Nur-Sultan qalasynyń qoǵamdyq densaýlyq saqtaý basqarmasynyń basshysy Tımýr Muratov qazirgi ýaqytta elordada qansha vaksınalaý pýnkti jumys isteıtinin aıtty, dep habarlady Egemen.kz.
«Vaksınasııalanatyn halyqtyń basym bóligin biz vaksınasııaladyq. Biraq bul vırýsty tolyǵymen jeńý úshin jetkiliksiz - azamattardyń ekpe alýdaǵy sanasy sheshýshi ról atqarady», dedi Tımýr Muratov.
Spıker halyqty jappaı vaksınalaýmen qamtý úshin vaksınasııa pýnktteri 36-dan astam medısınalyq uıymdarda jáne qalanyń tórt saýda kesheninde, atap aıtqanda «Kerýen» SOO, «Abý-Dabı Plaza», «Azııa park» jáne «Evrazııa» SÚ-de ashylǵanyn atap ótti.
«22 qarashada búkil el boıynsha azamattardyń koronavırýstyq ınfeksııaǵa qarsy revaksınasııasy bastaldy. Búgingi kúni qala boıynsha KVI-ǵa qarsy qaıtalama vaksınany medısına qyzmetkerleri, pedagogtar, kúsh qurylymdarynyń qyzmetkerleri, 60 jastan asqan jáne ımmýnıteti tómen adamdar, medısınalyq-áleýmettik mekemelerdiń personaly men kontıngentinen 19 myńnan astam adam aldy. Revaksınasııa sanıtarlyq normalar men komponentter arasyndaǵy aralyqty qatań saqtaı otyryp júrgiziletinin atap ótemin. Ekpeni medısınalyq uıymdar men SOO, TD vaksınasııalaý pýnktterinen alýǵa bolady», dep túıindedi Tımýr Muratov.