tıisti jazba jazady.
4. Temirjol stansasynyń ákimshiligi poezdyń kelýine bir saǵat qalǵanda, baqylaýshy organdarǵa poezdyń ótkizý pýnktine kelýi – ýaqyty, turaq orny (temirjol joldary) jáne jolaýshylar sany, sondaı-aq ótkizý pýnktteri arqyly ótetin, júk poezdarynyń aldyn-ala sany, vagondardyń tıpteri jáne júkter men taýarlardyń sıpaty týraly aqparat beredi.
5. Jolaýshylar poezdarynyń poezdyq brıgada qyzmetkerleri poezdyń ótkizý pýnktine kelýine deıin baqylaýǵa arnalǵan qujattardyń, qol júginiń daıyn bolýymen, sondaı-aq toltyrylǵan kóshi-qon kartalarymen jáne kedendik deklarasııalarymen (qajetti jaǵdaıda) jolaýshylardyń óz oryndarynda bolýyn qamtamasyz etedi.
6. Baqylaý ótkizilý kezinde jolaýshylar vagondarda tek baqylaýshy organdardyń ruqsatymen ǵana júrip-tura alady. Baqylaý ótkizý ýaqytynda vagon-restorandardyń jumysy toqtatylady.
7. Jolaýshylar poezdarynda joljúgi vagondarynyń bolýy kezinde baqylaýshy organdar olardyń syrttaı qaralýyn, tasymaldanatyn júkter men taýarlarǵa qatysty tasymaldaý jáne jóneltpe qujattardy tekserýdi júzege asyrady.
Qazaqstan Respýblıkasynyń aýmaǵyna kirgizgen kezde joljúgi vagondaryndaǵy júk kedendik tranzıttiń kedendik rásimine sáıkes kedendik maǵlumdaýǵa jatady.
8. Poezdardyń jáne ondaǵy tasymaldanatyn júkterdiń tekserilýi, kedendik baqylaý bólimshesimen birlese Memlekettik shekarany kesip ótý tártibin buzýshylardy anyqtaý jáne ustaý maqsatynda, Qazaqstan Respýblıkasy Ulttyq qaýipsizdik komıteti Shekara qyzmeti shekaralyq baqylaý bólimshesimen (budan ári – shekaralyq baqylaý bólimshesi) ótkizý pýnktiniń arnaıy jaılastyrylǵan aımaǵynda júrgiziledi.
9. Baqylaýshy organdar tekserýdiń aıaqtalǵandyǵy týraly temirjol stansasy boıynsha kezekshige habarlaıdy.
10. Júk jáne jolaýshylar poezdarynyń Memlekettik shekara arqyly ótýleri kezinde, kedendik baqylaý bólimshesimen avtomattyq nemese qol rejıminde radıasııalyq baqylaýdyń tehnıkalyq quraldarynyń paıdalanylýymen radıasııalyq baqylaý júrgiziledi.
Qazaqstan Respýblıkasynan shyǵýǵa jáne/nemese Qazaqstan Respýblıkasyna kirýge qatysty júk jáne jolaýshylar poezdarynyń ótýleri kezinde, radıoaktıvtik materıaldardyń bolýyna qatysty radıasııalyq baqylaýdyń avtomattandyrylǵan júıeleriniń (ári qaraı – RBAJ) iske qosylýy jaǵdaıynda, kedendik baqylaý bólimshesiniń laýazymdy tulǵasy jyljymaly quramdy toqtatý, qaıta tekserý júrgizý, al rastalǵan jaǵdaıda – RBAJ tasymaldy quraldaryn paıdalanýmen ıondaýshy sáýlelený kózderin oqshaýlandyrý jáne sáıkestendirý úshin kedendik baqylaý bólimshesi men temirjol qyzmetiniń basshylyǵyna habarlaıdy.
11. Inspeksııalyq tekserip qaraý keshenderin (ITQK) paıdalanýmen ótkizý pýnktterinde temirjol kóligin tekserý Qazaqstan Respýblıkasynyń jáne shektes memleketterdiń aýmaqtyq kedendik baqylaý bólimshesiniń jáne temirjol qyzmetterimen bekitiletin, temirjol quramdary, azamattyq tulǵalardyń, onyń ishinde júkterdi alyp júretin adamdardyń sany týraly aqparattyń berilý tártibine sáıkes júrgiziledi.
12. Árbir temirjol ótkizý pýnktterinde onyń erekshelikterine baılanysty (sanattary, synyptary, ınfraqurylymynyń jáne tehnıkalyq jaraqtanýynyń damýy, jyl ýaqyty) Úlgilik shemanyń negizinde baqylaý organdary temirjol uıymdary basshylarynyń birlesken sheshimimen Memlekettik shekara arqyly adamdardy, kólik quraldaryn, júkter men taýarlardy ótkizýdi uıymdastyrý shemasy (budan ári – ótkizýdi uıymdastyrý shemasy) ázirlenedi jáne bekitiledi.
Kedendik jáne basqa da baqylaýshy organdary bolmaǵan, temirjol ótkizý pýnktterinde, ótkizýdi uıymdastyrý shemalary Qazaqstan Respýblıkasy Ulttyq qaýipsizdik komıteti Shekara qyzmeti quramasynyń (bóliminiń) komandıri jáne temirjol uıymynyń basshysymen birlesip bekitiledi.
