Komendanttyq saǵat kezinde elordada áýejaı men temirjol vokzaldarynan jolaýshylardy qarsy alýǵa jáne shyǵaryp salýǵa ruqsat beriledi. Mindetti shart – bılettiń (foto) jáne jeke basty kýálandyratyn qujattarynyń ózimen birge bolýy, dep habarlaıdy Egemen.kz.
Bul sharalar jolaýshylarǵa yńǵaıly bolý úshin qabyldandy.
Sondaı-aq komendanttyq saǵat kezinde jolaýshylardy jetkizý maqsatynda qala ákimdiginiń Kólik jáne jol-kólik ınfraqurylymyn damytý basqarmasy men CTS JShS «Nursultan Nazarbaev halyqaralyq áýejaıy» – «Nurly jol vokzaly» qatynasyndaǵy marshrýttyq avtobýstardy arnaıy iske qosty, olar 21:00-den tańǵy 06:00-ge deıin qatynaıdy.
Komendatýra qalada komendanttyq saǵat 23:00-den tańǵy 07:00-ge deıin ekenin eske saldy. Qala turǵyndaryna syrtqa shyǵýǵa tyıym salynady. Elordany quqyq qorǵaý organdary táýlik boıy kúzetedi.
Qosymsha aqparat alý úshin azamattar komendatýranyń jedel shtabyna 71 60 20 nómiri boıynsha nemese «IKomek109» qyzmetine habarlasa alady.