Qazaqtyń ańǵa salatyn dala qusynyń biri – qarshyǵa. Alaıda jyrtqysh qustyń kópqabatty turǵyn úıge kirgenin kim kórgen?
Atyraý qalasyndaǵy kópqabatty úıdiń turǵyndary kireberisten dala qusyn kórip, oblystyq tótenshe jaǵdaılar departamentine habar bergen. Biraq qarshyǵanyń kólik qozǵalysy men shýy kóp qalaǵa qaıdan, qalaı kelgeni belgisiz. Álde bireýdiń qolǵa úıretken qusy ma?
«Tótenshe jaǵdaılar departamentiniń dıspetcherlik pýltine 14 qańtarda turǵyndardan shaǵym tústi. Shaqyrtý ornyna kelgen qutqarýshylar turǵyn úıdiń kireberisindegi dala qusynyń qarshyǵa ekenin anyqtady. Qutqarýshylar ózdiginen dalaǵa shyǵar joldy taba almaǵan qarshyǵany ustap alyp, erkindikke jiberdi», dep málim etti departamenttiń baspasóz qyzmeti.
Atyraý oblysy