Keshe elordada EQYU-nyń Is basyndaǵy tóraǵasy, Qazaqstan Respýblıkasynyń Memlekettik hatshysy – Syrtqy ister mınıstri Qanat Saýdabaev Beıbitshilik jáne adam quqyqtary ortalyǵynyń prezıdenti (Oslo qalasy), Norvegııa Koroldiginiń eks premer-mınıstri Kell Magne Bondevıkpen kezdesti.
Ol Qazaqstanǵa EQYU-ǵa tóraǵa el retinde osy uıymnyń túrli ólshemderine qatysty máselelerdi talqylaý jáne bizdiń memleketimizben bitimgershilik salasyndaǵy yntymaqtastyqty nyǵaıtý maqsatynda kelgen bolatyn.
K.M.Bondevık Qazaqstannyń el ishindegi ultaralyq jáne dinaralyq kelisimdi nyǵaıtý, toleranttylyq qaǵıdattaryn halyqaralyq deńgeıde ilgeri jyljytý salalaryndaǵy kúsh-jigerine joǵary baǵa berdi. Norvegııalyq saıasatker Qazaqstannyń jáne Prezıdent Nursultan Nazarbaevtyń jeke basynyń, ásirese, ótken sáýir aıynda Vashıngtonda uıymdastyrylǵan Iаdrolyq qaýipsizdik jónindegi jahandyq sammıtte aıryqsha aıtylǵan Iаdrolyq qarýsyzdaný men halyqaralyq qaýipsizdikti bekemdeýge qosqan úlken úlesin erekshe atap ótti.
Kezdesýde, sonymen qatar, Qazaqstannyń EQYU-ǵa tóraǵalyq mıssııasyn oryndaýdaǵy tıimdi de pragmatıkalyq qadamdary atap aıtyldy. Suhbattastar Qazaqstannyń Uıymnyń úsh ólshemi – áskerı-saıası, ekonomıkalyq-ekologııalyq jáne gýmanıtarlyq ólshemderiniń tep-teńdigin qamtamasyz etýge nyq jaqyndyǵyn atap kórsetti. Sonymen birge, Astananyń tóraǵalyq kezeńinde gýmanıtarlyq ólshemder boıynsha birqatar salmaqty sharalar uıymdastyrmaq nıeti respýblıkanyń EQYU-nyń osy mańyzdy saladaǵy kúsh-jigerine jańa serpin qosýǵa umtylysyn aıǵaqtaıtyny ataldy. Bul jerde áńgime aldaǵy maýsym aıynda Danııada ótedi dep josparlanǵan EQYU-nyń adam quqyqtary salasyndaǵy eń basty qujattarynyń biri – Kopengagen qujaty men Astanada uıymdastyrylady dep kútilip otyrǵan toleranttylyq jáne kemsitpeýshilik jónindegi joǵary deńgeıdegi konferensııa.
Osyǵan baılanysty Q.Saýdabaev pen K.Bondevık EQYU aıasynda adam quqyqtaryn ilgeri jyljytý salasyndaǵy ózara is-qımyldy odan ári nyǵaıtý perspektıvalaryn talqylady.