Memleket basshysy Nursultan Nazarbaev belgili balet bıshisi, KSR jáne KSRO halyq ártisi Ramazan Bapovtyń ómirden ozýyna baılanysty onyń otbasy men týystaryna kóńil aıtý jedelhatyn joldady. Bul týraly «Qazaqstan jańalyqtary» agenttigi habarlady.
Prezıdent jedelhatta Ramazan Bapovtyń óz ómirin ónerge arnap, zor tabystarǵa qol jetkizgenine toqtaldy.
«Ol uzaq jyl Abaı atyndaǵy Qazaq memlekettik akademııalyq opera jáne balet teatrynda jemisti eńbek etip, aıtýly spektaklderdegi basty partııalardy úlken sheberlikpen oryndap, ónersúıer qaýymnyń ystyq yqylasyna bólendi. О́z ónerin álemniń kóptegen eliniń sahnalarynda da pash etti. Ustazdyq qyzmetpen aınalysyp, shákirtter tárbıeledi. 2008 jyly meniń shaqyrýymmen elge oralyp, týǵan teatrynyń shyǵarmashylyq turǵydan odan ári kemeldene túsýine laıyqty úlesin qosty», – delingen jedelhatta.
Jedelhat sońynda Nursultan Nazarbaev Qazaqstan halqy onyń esimi men eńbegin árdaıym este saqtaıtynyn atap ótken.
Derekkóz: «Qazaqstan jańalyqtary» agenttigi.
Foto: «Qazaqstan jańalyqtary» agenttigi.