Aýǵanstan bıligi basyp alynǵannan beri «Talıban» radıkaldy ıslamıstik qozǵalysy alǵash ret áıelderdi basqarýshy laýazymdarǵa taǵaıyndaı bastady, dep habarlaıdy Egemen.kz.
«Izvestııa» basylymynda atap ótilgendeı, dáriger Malalaı Rahım Kabýldaǵy «Malalaı» mamandandyrylǵan perzenthanasynyń dırektory bolyp taǵaıyndaldy.
Bul Aýǵanstandaǵy jalǵyz akýsherlik-gınekologııalyq mekeme.
Al dáriger Arıan Shahrara Aýǵanstan astanasynda ornalasqan gınekologııalyq klınıkanyń dırektory bolyp taǵaıyndaldy.
Aıta ketsek, perzenthana men gınekologııalyq klınıkada ana ólimi jıi tirkeledi.
«TASS» habarlaǵandaı, atalǵan taǵaıyndaýlardan buryn radıkaldar birqatar elder men halyqaralyq uıymdardyń ókilderimen kezdesýler ótkizdi, onda, atap aıtqanda, áıel jynysty ókilderdiń eldiń qoǵamdyq-saıası ómirine qatysý máselesi kóterildi.
Eske salsaq, 2021 jyldyń kúzinde Aýǵanstan bıligin óz qoldaryna alǵan tálibter áıelder mınıstrligin taratyp, qyzdardyń mektepterge kirýin shektedi, al telejúrgizýshi áıelderge hıdjab kııý mindetteldi.