Jolaýshylar poezdarynyń qozǵalys kestesi men turaqtaryna sáıkes, ótkizýdi uıymdastyrý shemalarynda baqylaý operasııalaryn júzege asyrý uzaqtyǵy belgilenedi.
13. Poezd keshigip kelgen jaǵdaıda shekaralyq, kedendik jáne basqa da baqylaý túrlerin júzege asyrýǵa bólingen ýaqytty qysqartýǵa bolmaıdy.
2. Halyqaralyq qatynas poezdarynyń Qazaqstan Respýblıkasynyń ótkizý pýnktteri aýmaǵyna kelýi kezindegi baqylaýshy organdardyń is-qımyldary
14. Jumys bastalar aldynda, baqylaýshy organdardyń laýazymdy tulǵalary poezd bastyǵynan poezdaǵy syrqat, syrqattary bolýǵa kúdikti tulǵalar, poezǵa zańsyz kirip ketken tulǵalar, sondaı-aq Qazaqstan Respýblıkasyna kirý quqyǵyna qujatsyz bolyp otyrǵan tulǵalar, Qazaqstan Respýblıkasyna (nan) ákelýge/shyǵarýǵa Keden odaǵynyń jáne Qazaqstan Respýblıkasynyń kedendik zańnamasymen tyıym salynǵan júkter týraly aqparatty naqtylaıdy.
15. Memlekettik shekara arqyly adamdardy jáne júkterdi tasymaldaý kezinde júkterdiń sanıtarlyq-karantındik jaǵdaıy jáne adamdardyń densaýlyq jaǵdaıynyń nasharlaý qaýpi bolǵan jaǵdaıda baqylaýdyń basqa túrlerin júrgizgenge deıin sanıtarlyq-karantındik qadaǵalaý júzege asyrylady.
16. Jolaýshylar poezdarynyń shekaralyq baqylaýy jekelegen jaǵdaılarda Memlekettik shekara syzyǵynan ótkizý pýnktine deıin jáne keri baǵyttaǵy qozǵalysy barysynda, sondaı-aq poezdar júrisiniń tranzıttik ýchaskelerinde olardyń shekaralyq narıadtarymen birge júrýimen júzege asyrylady.
Memlekettik shekara arqyly temirjol kóligimen ótetin adamdardyń qujattaryn tekserý tikeleı shetelge baratyn poezdar vagondarynda nemese shekaralyq stansalardyń jabdyqtalǵan zaldarynda, sondaı-aq temirjol stansasynyń platformasynda júzege asyrylady. Temirjol ótkizý pýnktindegi shekaralyq baqylaýdy júzege asyrý birizdiligi naqty jaǵdaılarǵa, turaq ýaqytyna, tranzıttik ýchaskelerdiń bolýyna jáne ótkizý pýnktteriniń basqa erekshelikterine baılanysty bolady.
17. Vagondardyń ishki bóligin tekserý, poezdyq brıgadalar múshelerin tarta otyryp, Memlekettik shekara arqyly ótetin adamdardyń qujattaryn bir ýaqytta tekserýmen, Memlekettik shekarany kesip ótý tártibin buzýshylardy anyqtaý jáne ustaý maqsatynda shekaralyq narıadtary júzege asyrady.
18. Qazaqstan Respýblıkasyna kirý kezinde kedendik, al qajet bolǵan kezde qol júgi men bagaj baqylaýynyń basqa da túrleri, shekaralyq narıadtarymen olardyń ıelerinen Qazaqstan Respýblıkasyna kirý quqyǵyna qatysty qujattardy tekserýden keıin júrgiziledi. Qazaqstan Respýblıkasynan shyǵý kezinde baqylaý keri rettilikte júzege asyrylady.
19. Júrý joly aıaqtalǵan, shekaranyń ar jaǵynan kelgen jolaýshylardyń shyǵýy, poezdyń qalǵan vagondaryndaǵy baqylaý aıaqtalǵanyn kútpesten, vagondaǵy shekaralyq jáne kedendik baqylaý aıaqtalǵannan keıin ruqsat etiledi.
20. Júrý joly ótkizý pýnktinde aıaqtalatyn, shekaranyń ar jaǵynan kelgen jolaýshylarǵa qatysty baqylaýdyń shekaralyq, kedendik jáne basqa da túrleri, sondaı-aq baqylaýshy organdarmen sol úshin arnaıy jabdyqtalǵan ótkizý pýnktiniń ǵımaratynda júrgiziledi.
21. Qazaqstan Respýblıkasymen ratıfıkasııalanǵan halyqaralyq sharttarǵa, «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń Kodeksine, «О́simdikter karantıni týraly» Qazaqstan Respýblıkasynyń Zańyna, «Veterınarııa týraly» Qazaqstan Respýblıkasynyń Zańyna sáıkes sanıtarlyq-karantındik baqylaýdy, karantındik fıtosanıtarlyq baqylaýdy jáne qadaǵalaýdy, memlekettik veterınarlyq-sanıtarlyq baqylaýdy jáne qadaǵalaýdy jáne ózge túrlerin júrgizý qajetti taýarlardyń, júkterdiń oryndaryn aýystyrýy kezinde taýarlardy kedendik rásimge qoıýǵa tek tıisti baqylaýdan keıin ǵana ruqsat etiledi.
22. Kedendik baqylaý bólimshesi, berilýi Qazaqstan Respýblıkasy Kedendik odaqtyń kedendik zańnamasymen qarastyrylǵan,