Sharaına
Italııanyń kassasııalyq soty eldiń burynǵy premer-mınıstri Sılvıo Berlýskonıdi eki jyl boıy memlekettik qyzmetpen aınalysýǵa tyıym salý jónindegi tómengi sottyń sheshimin kúshinde qaldyrdy. О́tken jyldyń kúzinde Berlýskonıge onyń ózi baqylaý jasaıtyn «Medıaset» holdıngindegi salyq alaıaqtyǵyna baılanysty sot osyndaı sheshim shyǵarǵan bolatyn. Sondaı-aq, ol osy iske qatysty senatorlyq mandattan da aıyrylǵan edi. Alǵashqy sotta 77 jastan asqan ony bes jyl boıy memlekettik qyzmetpen aınalysýǵa tyıym salý jóninde másele kóterilgeni bar. Biraq, eks-premerdiń qorǵaýshylary oǵan jol bermedi. Nátıjesinde onyń memlekettik qyzmetpen aınalyspaý merzimi eki jylǵa deıin tómendetildi. Ereýil sońy tártipsizdikke ulasty Nepal astanasy – Katmandýde janar-jaǵarmaı baǵasynyń ósýine qarsy ereýil sońy jappaı tártipsizdikke ulasty. Bul jóninde «Assosheıted press» agenttigi habarlady. Ereýil el úkimeti benzın, kerosın jáne dızel otyny tarıfteriniń kóterilgendigi týraly jarııa etkennen keıin bastalǵan. Mundaı sheshimniń qabyldanýyna memleket qaramaǵyndaǵy «Nepal Oil» kompanııasynyń qarjylyq qıyn jaǵdaıy sebep bolsa kerek. Onyń ústine bul kompanııa eldiń otyn-energetıkasy salasynda monopolıst bolyp tabylady. Baǵanyń qymbattaýyna alǵashqy bolyp qarsy shyqqandar stýdentterdiń kásipodaqtary eken. Al keshe ereýilge qatysýshylar Katmandý kóshelerinde qaladaǵy dúkenderdiń jumys isteýin toqtatýdy talap etken. Sondaı-aq, avtokólikterdi aýdarǵan jáne órtegen. Osyǵan baılanysty polısııa 80-ge jýyq adamdy ustapty. Jumysyn toqtatýdy talap etti AQSh bıligi Sırııanyń Vashıngtondaǵy elshiliginiń, sondaı-aq Mıchıgan men Tehastaǵy konsýldyqtarynyń jumysyn toqtatýdy talap etti. Aqparat agenttikteriniń habarlaýynsha, Sırııanyń dıplomatııalyq ókildikterinde jumys isteıtin sırııalyq azamattardyń barlyǵy AQSh aýmaǵyn tastap shyǵýlary tıis. AQSh-tyń Sırııa boıynsha arnaıy ókili Danıel Rýbınshteınniń habardar etýinshe, Sırııa basshysy Bashar Asad taǵaıyndaǵan dıplomattardyń el aýmaǵynda qyzmet etýi «qolaısyz» áser qaldyrady.Qysqa qaıyryp aıtqanda:
*Reseıdiń ulttyq antıterrorlyq komıteti «Imarat Kavkaz» uıymynyń jetekshisi Doký Ýmarovtyń ólimi týraly aqparattyń joq ekendigin málimdedi. *Izraıldiń áskerı-áýe kúshteri seısenbiden sársenbige qaraǵan túni Golan jotasyna ornalasqan Sırııanyń áskerı nysandaryn zymyranmen atqylady. Olar muny osydan birer kún buryn sırııalyqtardyń áreketine jaýap retinde jasap otyr. *Túrkııa statıstıka ınstıtýtynyń Kars qalasyndaǵy ofısinde bolǵan atys kezinde jeti adam oqqa ushty. Jumystan bosatylǵan bir qyzmetker ofıske kelip, óziniń burynǵy áriptesin kepilge alǵan. Aldymen ol alty adamdy atyp óltirgen. Artynan ózine oq jumsaǵan. *Grekııanyń áskerı-teńiz kúshteri «Týre-214» jobasy boıynsha 2015 jylǵa qaraı úsh súńgýir qaıyǵymen tolyǵady. Bul jóninde eldiń qorǵanys mınıstri D.Avramopýlos málimdedi. Eski moneta jańasymen aýystyrylady Ulybrıtanııa 2017 jyly jasandy aqsha jasaýǵa qarsy kúresý maqsatynda bir fýnt sterlıng monetasyn jańasymen aýystyrýdy josparlap otyr. Bul jańa moneta álemdegi eń jaqsy qorǵalǵan aqsha bolyp tabylady. Koroldik moneta saraıynyń baǵalaýy boıynsha, qazirgi kezde aınalymda júrgen bir fýnttyq monetalardyń úsh paıyzǵa jýyǵy qoldan jasalǵan. Ulybrıtanııanyń keıbir aımaqtarynda onyń úlesi alty paıyzǵa jetedi. Qoldan jasalǵan monetalardyń jalpy sany 45 mıllıon danany quraıdy eken. Eki tústi jańa moneta úsh deńgeıli qaýipsizdik belgisine ıe. Al elde bir fýntty jasandy monetalar, ásirese, ótken onjyldyqtyń sońynda jıi kórinis bere bastapty. Eki júk kemesi soqtyǵysty Tokıo shyǵanaǵynda eki júk kemesiniń soqtyǵysýy saldarynan Qytaıdyń toǵyz azamaty iz-túzsiz joǵalyp ketti. Bul jóninde Japonııa jaǵalaý kúzetiniń ókili habarlady. Derek kózderine qaraǵanda, apat jergilikti ýaqyt boıynsha túngi saǵat úshter shamasynda bolǵan. Panamanyń júk kemesi Ońtústik Koreıanyń kemesimen soqtyǵysqannan keıin sýǵa batyp ketken. Oqıǵanyń ne sebepten bolǵany jóninde naqty aqparat joq. Sýǵa batqan keme ekıpajynyń 20 múshesi qutqarylǵan. Qytaı qutqarýshy qyzmeti ókiliniń habarlaýynsha, qytaılyq tarap apat bolǵan jerge ózderiniń qutqarýshy kemesin jibermeý týraly sheshim qabyldaǵan. Sebebi, apatty oqıǵa Japonııanyń aýmaǵynda oryn alǵan. Kúshik 1,9 mıllıon dollarǵa satyldy Qytaıdyń Chjeszıan provınsııasynda tıbettik mastıf tuqymdy kúshik 1,9 mıllıon dollarǵa satyldy. Atalǵan aqparatty keshe «Frans-press» agenttigi jergilikti BAQ-tarǵa silteme jasaı otyryp taratty. Tıbettik mastıf tuqymdy ıt ósirýmen aınalysatyn Chjeszıan provınsııasy turǵynynyń aıtýynsha, álemdegi eń qymbat turatyn kúshiktiń jańa ıesi Sındaodaǵy qurylys kompanııasynyń basshysy bolyp tabylady. Sonymen birge, ol osy tuqymdas taǵy bir kúshikti 1 mıllıon dollarǵa satqan eken. Kúshikter baǵasynyń osynshalyqty joǵary bolýy ıttiń bul tuqymy óte sırek kezdesedi jáne ol Qytaıdyń ulttyq ıgiligi retinde esepteledi.Internet materıaldary negizinde ázirlendi.