Sınoptıkter 8, 9 jáne 10 aqpanǵa arnalǵan aýa raıy boljamyn jarııalady, dep habarlaıdy Egemen.kz.
Qazaqstan aýmaǵynyń basym bóligine aı aıaǵyna qaraı Ekaterınbýrg aýdandarynan keletin sıklon áser etedi.
«Osyǵan baılanysty aýa raıy turaqsyz sıpatta bolady. Jaýyn-shashyn, tuman, kóktaıǵaq bolyp, jel kúsheıýi múmkin. Aı aıaǵyna qaraı, Qazaqstannyń soltústik, shyǵys, ortalyq óńirlerine Batys Sibir aýdandarynan keletin antısıklon áser etedi. Sondyqtan jaýyn-shashyn toqtap, temperatýra tómendeıdi», delingen habarlamada.
Soltústik óńirlerde túnde 15...28 gradýsqa deıin, ortalyq óńirlerde 15...25 gradýsqa deıin, al shyǵysta 15...30 gradýsqa deıin aıaz bolady.